完整藏文原文 · 德格版页 当前仅加载第 11 函德格 301b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག་ཡོངས་སུ་མྱ་ངན་ལས་འདས་པས་ལྷའི་བུ་ཚེ་བསྐལ་པ་བརྒྱ་ཕྲག་མང་པོ་ཐུབ་པ་དག་ཅི་བཅོམ་ལྡན་འདས་ཀྱི་གསུང་རབ་ནི་དུད་པ་ཙམ་དུ་གྱུར་ཏེ། དགེ་སློང་དབང་ཡོད་པ་དག་ཀྱང་ཡོངས་སུ་མྱ་ངན་ལས་འདས་ནས་བཅོམ་ལྡན་འདས་ཀྱི་མདོ་སྡེ་དང་། འདུལ་བ་དང་། མ་
D6.011.0301b01.01མོ་དག་མི་སྒྲོགས་སོ་ཞེས་འཕྱ་བར་བྱེད། སྨོད་པར་བྱེད། ཁ་ཟེར་བར་བྱེད་པས་དེ་ལྟ་བས་ན་འདིར་ཤོག་ལ་འདུས་ཤིག །དགེ་སློང་དག་གིས་ལེགས་ཀྱིས་དེ་བཞིན་དུ་བགྱིའོ་ཞེས་སྨྲས་སོ། །དགེ་འདུན་གྱི་དགེ་སྐོས་གང་ཡིན། ཚེ་དང་ལྡན་པ་གང་པོ་ལགས་
D6.011.0301b02.01སོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་ཚེ་དང་ལྡན་པ་གང་པོ་ལ་འདི་སྐད་ཅེས་སྨྲས་སོ། །གང་པོ་ཚུར་ཤོག །ཁྱོད་ཀྱིས་གཎྜཱི་རྡུངས་ལ་དགེ་སློང་གི་དགེ་འདུན་དག་སྡུས་ཤིག །ཚེ་དང་ལྡན་པ་འོད་སྲུང་ཆེན་པོས་དེ་སྐད་བསྒོ་བ་དང་། ཚེ་དང་ལྡན་པ་གང་པོས་
D6.011.0301b03.01ཚེ་དང་ལྡན་པ་འོད་སྲུང་གི་ལྟར་མཉན་ནས་རབ་ཀྱི་མཐར་ཕྱིན་པའི་བསམ་གཏན་བཞི་ལ་སྙོམས་པར་ཞུགས་ནས་ཇི་ཙམ་ཡེ་ཤེས་མཐོང་བ་ལ་ཞུགས་པ་དེ་ཙམ་དུ་རྣམ་པར་བལྟས་ནས། དེ་ནས་ཏིང་ངེ་འཛིན་དེ་ལས་ལངས་ཏེ་གཎྜཱི་བརྡུང་བར་བརྩམས་སོ། །དེས་གཎྜཱི་
D6.011.0301b04.01དེ་བརྡུངས་པ་དང་། གཅིག་མ་གཏོགས་པ་ཡུལ་ཐ་དད་ན་གནས་པའི་དགེ་སློང་གི་དགེ་འདུན་དགྲ་བཅོམ་པ་ལྔ་བརྒྱ་འདུས་ནས། དགེ་སློང་འདུས་ཤིང་འདུག་པ་ལ་ཚེ་དང་ལྡན་པ་འོད་སྲུང་ཆེན་པོས་འདི་སྐད་ཅེས་སྨྲས་སོ། །ཚེ་དང་ལྡན་པ་དག་དགེ་སློང་གི་དགེ་འདུན་
D6.011.0301b05.01འདུས་པ་ལས་གང་དག་སུ་མ་འོངས་པ་རྟོགས་ཤིག །དགེ་སློང་དག་གིས་ཡུལ་ཐ་དད་པ་ན་གནས་པའི་དགེ་སློང་དག་ལ་ཕན་ཚུན་རྣམ་པར་བལྟས་ནས། ཚེ་དང་ལྡན་པ་འོད་སྲུང་ཆེན་པོ་ལ། ཚེ་དང་ལྡན་པ་བ་ལང་བདག་མ་གཏོགས་པ་དགེ་སློང་མང་པོ་ཐམས་ཅད་
D6.011.0301b06.01འདུས་ཤིང་མཆིས་ལགས་སོ་ཞེས་སྨྲས་སོ། །དེའི་ཚེ་ན་ཚེ་དང་ལྡན་པ་བ་ལང་བདག་ཤིང་ཤི་རི་ཤ་ཀའི་གཞལ་མེད་ཁང་སྟོང་པ་ན་འདུག་གོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་ཚེ་དང་ལྡན་པ་གང་པོ་ལ་འདི་སྐད་ཅེས་སྨྲས་སོ། །གང་པོ་ཚུར་ཤོག །ཚེ་དང་
D6.011.0301b07.01