完整藏文原文 · 德格版页 当前仅加载第 11 函德格 66b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། ཆུང་མ་དང་། གཉེན་འདུན་དང་། གཞན་གྲོགས་པོ་དང་། ཕུ་ནུ་དག་གིས་ཅི་ཉེས་ཞེས་དྲིས་པ་དང་། དེས་གསེར་གྱི་དོང་ཙེ་ལྔ་བརྒྱ་བསླངས་ནས་ཁྱེར་ཏེ་འོངས་ནས་ཁར་རྩང་མི་རྒྱུན་ཆད་པའི་དུས་སུ་དུར་ཁྲོད་དུ་བརྐོས་ཏེ་བཞག་ནས་ཁྱིམ་དུ་སོང་ངོ་། །དེ་རིང་བདག་གིས་བཙལ་
D6.011.0066b01.01ན་མི་སྣང་ངོ་ཞེས་སྨྲས་པ་དང་། དེ་དག་གིས་སྨན་ཆེན་པོའི་དྲུང་དུ་སོང་དང་། བློན་པོའི་མཆོག་དེ་མཁས་ཤིང་ཤེས་ལ་བརྟག་པ་དང་། དཔྱད་པ་ཡང་རྟོགས་ཤིང་དོན་རྣམས་ལ་རྗེས་སུ་དཔོག་པས་རིག་གིས་དེ་ལ་སྐྱབས་སུ་སོང་ཤིག་དང་། དེས་གལ་ཏེ་ཐོབ་པར་བྱེད་ཀྱང་
D6.011.0066b02.01སྲིད་ཀྱིས་སྐྱབས་གཞན་མི་སྣང་ངོ་ཞེས་བསྟན་པ་དང་། དེ་ནས་བྲམ་ཟེ་དེ་གདོང་ལ་མཆི་མ་ཟག་ཅིང་ངུ་བཞིན་དུ་སྨན་ཆེན་པོའི་དྲུང་དུ་ཕྱིན་ནས་རྒྱལ་བ་དང་། ཚེ་རིང་བར་ཤོག་ཤིག་ཅེས་བརྗོད་ནས་གསོལ་པ། ལྷ་འདི་ལྟར་བདག་གིས་བསླངས་པ་འཚལ་ཏེ་མཆིས་ནས་ཁར་རྩང་མི་
D6.011.0066b03.01རྒྱུན་ཆད་པའི་དུས་ན་དུར་ཁྲོད་དུ་བརྐོས་ཏེ་སྦས་ནས་ཁྱིམ་དུ་མཆིས། དེང་བདག་སླར་དེར་མཆིས་ན་མ་རྙེད་པར་གྱུར་ཏོ། །དེ་ནས་བློན་པོའི་མཆོག་སྨན་ཆེན་པོ་དེ་ཇི་ལྟ་བུ་ཞིག་ཅེས་སྐད་ཅིག་ཅང་མི་སྨྲ་བར་འདུག་ནས། བྲམ་ཟེ་དེ་ལ་ཀྱེ་བྲམ་ཟེ་ཁྱོད་ཀྱིས་ཕྱོགས་གང་དུ་བཞག །དུས་ནི་ཇི་
D6.011.0066b04.01ཙམ་ན། ཁ་ཅིག་གིས་མཐོང་བའམ། ཁ་ཅིག་ལ་སྨྲས་པ་ལྟ་མེད་དམ་ཞེས་དྲིས་པ་དང་། དེས་ཇི་ལྟ་བུར་གྱུར་པ་ཞིབ་ཏུ་སྨྲས་སོ། །དེ་ནས་ཡང་བྲམ་ཟེ་མོ་དེ་སྐྱེས་པ་གཞན་ལ་ཆགས་ཏེ་དེའི་སྒྱུ་ཡིན་པར་གདོན་མི་ཟའོ་ཞེས་བསམས་ནས། བྲམ་ཟེ་དེ་དབུགས་དབྱུང་བའི་ཕྱིར་ཁྱོད་མི་དགའ་
D6.011.0066b05.01བར་མ་བྱེད་ཅིག་དང་། དེ་མེད་ན་བདག་ཉིད་ཀྱི་ནོར་ལས་སྦྱིན་ནོ། །དེ་ལྟར་བྲམ་ཟེ་དབུགས་ཕྱུང་ནས་སྨྲས་པ། ཁྱོད་ཀྱི་ཁྱིམ་ན་ཁྱི་ལྟ་ཡོད་དམ། བྲམ་ཟེ་དེས་མཆིས་སོ་ཞེས་སྨྲས་སོ། །སོང་ལ་བྲམ་ཟེ་བརྒྱད་བོས་ཤིག །བཞི་ནི་ཁྱོད་ཉིད་ཀྱིས་བོས་ཤིག །བཞི་ནི་ཆུང་མ་ལ་ཁྱོད་ཀྱིས་ཀྱང་
D6.011.0066b06.01བོས་ཤིག་ཅེས་བསྒོ་ལ་དེ་ནས་འདི་སྐད་སྨྲོས་ཤིག །བདག་ཁྱིམ་དུ་སླར་དགེ་ཞིང་བཀྲ་ཤིས་པར་འཁོར་ན་བྲམ་ཟེ་བརྒྱད་ཟན་སྦྱིན་པར་ལྷ་དབང་ཕྱུག་གི་སྤྱན་སྔར་ཁས་བླངས་སོ་ཞེས་བྱོས་ཤིག །དེ་ནས་དེ་ཁྱིམ་དུ་སོང་བ་ཆུང་མ་ལ་བདག་ལམ་དུ་ཞུགས་ཏེ་སོང་བའི་ཚེ་ལྷའི་སྤྱན་སྔར་ཇི་སྟེ་དགེ་ཞིང་
D6.011.0066b07.01