完整藏文原文 · 德格版页 当前仅加载第 11 函德格 155a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ་དང་། དེ་འདུག་གོ། །དེས་ཀྱང་དེའི་རྐང་པ་ལ་ཕྱག་འཚལ་ཏེ་མདུན་དུ་འདུག་ནས་ཐལ་མོ་སྦྱར་ཏེ་འཕགས་པ་དགོངས་ཤིག །བདག་མིང་འདི་ཞེས་བྱ་བའི་དགེ་སློང་མ་ལ་འདི་ལྟ་བུ་འདི་འདྲ་བའི་ཉེས་པ་ཞིག་བྱུང་སྟེ། དེ་བདག་གིས་འཕགས་པའི་སྤྱན་སྔར་ཉེས་པ་
D6.011.0155a01.01བྱུང་བ་བཤགས་སོ། །མཐོལ་ལོ། །མི་འཆབ་བོ། །མཐོལ་ཞིང་བཤགས་ན་བདེ་བར་འགྱུར་རོ་མ་བཤགས་མ་མཐོལ་ན་ནི་མ་ཡིན་ནོ། །དེས་འདི་ལྟ་བུའི་གཟུགས་ཀྱི་ཉེས་པ་བྱུང་བ་ནི་འཕགས་མས་མ་ལེགས་པར་བྱས་སོ་ཞེས་སྨྲས་པ་དང་། དགེ་སློང་མ་དེ་སྐྱེངས་པར་གྱུར་ཏོ། །དེ་ལྟར་
D6.011.0155a02.01གྱུར་པ་དགེ་སློང་དག་གིས་ཐོས་ནས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་དག་དགེ་སློང་མས་དགེ་སློང་ཕའི་མདུན་དུ་ཉེས་པ་མཐོལ་བར་མི་བྱ་སྟེ། དགེ་སློང་མ་ཡོངས་སུ་དག་པ་ལྟ་བ་མཐུན་པའི་མདུན་དུ་ཉེས་པ་
D6.011.0155a03.01མཐོལ་བར་བྱའོ། །དགེ་སློང་མས་དགེ་སློང་གི་མདུན་དུ་ཉེས་པ་མཐོལ་ན་འདས་པ་དང་བཅས་པར་འགྱུར་རོ།། །།མདོར་ན། དགེ་སློང་ཕས་ནི་ལས་བརྗོད་ཅིག །དགེ་སློང་མས་ནི་བརྟག་པར་བྱའོ། །ཁྲི་དང་ཁྲིའུ་ཡང་སྦྱིན་པར་བྱ། །གཡོགས་པ་དག་ལ་མི་གཞག་གོ། །སངས་
D6.011.0155a04.01རྒྱས་བཅོམ་ལྡན་འདས་མཉན་དུ་ཡོད་པ་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། བཅོམ་ལྡན་འདས་ཀྱིས་དགེ་སློང་ཕའི་ལས་ཀྱང་སོ་སོ། དགེ་སློང་མའི་ཡང་སོ་སོ། སྤྱི་ལས་ནི་མ་གཏོགས་སོ་ཞེས་གསུངས་པ་དང་། དགེ་སློང་མ་དག་དགེ་སློང་ཕའི་
D6.011.0155a05.01མདུན་ན་ལས་བྱས་པ་དང་། འཇིགས་པར་གྱུར་ཏེ་ལས་བྱེད་པར་མ་སྤོབས་སོ། །དེ་ལྟར་གྱུར་པ་དགེ་སློང་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གིས་ལས་བྱོས་ཤིག །དགེ་སློང་མས་ནི་བརྟག་པར་བྱའོ། །
D6.011.0155a06.01བཅོམ་ལྡན་འདས་ཀྱིས་དེ་ལྟ་བས་ན་དགེ་སློང་དག་གིས་ནི་ལས་བྱོས་ཤིག །དགེ་སློང་མས་ནི་བརྟག་པར་བྱའོ་ཞེས་གསུངས་པ་དང་། དགེ་སློང་མ་དག་གིས་ཇི་ལྟར་བརྟག་པ་མི་ཤེས་ཏེ་དེ་དག་གིས་དེ་ལྟར་གྱུར་པ་དགེ་སློང་དག་ལ་སྨྲས་ནས་དགེ་སློང་དག་གིས་བཅོམ་ལྡན་
D6.011.0155a07.01