完整藏文原文 · 德格版页 当前仅加载第 11 函德格 83a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་ནི་ངོ་ཚའོ་སྙམ་དུ་བསམས་ཏེ། དེ་ནས་གཟུགས་ངན་དེས་དེ་ཁྲིད་དེ་བདག་ཅག་གི་ཡུལ་དུ་སོང་བ་ལས་ལམ་གྱི་བར་དུ་རྒྱགས་ཆད་དོ། །དེ་རྫིང་གཞན་ཞིག་གི་འགྲམ་དུ་ཕྱིན་ཏེ་གཉི་ག་བཀྲེས་ཤིང་འཁོད་པ་དང་། གྲོགས་གཞན་ཞིག་ཀྱང་ཕྱེ་ཆུའི་ནང་དུ་ཤིང་བུས་དཀྲུགས་ཏེ་
D6.011.0083a01.01འཐུང་བ་ལ་ཞུགས་པ་དང་། མོ་བྲུ་བས་གཟིར་ཏེ་བསླང་ན། དེ་ལ་གཟུགས་ངན་གྱིས་ཕྱེ་སྤར་གང་བླངས་ཏེ་བདག་ཉིད་འཐུང་ངོ་། །ཨུ་དུམ་བཱ་རི་ཀས་ཇོ་བོ་བདག་ཀྱང་ཤིན་ཏུ་བྲུ་བས་གདུངས་ན། ཁོ་མོའོ་ནི་ལས་ནི་ཆུ་ཞིག་འཐུང་ངོ་ཞེས་སྨྲས་པ་དང་། གཟུགས་ངན་གྱིས་བུད་མེད་ལ་འདི་འདྲ་བའི་
D6.011.0083a02.01ཆུ་གྲོག་འཐུང་དུ་སྔོན་གྱི་ཆོས་མཁན་དྲང་སྲོང་རྣམས་ཀྱིས་མ་གནང་བས་དེའི་ཕྱིར་མི་སྦྱིན་ནོ་ཞེས་ཟེར་ཏེ་མ་བྱིན་ནོ། །དེ་ནས་ཡང་ཆར་པ་མ་བབ་པའི་ཕྱིར་དགོན་པ་ལ་བྲུ་བས་གཟིར་ཅིང་དོང་བ་ལས་གཉི་གས་ཁྱི་ཤ་ཞིག་རྙེད་ན་གཟུགས་ངན་གྱིས་བསྲེགས་ཏེ་བདག་ཟོས་ནས་ཨུ་དུམ་བཱ་རི་ཀས་
D6.011.0083a03.01དེ་ཡང་བསླང་ན། འདི་ཡང་བུད་མེད་རྣམས་ལ་དྲང་སྲོང་གིས་མ་གནང་ངོ་ཞེས་ཟེར་ཏེ་མ་སྟེར་རོ། །དེས་བདག་ལྟ་བུ་བྱུར་ངན་མ་བྲུ་བའི་སྡུག་བསྔལ་གྱིས་གཟིར་ཏོ། །ཕ་མ་གཉིས་ཀྱིས་བདག་གི་ཉེས་པ་ཅི་མཐོང་ན་འདི་འདྲ་བ་ལ་བྱིན་ཞེས་བསམས་ཏེ་ཕ་མ་ལ་རྣམ་པ་མང་པོ་སྨྲའོ། །
D6.011.0083a04.01ཡང་དེ་གཉིས་དོང་བ་ལས་ཤིང་ཨུ་དུམ་བཱ་ར་སྨིན་པ་ཞིག་མཐོང་ནས་གཟུགས་ངན་དེ་ལ་འཛེགས་ཏེ་ཟ་ཞིང་འདུག་པ་དང་། ཨུ་དུམ་བཱ་རི་ཀས་ཁྱོད་གཅིག་པུ་མ་ཟ་བར་ངན་བུ་ལ་ཡང་འོར་ཞེས་སྨྲས་པ་དང་། དེས་སྨིན་པ་ནི་བདག་ཟོས་ཀྱི་མ་སྨིན་པ་མར་བོར་རོ། །དེས་བདག་ལ་མ་སྨིན་པ་མ་
D6.011.0083a05.01དོར་བར་སྨིན་པ་ལ་ཡང་སྩོལ། དེས་དེ་སྟེ་ཁྱོད་སྨིན་པ་འདོད་ན་བདག་ཉིད་འཛེགས་ཏེ་ཐོགས་ལ་ཟོ་ཤིག་ཅེས་སྨྲས་པ་དང་། བྲུ་བས་གཟིར་བའི་ཕྱིར་ནན་གྱིས་ཨུ་དུམ་བཱ་ར་ལ་འཛེགས་ཏེ་ཟ་ཞིང་འདུག་པ་དང་། གཟུགས་ངན་གྱིས་བསམས་པ། བདག་ལྟ་བུ་བསོད་ནམས་མེད་དེ་ཆུང་མ་
D6.011.0083a06.01འདི་འདྲ་བ་བདག་ཉིད་ཀྱིས་སོས་པ་ལྟ་ཅི་སྨོས། འདི་ནི་བདག་ལ་ལྟར་ཀྱང་མི་བཏུབ་པོ་སྙམ་ནས་དེ་ཤིང་ལས་བབས་ཏེ་ཤིང་ཨུ་དུམ་བཱ་རའི་དྲུང་ཚེར་མས་བསྐོར་ནས་བོར་ཏེ་སོང་ངོ་། །ཡང་སྨྲས་པ། དེ་གཉིས་སོང་བ་ནགས་ནང་ན། །ཨུ་དུམ་བཱ་ར་སྨིན་པ་མཐོང་། །དེས་ཀྱང་དེ་ལ་
D6.011.0083a07.01