完整藏文原文 · 德格版页 当前仅加载第 11 函德格 33a 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱན་ཏེ། བཀུར་སྟི་ཆེན་པོས་དེ་དུར་ཁྲོད་དུ་ཁྱེར་རོ། །རེ་ཞིག་ཅིག་ན་མི་རྒོད་ལྔ་བརྒྱ་ཙམ་ཞིག་རི་འོར་ཞིག་ཏུ་སོང་ནས་རྙེད་པ་དང་ཁེ་ཕྱིན་ནས་དུར་ཁྲོད་དེ་དང་ཧ་ཅང་མི་རིང་བར་འོངས་པ་གྲོང་ཁྱེར་ན་གནས་པའི་མི་ཞིག་གིས་མཐོང་ནས་དེས་བསམས་པ། སྐྱེ་བོའི་
D6.011.0033a01.01ཚོགས་ཆེན་པོ་གྲོང་ཁྱེར་ནས་བྱུང་སྟེ་འོད་བཟང་མ་སྐྱེལ་བར་དུར་ཁྲོད་དུ་སོང་བ་རྣམས་མི་རྒོད་དེ་དག་གིས་ཚུལ་མ་ཡིན་པར་གནོད་པ་བྱས་ན་མི་རུང་གིས་སྦྲན་ཏོ་སྙམ་ནས་དེ་མགྱོགས་པར་སོང་སྟེ། སྐྱེ་བོའི་ཚོགས་ཆེན་པོ་དེ་དག་ལ་ཤེས་ལྡན་དག་མི་རྒོད་ལྔ་བརྒྱ་ཙམ་ཧ་ཅང་མི་རིང་བ་ཞིག་ན་
D6.011.0033a02.01འདུག་གིས་བྲོས་ཤིག་ཅེས་སྦྲན་པ་དང་། དེ་དག་གིས་ཀྱང་སང་རིམ་གྲོ་བྱའོ་ཞེས་སྲུང་མ་གཞག་སྟེ། འོད་བཟང་མ་ཇི་ལྟར་རྒྱན་སྣ་ཚོགས་ཀྱིས་བཀླུབས་པ་དང་། དྲི་དང་། བདུག་པ་དང་། གོས་དང་། ཕྱེ་མ་དང་། གདུགས་དང་། རྒྱལ་མཚན་དང་། བ་དན་དག་གིས་མཛེས་
D6.011.0033a03.01པར་བྱས་ཏེ་ཕྱུང་ནས་བསྙལ་བ་བཞིན་དུ་བོར་ཏེ་འབྲོས་བསླང་ནས་གྲོང་ཁྱེར་དུ་ཞུགས་སོ། །ཅི་ཙམ་ན་མི་རྒོད་དེ་དག་ཕྱོགས་དེར་ཕྱིན་པ་དང་། སྲུང་མ་རྣམས་བྲོས་སོ། །མི་རྒོད་རྣམས་ཀྱིས་རབ་ཏུ་བརྒྱན་པ་དེ་མཐོང་ནས་མཆོག་ཏུ་ངོ་མཚར་སྐྱེས་སོ། །དེ་ནས་འོད་བཟང་མའི་གོས་
D6.011.0033a04.01རྣམས་བཤུས་ནས་བལྟས་པ་དང་། དེ་དག་གིས་དེའི་གཟུགས་གཞོན་ལ་མཛེས་པ་མཐོང་ནས་རབ་ཏུ་ཆགས་ཏེ་ཤེས་ལྡན་དག་གར་བསྐོར་ཀྱང་བུད་མེད་འདི་ལྟ་བུ་དང་ལྷན་ཅིག་དགའ་མགུར་སྤྱད་པར་ཟད་དོ་ཞེས་སྨྲས་ནས་དེ་དག་གིས་དེ་དང་ལྷན་ཅིག་དགའ་མགུར་སྤྱད་དེ་ཀཱར་ཥཱ་པ་ཎ་ལྔ་
D6.011.0033a05.01བརྒྱ་བཞག་པ་དང་། འོད་བཟང་མའི་རོ་ལ་ཡང་སྐྱེས་བུ་ལྔ་བརྒྱས་ཀཱར་ཥཱ་པ་ཎ་ལྔ་བརྒྱ་བྱིན་ཏེ་དགའ་མགུར་སྤྱོད་དོ་ཞེས་ཀུན་ཏུ་སྒྲ་གྲགས་སོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཁྱིམ་བདག་གི་མཆིས་
D6.011.0033a06.01འབྲང་འོད་བཟང་མས་ལས་ཅི་ཞིག་བགྱིས་ན་ལས་དེའི་རྣམ་པར་སྨིན་པས་འོད་དང་ལྡན་པར་གྱུར་ཅིང་བཙས་མ་ཐག་ཏུ་ཁྱིམ་ཐམས་ཅད་འོད་ཀྱིས་སྣང་བར་བགྱིས་པ་དང་། གུམ་ནས་ཀྱང་མི་རྒོད་ལྔ་བརྒྱས་ཀཱར་ཥཱ་པ་ཎ་ལྔ་བརྒྱ་སྩལ་ནས་དགའ་མགུར་སྤྱད་ལགས། བཅོམ་ལྡན་འདས་ཀྱིས་བཀའ་
D6.011.0033a07.01