完整藏文原文 · 德格版页 当前仅加载第 11 函德格 143b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མས་ལྷུང་བཟེད་ཆེན་པོ་མ་འཆང་ཤིག །བཅོམ་ལྡན་འདས་ཀྱིས་བཀའ་སྩལ་པ། གང་དགེ་སློང་གི་ལྷུང་བཟེད་ཆུང་ངུ་ནི་དགེ་སློང་མའི་ཆེན་པོའོ། །གླེང་གཞི་ནི་མཉན་དུ་ཡོད་པ་ན་སྟེ། ནམ་དགེ་སློང་མ་གུབ་ཏས་གཅིན་
D6.011.0143b01.01གྱི་ཐིགས་པ་ཅིག་ནི་ཁར་བླུགས། ཅིག་ནི་མངལ་གྱི་སྒོར་བཅུག་པ་དང་། སེམས་ཅན་གྱི་ལས་ཀྱི་རྣམ་པར་སྨིན་པ་བསམ་གྱིས་མི་ཁྱབ་པས་གཞོན་ནུ་འོད་སྲུང་བྱུང་སྟེ། དེ་ལ་གུབ་ཏས་མ་རེག་པ་དང་དེ་ངུ་ནས། །དེའི་གཉེན་བཤེས་དག་གིས་གུབ་ཏ་ཁྱེའུ་ཅིའི་ཕྱིར་ངུ་ཞེས་དྲིས་པ་
D6.011.0143b02.01དང་། དེ་ཅང་མི་ཟེར་ནས་དགེ་སློང་མ་དག་གིས་ཚེ་དང་ལྡན་པ་བཅོམ་ལྡན་འདས་ཀྱིས་བསླབ་པའི་གཞི་བཅས་ཏེ། དགེ་སློང་མས་སྐྱེས་པ་ལ་མ་རེག་ཤིག །འདིས་དེ་ལ་མ་རེག་སྟེ། དེ་བས་ན་ངུའོ་ཞེས་སྨྲས་པ་དང་། དེ་དག་གིས་བཅོམ་ལྡན་འདས་ནི་ཐུགས་རྗེ་ཅན་ན་ཅིའི་
D6.011.0143b03.01ཕྱིར་ན་རང་གི་བུ་རེག་པ་ལ་འགོག་པར་འགྱུར། བྱིས་པ་ཁྱེའུ་འདི་ལ་དེ་སྟེ་མས་མ་རེག་ན་འདི་དུས་བྱེད་པར་ངེས་སོ་ཞེས་སྨྲས་པ་དང་། དེ་དག་གིས་ལེགས་ཀྱིས་དེ་བས་ན་བཅོམ་ལྡན་འདས་མཁྱེན་པར་བྱའོ་ཞེས་སྨྲས་སོ། །དེ་ལྟར་གྱུར་པ་དགེ་སློང་མ་དག་གིས་དགེ་སློང་
D6.011.0143b04.01དག་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གནང་གིས་རེག་པར་བྱའོ། །བསྙོད་པར་བྱའོ། །གསོ་བར་བྱའོ། །བསྐྱེད་པར་བྱའོ། །གླེང་གཞི་ནི་མཉན་དུ་ཡོད་པ་ན་སྟེ། བཅོམ་
D6.011.0143b05.01ལྡན་འདས་ཀྱིས་བསྙོད་པར་བྱའོ། །གསོ་བར་བྱའོ། །བསྐྱེད་པར་བྱའོ་ཞེས་གསུངས་པ་དང་། བུད་མེད་ནི་སྲེད་པ་ཅན་ཏེ་དགེ་སློང་མ་དག་གིས་པང་པར་ཁྱེར་ཏེ། པང་པ་ནས་པང་པར་སྤོས་པས་རིད་ཅིང་ཉམ་ཆུང་སྟེ་རྐེ་ནས་ལུས་རྨྱ་ཞིང་མ་རྟས་པར་གྱུར་པ་དང་། དེའི་གཉེན་
D6.011.0143b06.01བཤེས་དག་གིས་མཐོང་ནས། དེ་དག་གིས་ཅིའི་ཕྱིར་ཁྱེའུ་འདི་རིད་ཅིང་ཉམ་ཆུང་ལ་རྨྱ་སྟེ་ལུས་མ་རྟས་པར་གྱུར་ཅེས་དྲིས་པ་དང་། དེས་དེ་དག་ལ་ཞིབ་ཏུ་སྨྲས་ན་གཉེན་དེ་དག་བྱམས་པས་འཕྱ་བ་ལ་ཞུགས་པ་དང་། དེ་ལྟར་གྱུར་པ་དགེ་སློང་དག་གིས་ཐོས་ནས་བཅོམ་ལྡན་འདས་
D6.011.0143b07.01