完整藏文原文 · 德格版页 当前仅加载第 11 函德格 79a 版页；藏文 NFD、目录标记与异常页序保留在来源切片中，重复版页行以稳定序号区分。
བིའི་རྒྱལ་པོས་མཁྱེན་བྱའི་ཕྱིར། །བཟང་མོ་བདག་ནི་འགྲོ་བར་བྱ། །རི་སྐེགས་ཀྱིས་སྨྲས་པ། གལ་ཏེ་རྗེ་ཡི་སྲས་གཤེགས་ན། །ཤི་བིའི་རྒྱལ་པོ་མཁྱེན་གསོལ་ནས། །དགུང་བདུན་དག་ལས་གཞན་དུ་ནི། །ཡུན་མི་རིང་བར་མཁྱེན་པར་མཛོད།
D6.011.0079a01.01བདག་གི་རིགས་དང་རུས་དག་དང་། །ལོངས་སྤྱོད་ཀྱང་ནི་འདི་འདྲ་བར། །ཤི་བིའི་རྒྱལ་པོས་མཁྱེན་པར་མཛོད། །བདག་ཀྱང་སླད་རྗེས་ཁྱེད་མ་དགུམ། །དེ་སོང་ནས་ཕྱིན་པ་དང་། བློན་པོ་སྨན་ཆེན་པོ་ལ་རྒྱ་ཆེར་ཐམས་ཅད་སྨྲས་སོ། །དེ་ནས་སྨན་ཆེན་པོས་རྒྱལ་པོ་སྐྱེད་པ་
D6.011.0079a02.01ལ་མཁྱེན་པར་བྱས་སོ། །དེ་ནས་ལྔ་ལེན་གྱི་རྒྱལ་པོས་ཀྱང་མི་འོང་བར་རྟོགས་ནས་དཔུང་གི་ཚོགས་ཡན་ལག་བཞི་གོ་བསྐོན་ནས་གླང་པོ་ཆེའི་ཚོགས་དང་། རྟ་པའི་ཚོགས་དང་། ཤིང་རྟའི་ཚོགས་དང་། དཔུང་བུ་ཆུང་གི་ཚོགས་དག་རྒྱལ་པོ་སྐྱེད་པའི་དྲུང་དུ་ཕྱིན་ནས་རྒྱལ་པོ་སྐྱེད་
D6.011.0079a03.01པའི་ཕོ་བྲང་བསྐོར་བར་བྱས་པ་དང་། དེ་ནས་བློན་པོའི་མཆོག་སྨན་ཆེན་པོས་བསམས་པ་འདིས་ལྷན་ཅིག་ཐབ་མོ་འགྱེད་པར་ཡང་མི་ནུས་ན་ཇི་ལྟར་བྱ་དབྱེན་ཞིག་བྱ་སྙམ་མོ། །དེས་ལྔ་ལེན་གྱི་རྒྱལ་པོའི་བློན་པོ་ལྔ་བརྒྱ་ལ་རྣམ་པ་སྣ་ཚོགས་ཀྱི་སྐྱེས་བསྐུར་ཏེ་དབྱེན་བྱས་སོ། །དབྱེན་
D6.011.0079a04.01བྱས་ནས་རྒྱལ་པོ་སྐྱེད་པས་ལྔ་ལེན་གྱི་རྒྱལ་པོ་ལ་ཕོ་ཉ་བཏང་སྟེ། ཁོ་བོ་ཁྱོད་ལ་རྒོལ་བ་མི་ནུས་པ་མ་ཡིན་མོད་ཀྱི་ཁོ་བོ་དང་ཁྱོད་གཉེན་ཏེ། ཁྱོད་ཉིད་གྱོས་པོ་ཡིན་པས་མི་རྒལ་ལོ། །འོན་ཀྱང་ཁྱོད་ངའི་ལག་ཏུ་འཚོའམ་གཤིན་པ་ནི་ཤིན་ཏུ་རིག་པར་གྱིས་ཤིག །ངེད་ཀྱིས་ནུས་
D6.011.0079a05.01པར་གྱུར་ཀྱང་ཁྱོད་ལ་མི་རྒལ་ཏེ། གལ་ཏེ་ཡང་ཁྱོད་ཐེ་ཚོམ་དུ་གྱུར་ན་སྐྱེས་འདི་དང་འདི་དག་ནི་བློན་པོ་ཆེ་གེ་མོ་རྣམས་ལ་བསྐུར་བར་བརྟག་པར་བྱའོ་ཞེས་དེས་སྤྲིང་བ་ལས་སྐྱེས་དང་བཅས་སུ་བཟུང་ངོ་། །དེ་ནས་ལྔ་ལེན་གྱི་རྒྱལ་པོ་དེ་ཉིད་ཀྱི་ནུབ་མོ་ཆས་ནས་རང་གི་ཁྱིམ་དུ་སོང་སྟེ་ཕྱིན་པ་དང་།
D6.011.0079a06.01བློན་པོ་ལྔ་བརྒྱ་དེ་དག་བསད་དེ། དེ་དག་གི་བུ་རྣམས་ཀྱང་བློན་པོར་བཅུག་པ་བདེན་ནོ་ཞེས་སྨྲས་པ་འདིས་རྒྱལ་པོ་སྐྱེད་པ་དང་ལྷན་ཅིག་པ་དག་དགའ་བ་སྐྱེས་པར་གྱུར་ཏོ། །སྨན་ཆེན་པོས་ཀྱང་དེ་དག་བསད་པར་ཐོས་ནས་བདག་གིས་དེ་ལྟ་བུ་དག་བྱས་སོ་སྙམ་སྟེ་དགའ་བར་གྱུར་ཏོ། །
D6.011.0079a07.01