完整藏文原文 · 德格版页 当前仅加载第 11 函德格 151a 版页；藏文 NFD、目录标记与异常页序保留在来源切片中，重复版页行以稳定序号区分。
མོ་བདག་གིས་ཕྲོགས་ཏེ་ཟ་བར་གྱུར་ཅིག །བདག་ལ་བུ་ཡང་ལྔ་བརྒྱ་བཙའ་བར་གྱུར་ཅིག་ཅེས་སྨྲས་སོ། །དགེ་སློང་དག་དེའི་ཚེ་བ་ལང་རྫིའི་ཆུང་མར་གྱུར་པ་ནི་ད་ལྟར་གྱི་འཕྲོག་མ་ཡིན་ཏེ་སྨོན་ལམ་བཏབ་པའི་དབང་གིས་འདི་ལྟ་བུར་སྐྱེས་པ་ཡིན་ནོ།། །།
D6.011.0151a01.01འདུལ་བ་ཕྲན་ཚེགས་ཀྱི་གཞི། བམ་པོ་བཞི་བཅུ་རྩ་གཅིག་པ། གླེང་གཞི་ནི་མཉན་དུ་ཡོད་པ་ན་སྟེ། བཅོམ་ལྡན་འདས་ཀྱིས་དགེ་སློང་མ་དགོན་པ་ལ་གནས་པར་མི་བྱའོ་ཞེས་གསུངས་པ་དང་། དེ་དག་ཚོང་དུས་དང་། སྲང་དང་། ལམ་གྱི་སུམ་མདོ་དག་ཏུ་བསམ་གཏན་
D6.011.0151a02.01ལ་ཞུགས་པ་ན་དེ་ཡང་ཉེས་པའི་དམིགས་སུ་གྱུར་ཏེ། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་དེ་ལྟ་བས་ན་དགེ་སློང་མ་དག་དབྱར་མོ་ཁང་ན་གནས་པར་བྱའོ་ཞེས་བཀའ་སྩལ་པ་དང་། དད་པའི་བྲམ་ཟེ་དང་། ཁྱིམ་
D6.011.0151a03.01བདག་དག་གིས་བཅོམ་ལྡན་འདས་ཀྱིས་དགེ་སློང་མ་རྣམས་ལ་དབྱར་མོ་ཁང་གནང་ངོ་ཞེས་ཐོས་ནས། དེ་དག་གིས་གྲོང་ཁྱེར་གྱི་ཕྱི་རོལ་དུ་དགེ་སློང་མའི་དབྱར་མོ་ཁང་བརྩིགས་པ་དང་། དགེ་སློང་མ་དག་ལ་དེ་བཞིན་དུ་མི་རྒོད་དང་། ནལ་གྱི་བུ་དང་། སུའི་བུ་གཏོལ་མེད་པ་
D6.011.0151a04.01དག་གླགས་ལྟ་བར་གྱུར་ནས་དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དེ་ལྟ་བས་ན་དགེ་སློང་མའི་དབྱར་མོ་ཁང་གྲོང་ཁྱེར་གྱི་ཕྱི་རོལ་དུ་མ་བརྩིག་པར་གྲོང་ཁྱེར་གྱི་ནང་དུ་བརྩིག་པར་བྱའོ་ཞེས་བཀའ་སྩལ་ཏོ། །གླེང་གཞི་ནི་
D6.011.0151a05.01མཉན་དུ་ཡོད་པ་ན་སྟེ། དགེ་སློང་མ་སྦོམ་དགའ་མོས་དབྱར་མོ་ཁང་གི་སྒོ་ན་འདུག་སྟེ་བྲམ་ཟེ་དང་ཁྱིམ་བདག་དག་ལ་འཕྱས་པ་དང་། དེ་དག་འཕྱ་ཞིང་སྨོད་ངན་དུ་འཛེར་ཏོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་
D6.011.0151a06.01དགོངས་པ། གང་ཉེས་པའི་དམིགས་སུ་གྱུར་པ་ནི་དགེ་སློང་མ་དབྱར་མོ་ཁང་གི་སྒོ་ན་འདུག་པའི་ཕྱིར་ཏེ། དེ་ལྟ་བས་ན་དགེ་སློང་མ་དབྱར་མོ་ཁང་གི་སྒོ་ན་འདུག་པར་མི་བྱ་བར་དགོངས་ནས་དགེ་སློང་རྣམས་ལ་བཀའ་སྩལ་པ། དགེ་སློང་རྣམས་བྲམ་ཟེ་དང་། ཁྱིམ་བདག་དག་
D6.011.0151a07.01