完整藏文原文 · 德格版页 当前仅加载第 11 函德格 186a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟ་བས་ན་དགེ་སློང་མས་ལྷའི་གཟུགས་འཆང་བར་མི་བྱ་བར་མཁྱེན་ནས་བཀའ་སྩལ་པ། དགེ་སློང་དག་ལྟས་མ་མོ་དེ་དག་འཕྱ་བའི་གཞི་ནི་སྦོམ་དགའ་མོའི་ཚུལ་བཞིན་མ་ཡིན་པའི་སྤྱོད་པ་སྟེ། ཉེས་དམིགས་གང་ཡིན་པ་ནི་དགེ་སློང་མས་ལྷའི་གཟུགས་འཆང་
D6.011.0186a01.01བ་ཡིན་པས་དེ་ལྟ་བས་ན་དགེ་སློང་མ་རྣམས་ཀྱིས་ལྷའི་གཟུགས་བཅང་བར་མི་བྱའོ། །དགེ་སློང་མས་ལྷའི་གཟུགས་བཅངས་ན་འགལ་ཚབས་ཅན་དུ་འགྱུར་རོ།། །།སྡོམ་ནི། བུད་མེད་ཆུ་འགྲམ་ཕྱེ་མས་མིན། །རྒྱུན་ལས་བཙལ་བར་མི་བྱ་དང་། །ལྷུང་བཟེད་ལྷན་པ་གཉིས་པ་
D6.011.0186a02.01དང་། །མཆིང་བུའི་སྣོད་ནི་མི་བཅང་ངོ་། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་བུད་མེད་གཅིག་ཆུ་བོ་ཨ་ཛི་ར་བ་ཏིའི་བུད་མེད་ཀྱི་ཁྲུས་སའི་འགྲམ་ན་སྐྲ་འཆད་ཅིང་འདུག་པ་
D6.011.0186a03.01དང་ཇི་ཙམ་ན་སྦོམ་དགའ་མོ་ཁྲུས་བྱེད་པར་འདོད་དེ། ཁྲུས་ཀྱི་ཕྱེ་མ་ཁྱེར་ནས་ཆུ་བོ་ཨ་ཛི་ར་བ་ཏིར་སོང་ངོ་། །དེས་བུད་མེད་དེ་སྐྲ་འཆད་པ་རྒྱང་མ་ནས་མཐོང་སྟེ། མཐོང་ནས་ཀྱང་ཕྲག་དོག་གི་ཀུན་ནས་དཀྲིས་པས་དཀྲིས་ཏེ་བསམས་པ། འདི་ལྟར་བུ་ཟན་མོའི་བུ་མོས་བདག་
D6.011.0186a04.01ལ་འགྲན་ཏེ་སྐྲ་འཆད་ཅིང་འདུག་པ་ཇི་ལྟར་སེམས། ཅི་སྦོམ་དགའ་མོ་སྔོན་སྐྲ་ཡོད་མ་མྱོང་ངམ། དེ་མི་དགའ་བར་འགྱུར་བ་དང་། དེ་བཞིན་དུ་ཕྱིས་ཀྱང་བདག་མཐོང་ན་སྐྲས་འགྲན་པར་མི་འགྱུར་བར་བྱའོ་སྙམ་སྟེ། དེས་དེའི་ཕྱི་བཞིན་དུ་སོང་སྟེ་སྐྱུ་རུ་རའི་ཕྱེ་མས་སྐྲ་ལ་གཏོར་
D6.011.0186a05.01ཏོ། །དེས་སྨྲས་པ། འཕགས་མ་བདག་གིས་ཁྱོད་ལ་ཉེས་པ་ཅི་ཞིག་བྱས་ན་ཁྲུས་བྱས་ཟིན་པ་ལ་སྐྱུ་རུ་རའི་ཕྱེ་མས་མགོ་ལ་གཏོར། བུ་ཟན་མ་ཅི་མི་ཤེས་སམ། སྦོམ་དགའ་མོ་ལ་ཅི་དེ་འདྲ་བའི་སྐྲ་ཡོད་སྔོན་མ་མྱོང་ངམ། དེ་ལྟ་བས་ན་ཁྱོད་ལ་གཙེའོ། །ཁྱོད་སོང་ལ་
D6.011.0186a06.01ཁྲུས་བྱོས། ཅི་ངས་ཁྱོད་ཀྱི་སྐྲ་ལ་མི་གཙང་བ་སྣ་ཚོགས་ཀྱིས་མ་རུངས་པར་བྱས་སམ། དེ་འཕྱ་བར་བརྩམས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བུད་མེད་དག་འཕྱ་བའི་
D6.011.0186a07.01