完整藏文原文 · 德格版页 当前仅加载第 11 函德格 45b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱ་བར་ཆགས་སོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་
D6.011.0045b01.01བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གལ་ཏེ་བཅོམ་ལྡན་འདས་ཀྱིས་གནང་ན་བདག་གིས་མཉན་ཡོད་ནས་རྒྱལ་བྱེད་ཀྱི་ཚལ་ཇི་སྲིད་པ་དེའི་བར་དུ་ཆོ་འཕྲུལ་ཆེན་པོ་བསྟན་པའི་འདུན་ཁང་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་ལེགས་ཀྱིས་
D6.011.0045b02.01གྱིས་ཤིག་དང་དེར་གདོན་མི་ཟ་བར་སྐྱེ་བོའི་ཚོགས་ཆེན་པོ་འདུ་བར་འགྱུར་རོ་ཞེས་བཀའ་སྩལ་པ་དང་། ཀོ་ས་ལའི་རྒྱལ་པོ་གསལ་རྒྱལ་གྱིས་མཉན་དུ་ཡོད་པ་དང་། རྒྱལ་བྱེད་ཀྱི་ཚལ་ཇི་སྲིད་པ་དེའི་བར་དུ་ས་གཞི་ཡོངས་སུ་སྦྱངས་ནས་ཆོ་འཕྲུལ་ཆེན་པོ་བསྟན་པའི་འདུན་ཁང་བཤམས་
D6.011.0045b03.01ཏེ་འདུན་ཁང་གོས་བརྒྱ་སྟོང་རི་བས་གཡོགས་པ། ཙན་དན་གྱི་ཆུས་ཆག་ཆག་བཏབ་པ། དྲི་ཞིམ་པོའི་བདུག་པའི་སྣོད་བཞག་པ། བ་དན་དང་རྒྱལ་མཚན་བསྒྲེང་བ། དར་གྱི་ཆུན་འཕྱང་གི་ཚོགས་དཔྱངས་པ། མེ་ཏོག་སིལ་མ་སྣ་ཚོགས་བཀྲམ་པ། ལྷ་རྣམས་ཀྱི་དགའ་
D6.011.0045b04.01ཚལ་གྱི་སྐྱེད་མོས་ཚལ་བཞིན་དུ་ཉམས་དགའ་བར་བྱས་ནས་དེར་བཅོམ་ལྡན་འདས་ཀྱི་ཕྱིར་རྡོ་རྗེ་དང་། བཻ་ཌཱུརྱ་དང་། མརྒད་དང་། བྱི་རུ་དང་། ནོར་བུ་དང་། མུ་ཏིག་དང་། ཨན་ད་རྙིལ་དང་། མཐོན་ཀ་ཆེན་པོ་དང་། པདྨ་རཱ་གས་བརྒྱན་ཅིང་སྤྲས་པའི་གསེར་གྱི་སེང་གེའི་ཁྲི་
D6.011.0045b05.01ཡང་བཤམས་སོ། །མུ་སྟེགས་ཅན་གྱི་དགེ་བསྙེན་རྣམས་ཀྱིས་ཀྱང་རང་གི་འབྱོར་པ་དང་མཐུན་པའི་གོས་ཀྱིས་གཡོགས་པའི་འདུན་ཁང་དྲུག་ཀྱང་བྱས། སྟན་དྲུག་ཀྱང་བཤམས་ནས་དེ་དག་ཏུ་མུ་སྟེགས་ཅན་རྣམས་རང་གི་འཁོར་གྱིས་བསྐོར་ནས་སྔར་འོངས་ཏེ་འདུག་ནས་རྒྱལ་པོ་ལ་ལྷ་
D6.011.0045b06.01བདག་ཅག་ནི་མཆིས་ལགས་ན་དགེ་སྦྱོང་གཽ་ཏ་མ་དགུག་ཏུ་གསོལ་ཞེས་ཕོ་ཉ་བཏང་ངོ་། །རྒྱལ་པོས་ཐོས་ནས་ཀྱང་བཙུན་མོ་དང་། གཞོན་ནུ་དང་། ཕོ་བྲང་འཁོར་གྱི་མི་དང་བཅས་ཏེ་ཆོ་འཕྲུལ་ཆེན་པོའི་འདུན་ཁང་དུ་སོང་ནས་དེས་བྲམ་ཟེའི་ཁྱེའུ་བླ་མ་ལ་བྲམ་ཟེའི་ཁྱེའུ་ཁྱོད་ཚུར་ཤོག །
D6.011.0045b07.01