完整藏文原文 · 德格版页 当前仅加载第 11 函德格 39a 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་སྐྲ་དག་ཀྱང་གར་མཁན་གྱི་ལག་ཏུ་བཙོངས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་གིས་སྐྲ་བཙོང་བར་མི་བྱའོ། །བྱེད་ན་ཉེས་པ་སྦོམ་པོར་འགྱུར་རོ། །སྡོམ་ལ།
D6.011.0039a01.01བྲན་ཅན་དང་ནི་སྐྱོང་བ་དང་། །གླེང་གཞི་དང་ནི་ཞུ་བ་དང་། །ཆོ་འཕྲུལ་ཆེ་དང་སྙན་ལྡན་དང་། །དམག་ཀུན་དང་ནི་སྲིན་བུ་རི། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་ཉེ་བ་འཁོར་
D6.011.0039a02.01གྱིས་དགེ་ཚུལ་གཉིས་པོ་བྲན་ཅན་དང་། སྐྱོང་བ་སྟེ། དེ་དག་ཕན་ཚུན་གཏམ་འདྲེས་པ། ཕེབས་པར་སྨྲ་བ། སྨོས་འདྲིན། འགྲོགས་བཤེས་ཡིན་ནོ། །དེ་གཉིས་ལས་གཅིག་གིས་ཁྱོད་བསྙེན་པར་རྫོགས་ཤིག་དང་ངས་མཁན་པོ་དང་ཁྱོད་ཀྱི་རིམ་གྲོ་བྱའོ་ཞེས་སྨྲས་པ་དང་།
D6.011.0039a03.01ཅིག་ཤོས་ཀྱིས་ཀྱང་དེ་ཁོ་ན་བཞིན་དུ་སྨྲས་ཏེ། དེ་དག་ཕན་ཚུན་སྟངས་བྱེད་པས་གཉི་ག་ཡང་བསྙེན་པར་མ་རྫོགས་པར་གྱུར་ཏོ། །དེ་ནས་ཚེ་དང་ལྡན་པ་ཉེ་བ་འཁོར་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་
D6.011.0039a04.01གཅིག་ཏུ་འདུག་ནས། ཚེ་དང་ལྡན་པ་ཉེ་བ་འཁོར་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་མཁན་པོ་གཅིག་དང་། སློབ་དཔོན་གཅིག་དང་། གསོལ་བའི་ལས་གཅིག་གིས་གཉིས་བསྙེན་པར་རྫོགས་སུ་རུང་ལགས་སམ། ཉེ་བ་འཁོར་རུང་ངོ་། །
D6.011.0039a05.01དེ་གཉིས་གང་རྒན་ལགས། གང་ཡང་མ་ཡིན་ནོ། །བཙུན་པ་མཁན་པོ་གཅིག་དང་། སློབ་དཔོན་གཅིག་དང་། གསོལ་བའི་ལས་གཅིག་གིས་གསུམ་བསྙེན་པར་རྫོགས་སུ་རུང་ལགས་སམ། ཉེ་བ་འཁོར་རུང་ངོ་། །དེ་དག་ལས་གང་རྒན་པ་ལགས། གང་ཡང་མ་ཡིན་
D6.011.0039a06.01ནོ། །བཙུན་པ་མཁན་པོ་གཅིག་དང་། སློབ་དཔོན་གཅིག་དང་། གསོལ་བའི་ལས་གཅིག་གིས་བཞི་བསྙེན་པར་རྫོགས་སུ་རུང་ལགས་སམ། ཉེ་བ་འཁོར་མི་རུང་ངོ་། །དེ་ཅིའི་ཕྱིར་ཞེ་ན། ཉེ་བ་འཁོར་ཚོགས་ཀྱིས་ཚོགས་ཀྱི་ལས་དག་མི་བྱ་བས་དགེ་འདུན་གྱིས་དགེ་
D6.011.0039a07.01