完整藏文原文 · 德格版页 当前仅加载第 11 函德格 37a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་མངོན་པར་དད་པའི་ལྷ་དང་། ཀླུ་དང་། གནོད་སྦྱིན་དང་། ཀོ་ས་ལའི་རྒྱལ་པོ་གསལ་རྒྱལ་དང་། བཙུན་མོ་ཕྲེང་ལྡན་མ་དང་། རྒྱལ་རིགས་དབྱར་ཚུལ་མ་དང་། ཕྱ་མཁན་དྲང་སྲོང་བྱིན་དང་། རྙིང་བ་དག་དང་། {རི་དགས་,རི་དྭགས་}འཛིན་གྱི་མ་ས་ག་དང་། གཞན་
D6.011.0037a01.01ཡང་དད་པ་ཅན་མང་པོ་མཉན་ཡོད་དུ་འོངས་ནས་དེར་ཟང་ཟིང་གི་རྙེད་པ་དང་མཆོད་པའི་བཀུར་སྟིས་སྐྱེ་བོའི་ཚོགས་མང་པོ་ཡོངས་སུ་ཚིམ་པར་བྱས་སོ།། །།འདུལ་བ་ཕྲན་ཚེགས་ཀྱི་གཞི། བམ་པོ་སུམ་བཅུ་རྩ་གཅིག་པ། དེ་ལྟ་བུའི་འབྱོར་པ་མཆོག་མཐོང་ནས་མི་མ་
D6.011.0037a02.01ཡིན་པ་ཁ་ཅིག་ནི་དེ་ཉིད་དུ་མངོན་པར་དགའོ། །ཁ་ཅིག་ནི་རང་གི་ཡུལ་གྱི་གནས་ཉིད་དུ་དོང་ངོ་། །གང་དག་དེར་མངོན་པར་དགའ་བ་དེ་དག་གང་གི་ཚེ་སེམས་འདོད་པའི་འདོད་ཆགས་ཀྱིས་ཀུན་ནས་དཀྲིས་པར་གྱུར་པ་དེའི་ཚེ་བུད་མེད་གང་དག་གི་ཁྱོ་ཕྱི་རོལ་དུ་དོན་གཉེར་དུ་སོང་བ་དེའི་ཆ་ལུགས་
D6.011.0037a03.01སུ་བདག་ཉིད་མངོན་པར་སྤྲུལ་ནས་དེ་དག་དང་ལྷན་ཅིག་ཏུ་དགའ་མགུར་སྤྱོད་པར་བྱེད་དོ། །དེ་ནས་བུད་མེད་དེ་དག་ལས་རྒྱུ་མཐུན་པ་ལས་སྐྱེ་བའི་ཁྱེའུ་དང་བུ་མོ་དག་རྐང་ལག་དང་མིག་དང་ལུས་མི་སྡུག་པར་སྐྱེས་ཏེ། ཁ་ཅིག་ནི་གནག་ལ་མིག་དམར། ཁ་ཅིག་ནི་མགོ་ཆེ་ལ་ལུས་ཆུང་།
D6.011.0037a04.01ཁ་ཅིག་ནི་མགོ་སེར། ཁ་ཅིག་ནི་སྐྲ་ལྗང་གུའོ། །དེ་དག་མ་དེ་དག་གིས་མཐོང་བ་དང་སྔངས་ནས་ཁྱིམ་གྱི་བར་དང་། ཚང་ཚིང་གི་ཕྱོགས་དག་ཏུ་བོར་བ་དང་། དེ་དག་མི་མ་ཡིན་པའི་མདངས་ཀྱིས་གསོ་བར་བྱེད་དོ། །ཁ་ཅིག་ནི་མིའི་གཟུགས་སུ་མི་གསལ་བར་སྐྱེ་ཞིང་། གང་གི་ཚེ་
D6.011.0037a05.01ཆེར་སྐྱེས་པ་དེའི་ཚེ་འགྱུར་བར་སྟོན་པར་བྱེད་དོ། །དེ་དག་ཀྱང་མས་ལམ་པོ་ཆེའི་ཁར་བོར་བ་དང་། དེ་ཡང་མི་མ་ཡིན་པའི་མདངས་ཀྱིས་གསོ་བར་བྱེད་དོ། །དྲུག་སྡེ་རྣམས་ཀྱི་ཀུན་ཏུ་སྤྱོད་པ་ནི་དེ་དག་ཇི་སྙེད་རབ་ཏུ་འབྱིན། བསྙེན་པར་རྫོགས་པར་བྱེད་པ་དེ་དག་དང་ཇི་སྲིད་དུ་གནས་ངན་ལེན་ཀུན་
D6.011.0037a06.01ཏུ་སྤྱོད་པར་མི་ཤེས་པ་དེ་སྲིད་དུ་ལྷན་ཅིག་གནས་སོ། །གང་གི་ཚེ་ཡོངས་སུ་ཤེས་པ་དེའི་ཚེ་རང་བཞིན་དུ་གནས་པའི་དགེ་སློང་དག་དང་ལྷན་ཅིག་ཏུ་གནས་ཏེ་གཞན་དུ་ན་སྟོན་པའི་བཀས་དུས་གསུམ་དུ་ནི་ལྟར་འགྲོའོ། །རེ་ཞིག་ཚེ་དང་ལྡན་པ་ཉེ་དགའ་སྔ་དྲོ་ཤམ་ཐབས་བགོས་ལྷུང་བཟེད་དང་
D6.011.0037a07.01