完整藏文原文 · 德格版页 当前仅加载第 11 函德格 124a 版页；藏文 NFD、目录标记与异常页序保留在来源切片中，重复版页行以稳定序号区分。
འདུས་ཏེ་ཀྱེ་ཅིའི་ཕྱིར་ངུ་ཞེས་དྲིས་པ་དང་། དེས་ཇི་ལྟར་གྱུར་པ་ཐམས་ཅད་ཞིབ་ཏུ་སྨྲས་ནས་དེ་དག་གིས་བུ་ཁྱོད་ཀྱི་ཕྱིར་ཐུག་པ་འདི་སྦྱར་ན་ཅིའི་ཕྱིར་མི་འཐུང་ཞེས་སྨྲས་པ་དང་། དེས་ཀྱེ་འདི་ནི་སྐྱུགས་པ་ན་སྐྱུགས་པ་ཇི་ལྟར་བཏུང་ཞེས་སྨྲས་སོ། །དེ་ཕྱི་ཕྱིར་བྲང་
D6.011.0124a01.01བརྡུངས་ཏེ་ངུ་ཞིང་འདུག་ནས། ཀྱེ་ཅིའི་ཕྱིར་ཁོ་མོས་འདི་ལ་སྐྱུགས་པ་བླུད་ཅེས་སྨྲས་པ་དང་། དེ་འཁོར་གྱི་ཁྱིམ་ཚེས་དེ་དག་གིས་ནན་གྱིས་བླུད་ནས་དེས་འཐུང་བར་བརྩམས་པ་དང་། མོས་དེའི་ལག་པ་ནས་བཟུང་སྟེ། གདོང་དུ་ཐལ་མོ་ཞིག་བརྒྱབ་ནས་སྨྲས་པ། བཀྲེན་པ་
D6.011.0124a02.01ཁྱོད་ན་རེ་ངས་བསླབ་པ་རྣམས་ལོབས་སོ་ཞེས་ཟེར་ན། ཇི་ལྟར་ན་ཁྱོད་ཀྱིས་བསླབ་པ་རྣམས་ལོབས་འདི་ལྟར་ཁྱོད་ཀྱིས་མངོན་སུམ་དུ་སྐྱུགས་པ་མཐོང་ཡང་འཐུང་བར་ཤོམ་ན་ཁྱོད་ནི་ཤེས་པ་ཅན་མ་ཡིན་ནོ་ཞེས་སྨྲས་ནས་དེས་དེ་བསྐྲད་དེ་བཏང་ངོ་། །དེ་དུས་ཕྱི་ཞིག་ན་ཚོང་པ་ལྔ་བརྒྱ་དང་
D6.011.0124a03.01ལྷན་ཅིག་ཏུ་ཟོང་ཁྱེར་ཏེ་ཡུལ་གྱི་དབུས་སུ་དོང་ངོ་། །དེས་ཚོང་པ་དེ་དག་གི་མདུན་དུ་ཕྱི་ཕྱིར་ཞིང་བུད་མེད་ལ་སྨོད་དོ། །དེ་དག་རིམ་བཞིན་དུ་འཁོར་མོ་འཇིག་ཏུ་ཕྱིན་ཏོ། །ཚོང་པ་དེ་དག་སྔོན་ནི་སྨད་འཚོང་མ་དེ་དག་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །དེ་དག་ཀྱང་དེ་དང་
D6.011.0124a04.01བསྟེན་པས་ཀྱང་བུད་མེད་ལ་སྨོད་དེ་སྨད་འཚོང་མ་གང་གི་ཁྱིམ་དུ་ཡང་མི་འདོང་བ་དང་། སྨད་འཚོང་མ་དེ་དག་གཅིག་ལ་གཅིག་གྲོས་བྱེད་དེ། དེ་དག་ལས་གཅིག་གིས་ཆེ་ཞེ་སྔོན་ནི་ཡུལ་རྡོ་འཇོག་གི་ཚོང་པ་དག་ལྷགས་ནས་དེ་དག་ཡུ་བུ་ཅག་དང་ལྷན་ཅིག་ཏུ་ཡོངས་སུ་སྤྱོད་པར་འོང་ན་ད་
D6.011.0124a05.01ནི་ཐམས་ཅད་ཀྱང་འདོད་ཆགས་དང་བྲལ་བར་གྱུར་ཏེ། སུ་ཡང་བདག་ཅག་དང་ལྷན་ཅིག་ཡོངས་སུ་མི་སྤྱོད་དོ་ཞེས་སྨྲས་པ་དང་། གཞན་གྱིས་ཆེ་ཞེ་བདག་གིས་ནི་དེ་དག་གི་དེད་དཔོན་དེ་ནི་གཡེམ་པའི་ཆོ་ག་ལ་མཁས་པས་བུད་མེད་ལ་ཤིན་ཏུ་སྤྱོད་དོ་ཞེས་ཐོས་སོ། །དེ་དང་བསྟེན་
D6.011.0124a06.01པས་ན་དེ་དག་ཀུན་ཀྱང་བདག་ཅག་དང་ལྷན་ཅིག་ཏུ་མི་སྤྱོད་དོ་ཞེས་སྨྲས་པ་དང་། དེ་དག་གི་ནང་ནས་སྨད་འཚོང་མ་རྒན་མོ་ཞིག་གིས་སྨྲས་པ། བུ་མོ་དེ་སྐྱེས་པ་ཡིན་ནམ་འོན་ཏེ་མ་ཡིན། དེ་དག་གིས་ཆེ་ཞེ་དེ་ནི་སྐྱེས་པ་སྟེ་སྐྱེས་པའི་དབང་པོ་དང་ལྡན་པའོ་ཞེས་སྨྲས་པ་དང་།
D6.011.0124a07.01