完整藏文原文 · 德格版页 当前仅加载第 11 函德格 21b 版页；藏文 NFD、目录标记与异常页序保留在来源切片中，重复版页行以稳定序号区分。
ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས་ངའི་སྲེད་པ་འཆད་དུ་མི་བཏུབ་པོ། །དེས་སྨྲས་པ། ལྷ། རྩ་མེད་གཞན་གྱི་བུད་མེད་དང་། །ལག་པ་གཅིག་གིས་ཆུ་འཐུང་དང་། །གཞན་གྱིས་ཆང་བླུད་གང་ཡིན་པ། །
D6.011.0021b01.01དེ་དག་སྲེད་པ་འཆད་པ་མེད། །ཅེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་ཁྱོད་ཀྱིས་མ་བསམས་པ་ཁོ་ནར་བ་ལང་སྐྱོང་གི་མ་ཞི་བ་བསད་དོ། །དེས་སྨྲས་པ། ལྷ། རྒྱལ་པོ་རྒྱལ་པོའི་མཛོད་ནི་མ་བསམས་པར། །ལམ་དུ་ཞུགས་ལ་ཆོམ་
D6.011.0021b02.01པོར་མ་བསམས་པར། །ཁྱིམ་ན་བུད་མེད་ཐབ་མོ་མ་བསམས་པར། །རབ་ཏུ་བྱུང་བའི་རྙེད་པ་མ་བསམས་པར། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས་མྱ་ངན་བྱ་བ་ཡིན་ནོ། །དེས་
D6.011.0021b03.01སྨྲས་པ། ལྷ། ཆགས་ཅན་རྒས་པའང་མྱ་ངན་བྱ་བ་སྟེ། །མི་བཟང་པོར་མོའང་མྱ་ངན་བྱ་བ་ཡིན། །སྨད་འཚོང་རྒས་པའང་མྱ་ངན་བྱ་བ་སྟེ། །རབ་བྱུང་གཏུམ་པོའང་མྱ་ངན་བྱ་བ་ཡིན། །སྡོམ་ནི། བལྟ་བས་མི་ངོམས་ཡིད་འཐད་དང་། །བརྩེ་བར་མི་བྱ་ནོར་དང་ནི། །སྨྲ་བར་
D6.011.0021b04.01མི་བྱ་རབ་སྡང་དང་། །མགོན་མེད་བཤེས་དང་ཡིད་བརྟན་པའོ། །རྒྱལ་པོས་སྨྲས་པ། གསོས་པ་ཁྱོད་ཀྱིས་ངའི་བ་ལང་སྐྱོང་གི་མ་ཞི་བ་བལྟ་བས་མི་ངོམས་པ་བསད་དོ། །དེས་སྨྲས་པ། ལྷ། གླང་པོའི་གཙོ་དང་རྒྱལ་པོ་དང་། །རྒྱ་མཚོ་དང་ནི་རི་རབ་དང་། །སངས་རྒྱས་སྨྲ་བ་
D6.011.0021b05.01རྣམས་ཀྱི་མཆོག །བལྟ་བ་ཡིས་ནི་མི་ངོམས་ཡིན། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་ཁྱོད་ཀྱིས་བ་ལང་སྐྱོང་གི་མ་ཞི་བ་ངའི་ཡིད་དང་འཐད་པ་བསད་དོ། །དེས་སྨྲས་པ། ལྷ། གཟུགས་བཟང་མོ་དང་རིགས་ལྡན་དང་། །དེས་དང་
D6.011.0021b06.01རིགས་ནི་འཕེལ་བྱེད་པ། །དར་ལ་བབ་དང་བུད་མེད་ལྔ། །རྒྱལ་ཆེན་ཡིད་དང་འཐད་པ་ཡིན། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས་ཁྱོད་དང་ལྷན་ཅིག་རྩེ་བར་མི་བྱ་བ་ཡིན་ནོ། །དེས་
D6.011.0021b07.01