完整藏文原文 · 德格版页 当前仅加载第 11 函德格 279a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། བཅོམ་ལྡན་འདས་ཀྱིས་དེའི་བསམ་པ་དང་། བག་ལ་ཉལ་བ་དང་། ཁམས་དང་། རང་བཞིན་མཁྱེན་ནས་འཕགས་པའི་བདེན་པ་བཞི་རྟོགས་པར་འགྱུར་བ་དེ་ལྟ་བུའི་ཆོས་བཤད་དེ། གང་ཐོས་པས་དྲི་ཟའི་རྒྱལ་པོ་རབ་{དགའས་,དགས་}འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་
D6.011.0279a01.01མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ནས། དེས་བདེན་པ་མཐོང་སྟེ་ལན་གསུམ་དུ་ཆེད་དུ་བརྗོད་པས་ཆེད་དུ་བརྗོད་པ། བཙུན་པ་འདི་ལྟ་བུ་ནི་བདག་ལ་ཕས་མ་བགྱིས་ཏེ། མས་ཀྱང་མ་ལགས། རྒྱལ་པོས་མ་ལགས། ལྷས་མ་ལགས། མཛའ་བོས་མ་
D6.011.0279a02.01ལགས། རང་གི་སྐྱེ་བོ་དང་གཉེན་གྱི་ཚོགས་ཀྱིས་མ་ལགས། སྔོན་གྱི་འདས་པས་མ་ལགས། དགེ་སྦྱོང་དང་བྲམ་ཟེ་རྣམས་ཀྱིས་མ་ལགས་པ་གང་ལགས་པ་དེ་བཅོམ་ལྡན་འདས་ཀྱིས་བདག་ལ་མཛད་དེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་བོ་ལས་ནི་བསྒྲལ། ངན་སོང་གི་སྒོ་ནི་
D6.011.0279a03.01བཀུམ། མཐོ་རིས་དང་ཐར་པའི་སྒོ་ནི་ཕྱེ་སྟེ། བདག་ལྷ་དང་མིའི་གནས་སུ་བཞག་པས། བཙུན་པ་བདག་ནམ་བཅོམ་ལྡན་འདས་དང་། ཆོས་དང་། དགེ་འདུན་ལ་སྐྱབས་སུ་མཆི་ལགས་ཀྱིས། དགེ་བསྙེན་དུ་གཟུང་དུ་གསོལ། དེང་སླན་ཆད་ནས་ཇི་སྲིད་འཚོའི་བར་དུ་སྲོག་གཅོད་པ་ལས་ལོག་
D6.011.0279a04.01སྟེ། མངོན་པར་དད་ནས་སྐྱབས་སུ་མཆི་ལགས་སོ། །དེ་ནས་བཅོམ་ལྡན་འདས་ཀྱིས་དྲི་ཟའི་རྒྱལ་པོ་རབ་དགའ་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་དོ། །ཇི་
D6.011.0279a05.01ལྟར་ཐུགས་མཉམ་པར་བཞག་ན་སུམ་བཅུ་རྩ་གསུམ་པའི་ལྷ་རྣམས་ཀྱི་ནང་ནས་མི་སྣང་བར་གྱུར་ཅིང་ཐ་མའི་གཟིམས་མལ་དུ་ཞུགས་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །དེའི་ཚེ་གྲོང་ཁྱེར་རྩྭ་ཅན་ན་ཀུན་དུ་རྒྱུ་རབ་བཟང་ཞེས་བྱ་བ། རྒས་པ། རྙིངས་པ། འཁོགས་པ། ལོ་
D6.011.0279a06.01བརྒྱ་ཉི་ཤུ་ལོན་པ་དེ་ལ་གྲོང་ཁྱེར་རྩྭ་ཅན་གྱི་གྱད་རྣམས་ཀྱིས་བཀུར་སྟིར་བྱེད། བླ་མར་བྱེད། རི་མོར་བྱེད། མཆོད་པར་བྱེད་དེ་དགྲ་བཅོམ་པར་གྲགས་པ་ཞིག་གནས་སོ། །དེ་གྲོང་ཁྱེར་རྩྭ་ཅན་རྫིང་དལ་གྱིས་འབབ་པའི་འགྲམ་ཨུ་དུམ་བཱ་རའི་ཚལ་གྱི་དྲུང་ན་ཉིན་པར་གྱི་སྤྱོད་པས་གནས་པ་དང་། གང་
D6.011.0279a07.01