完整藏文原文 · 德格版页 当前仅加载第 11 函德格 50b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་གསོལ་པ་བདག་ལགས་ཏེ། དེ་ནི་དགེ་སྦྱོང་དང་བྲམ་ཟེར་བཅས། ལྷ་དང་མིར་བཅས་པའི་སྐྱེ་དགུ་ལ་ཡུན་རིང་པོའི་དོན་དང་། ཕན་པ་དང་བདེ་བར་འགྱུར་ལགས་སོ་ཞེས་གསོལ་པ་དང་། བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་གསལ་རྒྱལ་ལ་ཅང་མི་གསུང་
D6.011.0050b01.01བས་གནང་ངོ་། །དེ་ནས་ཀོ་ས་ལའི་རྒྱལ་པོ་གསལ་རྒྱལ་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་རང་གི་སྟན་ཇི་ལྟ་བ་ལ་འདུག་གོ། །།འདུལ་བ་ཕྲན་ཚེགས་ཀྱི་གཞི། བམ་པོ་སུམ་བཅུ་རྩ་གཉིས་པ། དེ་ནས་བཅོམ་ལྡན་འདས་ཀྱིས་ཕྱག་
D6.011.0050b02.01འཁོར་ལོ་དང་། བཀྲ་ཤིས་དང་། གཡུང་དྲུང་ཅན་དྲ་བས་འབྲེལ་པ། བསོད་ནམས་བརྒྱ་ཕྲག་དུ་མ་ལས་འཁྲུངས་པ། འཇིགས་པ་རྣམས་དབུགས་འབྱིན་པར་མཛད་པས་ས་ལ་རེག་པར་མཛད་དེ། ཀྱེ་མ་ཀླུ་རྣམས་ཀྱིས་པདྨ་ཤིང་རྟའི་འཁོར་ལོ་ཙམ་འདབ་མ་སྟོང་དང་ལྡན་
D6.011.0050b03.01པ། ཐམས་ཅད་གསེར་ལས་བྱས་པ། རིན་པོ་ཆེའི་ཆུ་བ་དང་། རྡོ་རྗེའི་ཟེ་བ་ཅན་ཁྱེར་ཏེ་འོངས་ཀྱང་སླ་ན་སྙམ་དུ་འཇིག་རྟེན་པའི་ཐུགས་བསྐྱེད་པ་མཛད་དོ། །སངས་རྒྱས་བཅོམ་ལྡན་འདས་རྣམས་ནི་ཆོས་ཉིད་ཀྱིས་གང་གི་ཚེ་འཇིག་རྟེན་པའི་ཐུགས་བསྐྱེད་པ་དེའི་ཚེ་སྲོག་ཆགས་
D6.011.0050b04.01གྲོག་སྦུར་རྣམས་ཀྱིས་ཀྱང་བཅོམ་ལྡན་འདས་ཀྱི་ཐུགས་སེམས་ཀྱིས་ཤེས་པར་འགྱུར་ལ། གང་གི་ཚེ་འཇིག་རྟེན་ལས་འདས་པའི་ཐུགས་བསྐྱེད་པ་དེའི་ཚེ་ནི་ཉན་ཐོས་དང་། རང་སངས་རྒྱས་རྣམས་ཀྱིས་ཀྱང་བཅོམ་ལྡན་འདས་ཀྱི་ཐུགས་སེམས་ཀྱིས་ཤེས་པར་མི་འགྱུར་ན།
D6.011.0050b05.01དུད་འགྲོའི་སྐྱེ་གནས་སུ་སོང་བ་ཀླུ་རྣམས་ཀྱིས་ལྟ་སྨོས་ཀྱང་ཅི་དགོས། བཅོམ་ལྡན་འདས་ཀྱིས་ཅིའི་ཕྱིར་ས་ལ་རེག་པར་མཛད་སྙམ་ན་ཆོ་འཕྲུལ་ཆེན་པོ་སྟོན་པར་མཐོང་ནས་དེ་དག་གིས་པདྨ་ཤིང་རྟའི་འཕང་ལོ་ཙམ་འདབ་མ་སྟོང་དང་ལྡན་པ། ཐམས་ཅད་གསེར་ལས་བྱས་པ། རིན་པོ་ཆེའི་
D6.011.0050b06.01ཆུ་བ་དང་། རྡོ་རྗེའི་ཟེ་བ་ཅན་ཁྱེར་ཏེ་ས་བརྟོལ་ནས་བྱུང་བ་དང་། བཅོམ་ལྡན་འདས་པདྨ་དེའི་སྙིང་པོ་ལ་བཞུགས་སོ། །དེ་ནས་བཅོམ་ལྡན་འདས་ཀྱི་གཡས་གཡོན་དུ་པདྨ་དེ་འདྲ་བ་གཞན་རབ་ཏུ་མང་པོ་དག་བྱུང་བར་གྱུར་ཏེ། དེ་དག་རེ་རེ་ལ་ཡང་སྤྲུལ་པའི་སངས་རྒྱས་རྣམས་བཞུགས་པར་གྱུར་
D6.011.0050b07.01