完整藏文原文 · 德格版页 当前仅加载第 11 函德格 115b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཀྱིས་ཀྱང་གསུངས་པ། དགེ་སློང་མ་གྲོང་ན་འདུག་པའམ། དབེན་པ་ན་འདུག་པ་ཡང་རུང་། གཞན་གྱིས་མ་བྱིན་པར་རྐུ་བར་གྲགས་པ་བླངས་ན་ནི་ཅི་ཙམ་མ་བྱིན་པར་བླངས་པས་དེ་རྒྱལ་པོའམ། བློན་པོས་ཀྱང་རུང་བཟུང་ནས་བསད་པ་དང་། བཅིང་བ་དང་། སྤྱུགས་པ་
D6.011.0115b01.01ཡང་རུང་དེ་ལ་འདི་སྐད་ཅེས་ཟེར་རོ། །ཀྱེ་ཁྱེད་ནི་རྐུ་བའོ། །མི་ཤེས་པ། བླུན་པའོ། །རྐུ་བའོ་ཞེས་འདི་ལྟ་བུའི་གནས་སུ་བརྟུན་ཅིང་བྱས་ན། དེས་བརྟུན་ཅིང་བྱས་མ་ཐག་ཏུ་དགེ་སློང་མ་མ་ཡིན། དགེ་སྦྱོང་མ་མ་ཡིན། ཤཱཀྱའི་སྲས་མོ་མ་ཡིན་ནོ་ཞེས་བྱ་བ་ནས་སྔ་མ་བཞིན་
D6.011.0115b02.01ཏེ། །དྲན་པས་བག་ཡོད་པ་དང་། བརྩོན་པར་གྱིས་ཤིག་པའི་བར་དུ་སྦྱར་རོ། །ཅི་གནས་འདི་ལྟ་བུ་ལ་མི་སྤྱོད་དམ། དེས་མི་སྤྱོད་དོ་ཞེས་བྱོས་ཤིག །མིང་འདི་ཞེས་བྱ་བ་ཁྱོད་ཉོན་ཅིག །བཅོམ་ལྡན་འདས་ཀྱིས་སྲོག་གཅོད་པ་ནི་རྣམ་གྲངས་དུ་མ་ལས་ཀྱང་རྣམ་པར་
D6.011.0115b03.01སྨད་དོ། །སྲོག་གཅོད་པ་སྤངས་པ་ལ་བསྟོད་དོ། །བསྟོད་དུ་འཇུག་གོ། །བསྔགས་སོ། །བསྒྲགས་པ་ཡིན་གྱིས་མིང་འདི་ཞེས་བྱ་བ་ཁྱོད་ཀྱིས་དེང་ཕན་ཆད་སྲོག་ཆགས་གྲོག་སྦུར་ཡང་བསམས་བཞིན་དུ་སྲོག་མི་གཅད་ན། མིའམ་མི་ལུས་སུ་གྱུར་པ་ལྟ་ལ་ཅི་སྨོས་བཅོམ་ལྡན་
D6.011.0115b04.01འདས་ཀྱིས་གསུངས་པ། གང་ཡང་དགེ་སློང་མས་མིའམ་མིའི་ལུས་སུ་གྱུར་པ་ཡང་རུང་། བསམས་ནས་རང་གི་ལག་གིས་སྲོག་བཅད་པ་དང་། དེ་ལ་མཚོན་བྱིན་ནམ། དེ་ལ་མཚོན་ཐོགས་པ་གཉེར་ཏམ། དེ་ལ་འཆི་བ་བསྐུལ་ཏམ། དེ་ལ་འཆི་བའི་ཡོན་ཏན་
D6.011.0115b05.01བསྔགས་ཀྱང་དེ་འདི་སྐད་ཅེས་ཟེར་ཏེ། ཀྱེ་མི་ཁྱོད་འདི་ལྟར་སྡིག་པ་མི་གཙང་བར་སྡུག་ཅིང་འཚོ་བ་ཅི་རུང་གི་ཀྱེ་སྐྱེས་བུ་འཚོ་བ་བས་ཆེས་ཤི་ན་ལེགས་སོ་ཞེས་སེམས་ལ་བསམ། སེམས་ལ་བརྟུན་ཅིང་རྣམ་གྲངས་དུ་མར་འཆི་བར་དེ་ལ་བསྐུལ་ཏམ། དེས་འཆི་བའི་ཡོན་ཏན་
D6.011.0115b06.01བསྔགས་ཀྱང་རུང་སྟེ། དེ་ཡང་དེ་ལྟ་བུའི་ཐབས་ཀྱིས་དུས་བྱས་ཏེ། དེ་ལྟ་བུའི་གནས་སུ་དགེ་སློང་མས་བརྟུན་ཅིང་བྱས་ན། དེ་བརྟུན་ཅིང་བྱས་མ་ཐག་ཏུ་དགེ་སློང་མ་མ་ཡིན། དགེ་སྦྱོང་མ་མ་ཡིན། ཤཱཀྱའི་སྲས་མོ་མ་ཡིན། དགེ་སློང་མའི་དངོས་པོ་མེད་པར་
D6.011.0115b07.01