完整藏文原文 · 德格版页 当前仅加载第 11 函德格 99a 版页；藏文 NFD、目录标记与异常页序保留在来源切片中，重复版页行以稳定序号区分。
ཁུང་བུ་གཅིག་ཏུ་གནས་པ་ན། །དགའ་བར་གྱུར་ཅིང་འཁོད་པ་སྟེ། །དེ་ཚེ་ཚུལ་ཁྲིམས་ཁྱོད་ལྡན་ནོ། །ནམ་ཞིག་རུས་སྦལ་བལ་ལས་ནི། །བགོ་བ་དག་ནི་ལེགས་བྱས་ནས། །དགུན་གྱི་བགོ་བར་གྱུར་པ་ན། །དེ་ནི་ཚུལ་ཁྲིམས་ཁྱོད་ལྡན་ནོ། །ནམ་ཞིག་སྦྲང་བུའི་རྗེ་ངར་
D6.011.0099a01.01ལས། །སྐས་ཀ་རུ་ནི་ལེགས་བཅས་ཏེ། །མཐོ་རིས་འགྲོ་བའི་སྐས་བཙུགས་ན། །དེ་ཚེ་ཚུལ་ཁྲིམས་ཁྱོད་ལྡན་ནོ། །ནམ་ཞིག་ཀུན་དའི་སྡོང་བུ་ལ། །ཟམ་པ་རབ་ཏུ་ལེགས་བྱས་ནས། །བལ་གླང་དེ་རུ་འགྲོ་བར་གྱུར། །དེ་ཚེ་ཚུལ་ཁྲིམས་ཁྱོད་ལྡན་ནོ། །ནམ་ཞིག་རྒྱ་མཚོའི་དབུས་ནས་
D6.011.0099a02.01ཀྱང་། །ལེགས་པར་ཡང་ནི་མེ་འབར་ལ། །སྐྱེ་བོ་དག་ནི་དེ་ལ་འཇུག །དེ་ཚེ་ཚུལ་ཁྲིམས་ཁྱོད་ལྡན་ནོ། །ཤོ་ཤུམ་པ་བདག་གིས་བཞད་གད་བྱས་པ་ནི་དེར་ཟད་ན། བདག་གིས་ཁྱོད་སྔོན་གྱི་གནས་སུ་སླར་གཞག་པར་བྱ་ན་ཁྱོད་ཀྱིས་བདག་ལ་ལན་ཅི་ཞིག་བྱ་ཞེས་སྨྲས་པ་དང་། དེས་ཞང་
D6.011.0099a03.01པོ་དེ་སྟེ་བདག་ཁྱོད་ཀྱིས་སྔོན་གྱི་གནས་སུ་བཞག་ན་ནི་ཁྱོད་ལ་བདག་གིས་ཁྱོད་ཉིན་རེ་ཞིང་ཤ་དུམ་བུ་རེ་རེ་སྦྱིན་ནོ་ཞེས་སྨྲས་པ་དང་། དེས་དེ་བཞིན་གཞག་གིས་ལྟོས་ཤིག །ཁྱོད་ཆུ་ཀླུང་དུ་ཞུགས་ལ་ལྐོག་མ་མན་ཆད་ཆུར་ཆུག་ལ་ཤར་ཕྱོགས་སུ་ལྟོས་ཏེ་འདུག་ཤིག་དང་། བདག་གིས་ལྷ་
D6.011.0099a04.01ལ་གསོལ་ལོ་ཞེས་ཟེར་ཏེ། དེས་རྒྱལ་པོའི་ཕོ་བྲང་དང་ཉེ་བར་སོང་སྟེ། ལྷ་འདི་ལྟར་ཤོ་ཤུམ་པ་ནི་དགེ་ཞིང་བདེན་ཏེ་དཀའ་ཐུབ་སྤྱོད་པ་བྱེད་ཀྱི་མྱུར་དུ་བོད་པའི་རིགས་སོ་ཞེས་གསོལ་པ་དང་། རྒྱལ་པོ་ཚངས་བྱིན་གྱིས་ཝའི་སྐད་ལ་མཁས་ནས་དེས་བློན་པོ་ལ་ཀྱེ་ཆུ་བོ་ཀ་ར་ན་ད་ན་ཤོ་ཤུམ་པ་དཀའ་
D6.011.0099a05.01ཐུབ་སྤྱོད་ཅིང་འདུག་གོ་ཞེས་ཐོས་ཀྱིས་དེ་ཚུར་ཁུག་ཤིག་ཅེས་བསྒོའོ། །དེ་དག་གིས་གོས་དང་རྒྱན་བསྐོན་ཏེ་འོངས་པ་དང་། རྒྱལ་པོས་སྔོན་གྱི་གནས་སུ་སླར་བཞག་གོ། །མོས་དེ་ལ་ཉི་མ་རེ་རེ་ཞིང་ཤའི་དུམ་བུ་རེ་རེ་བྱིན་ནོ། །ཇི་སྲིད་ཅིག་གི་དུས་སུ་བྱིན་ཏེ། དེ་ནམ་མ་བྱིན་པ་དང་། ཝ་དེས་
D6.011.0099a06.01རྒྱལ་པོའི་ཕོ་བྲང་དང་ཉེ་བར་འདུག་ནས་ཤོ་ཤུམ་པ་དེ་སྟེ་ཁྱོད་ཀྱིས་བདག་ལ་ཤའི་དུམ་བུ་བྱིན་ན་ནི་དགེའོ། །མ་བྱིན་ན་ནི་ལེགས་པར་བརྡེགས་ལ་ཇི་ལྟར་སྔོན་གྱི་གནས་སུ་ཕྱིར་ཡང་གཞག་གོ་ཞེས་བསྡིགས་པ་དང་། མོས་ཐོས་ནས་སྐྲག་སྟེ་ཡང་དེ་ལ་ཉི་མ་རེ་རེ་ཞིང་ཤའི་དུམ་བུ་སྦྱིན་པ་ལ་ཞུགས་སོ། །
D6.011.0099a07.01