完整藏文原文 · 德格版页 当前仅加载第 11 函德格 252b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་ཅིའི་རྒྱུ་ཅིའི་
D6.011.0252b01.01རྐྱེན་གྱིས་ན་ས་ཆེན་པོ་གཡོས། ཀུན་དགའ་བོ་ས་ཆེན་པོ་གཡོས་པའི་རྒྱུ་དང་རྐྱེན་གསུམ་སྟེ། གསུམ་གང་ཞེ་ན། ཀུན་དགའ་བོ་ས་ཆེན་པོ་ཆུ་ལ་རྟེན། ཆུ་ནི་རླུང་ལ་རྟེན། རླུང་ནི་ནམ་མཁའ་ལ་རྟེན་པ་ཡིན་ཏེ། ཀུན་དགའ་བོ་ནམ་དུས་ན་ནམ་མཁའ་ལས་རླུང་ཆེན་པོ་ལྡང་ངོ་། །
D6.011.0252b02.01ནམ་མཁའ་ལས་རླུང་པོ་ཆེ་ལངས་པས་ཆུ་བསྐྱོད་དོ། །ཆུ་བསྐྱོད་པས་ན་ས་གཡོས་ཏེ། ཀུན་དགའ་བོ་འདི་ནི་ས་གཡོ་བའི་རྒྱུ་དང་། རྐྱེན་དང་པོའོ། །གཞན་ཡང་ཀུན་དགའ་བོ་དགེ་སློང་མཐུ་ཆེ་འཕྲུལ་ཆེ་བར་གྱུར་པ་དེས་སའི་འདུ་ཤེས་ནི་ཆུང་ངུ་བྱས། ཆུའི་འདུ་ཤེས་ནི་ཚད་མེད་པར་བྱིན་གྱིས་
D6.011.0252b03.01བརླབས་ནས། དེ་འདོད་ན་ས་གཡོ་བར་བྱེད། དགེ་སློང་མའམ་ལྷ་ཡང་རུང་རྫུ་འཕྲུལ་ཆེ་བ། མཐུ་ཆེ་བར་གྱུར་པ་དེས་ཀྱང་སའི་འདུ་ཤེས་ཆུང་ངུ་བྱས། ཆུའི་འདུ་ཤེས་ཚད་མེད་པར་བྱིན་གྱིས་བརླབས་ཏེ། དེ་ཡང་འདོད་ན་ས་གཡོ་བར་བྱེད་དེ། ཀུན་དགའ་བོ་འདི་ས་གཡོ་བའི་རྒྱུ་གཉིས་
D6.011.0252b04.01པ་དང་རྐྱེན་གཉིས་པའོ། །གཞན་ཡང་ཀུན་དགའ་བོ་རིང་པོ་མི་ཐོགས་པར་དེ་བཞིན་གཤེགས་པ་ཕུང་པོ་ལྷག་མ་མ་ལུས་པར་མྱ་ངན་ལས་འདའ་བའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་ན། དེའི་ཚེ་ས་ཆེན་པོ་ཤིན་ཏུ་གཡོ་བར་འགྱུར་ཏེ། སྐར་མདའ་ལྷུང་། ཕྱོགས་
D6.011.0252b05.01ཚིག །བར་སྣང་ནས་ལྷ་རྣམས་རྔ་རྡུང་བར་འགྱུར་ཏེ། ཀུན་དགའ་བོ་འདི་ནི་ས་ཆེན་པོ་གཡོ་བའི་རྒྱུ་གསུམ་པ་དང་རྐྱེན་གསུམ་པའོ། །དེ་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་ངོ་མཚར་ཆེའོ། །འདི་ལྟར་ངོ་མཚར་རྨད་
D6.011.0252b06.01ཀྱི་ཆོས་དང་ལྡན་པ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཏེ། དེ་འདི་ལྟར་རིང་པོར་མི་ཐོགས་པར་དེ་བཞིན་གཤེགས་པ་ཕུང་པོ་ལྷག་མ་མ་ལུས་པར་མྱ་ངན་ལས་འདའ་བའི་དབྱིངས་སུ་མྱ་ངན་ལས་འདའ་བར་འགྱུར་བའི་དུས་ན་ཤིན་ཏུ་
D6.011.0252b07.01