完整藏文原文 · 德格版页 当前仅加载第 11 函德格 20a 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱུད་པ་དང་། །དགེ་སློང་ཕྱིར་ནི་འོངས་པ་དང་། །བྱ་ནི་རྒྱ་ལས་ཤོར་དང་གསུམ། །གཡོ་ཅན་ནང་ན་དེ་གཡོ་ངན། །ཞེས་བགྱི་བ་ཁྱོད་ཀྱིས་མ་གསན་ཏམ། སྡོམ་ནི། རྙེད་པར་དཀའ་དང་གཞན་དང་གཅིག །བསགས་དང་དེ་བཞིན་མི་མཐུན་དང་། །བརྡུངས་
D6.011.0020a01.01དང་མེད་པ་ཉིད་དང་ནི། །མི་འཚམ་པ་ནི་དོན་མེད་དོ། །གསོས་པ་ཁྱོད་ཀྱིས་བ་ལང་སྐྱོང་གི་མ་རྙེད་དཀའ་བ་བསད་དོ། །དེས་སྨྲས་པ། ལྷ། རི་བོང་རྭ་ཅན་རྙེད་པར་དཀའ། །རུ་སྦལ་སྤུ་ཅན་རྙེད་པར་དཀའ། །སྨད་འཚོང་གཅིག་པུ་འདུག་པ་དང་། །གཟུ་བོ་དྲང་པོར་སྨྲ་རྙེད་
D6.011.0020a02.01དཀའ། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་ཁྱོད་ཀྱིས་གཞན་གྱི་ཆེད་དུ་བ་ལང་སྐྱོང་གི་མ་ཞི་བ་བསད་དོ། །དེས་སྨྲས་པ། ལྷ། གཏམས་པ་ལེན་དང་གཉའ་བོ་དང་། །གཡོན་ཅན་གྱི་ནི་ཆེ་བཞི་དང་། །སྨྱན་བྱེད་བློ་ཞན་བཞི་པོ་དག །གཞན་
D6.011.0020a03.01གྱི་དོན་དུ་མ་རུང་འགྱུར། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས་ང་གཅིག་པུར་བྱས་སོ། །དེས་སྨྲས་པ། ལྷ། སྐྱེ་བ་ན་ཡང་འདི་གཅིག་སྐྱེ་བར་འགྱུར། །དེ་བཞིན་འཆི་བ་ན་ཡང་འདི་
D6.011.0020a04.01གཅིག་འཆི། །སྐྱེ་བོ་གཅིག་པུས་འདི་ན་སྡུག་བསྔལ་མྱོང་། །འཁོར་བ་ལ་ནི་གྲོགས་ཡོད་མ་ཡིན་ནོ། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་ཁྱོད་ཀྱིས་བ་ལང་སྐྱོང་གི་མ་ཞི་བ་ཚོགས་བསགས་པ་བསད་དོ། །དེས་སྨྲས་པ། ལྷ། ཉ་སྒོང་ཨ་མྲའི་
D6.011.0020a05.01མེ་ཏོག་དང་། །སྡུག་བསྔལ་གྱུར་པའི་དོན་གཉེར་བ། །དཔེར་ན་སྟོན་ཀའི་སྤྲིན་བཞིན་དུ། །བསགས་པ་རྣམས་ཀྱང་དོན་མེད་འགྱུར། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་སྐྱོང་གི་མ་ཞི་བ་བསད་པས་ཁྱོད་ནི་མི་
D6.011.0020a06.01མཐུན་པ་ཡིན་ནོ། །དེས་སྨྲས་པ། ལྷ། ཉི་མ་གྲིབ་མར་མི་མཐུན་ཞིང་། །སྣང་བ་དང་ནི་མུན་པ་དང་། །ཉིན་པར་མཚན་མོར་མི་མཐུན་ཏེ། །ཆོས་དང་ཆོས་མིན་རྟག་མི་མཐུན། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་གང་གི་ཕྱིར་ཁྱོད་ཀྱིས་བ་ལང་
D6.011.0020a07.01