完整藏文原文 · 德格版页 当前仅加载第 11 函德格 72a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་ཀྱིས་རྣ་ཆ་གདུབ་ཀོར་གདུ་གུ་ཞིག་སྟེ་ཤིན་ཏུ་ལྷང་ངེའོ། །ས་གས་སྨྲས་པ། མཁན་པོ་རྣ་བ་གཉིས་དགབ་པའི་སླད་དུའོ། །དེ་ནས་སྨན་ཆེན་པོས་སྨྲས་པ། བུ་མོ་བྱད་བཟང་ཞིང་བལྟ་ན་སྡུག་པ་མཛེས་པ་ཡིན་ནོ། །ས་གས་སྨྲས་པ། གྲོང་གི་བདག་པོ་
D6.011.0072a01.01རྣམས་ཀྱི་བཀའ་དྲིན་གྱིས་སོ། །ཅུང་ཞིག་འདུག་ནས་སྨྲས་པ། ཁྱོད་ཀྱི་ཕ་གར་སོང་། བུ་མོས་སྨྲས་པ། ལམ་གཅིག་གཉིས་སུ་བགྱིད་དུ་མཆིས་ཏེ་ཚེར་མའི་ཡལ་ག་བསྡུས་ནས་ལམ་གཅོད་པར་བགྱིད་དོ། །དེས་ན་སྐྱེ་བོ་དག་ཤུལ་གཉིས་པ་བགྱིད་དོ། །ཁྱོད་ཀྱི་མ་ཡང་གར་
D6.011.0072a02.01སོང་། ཞིང་ཐོག་ནས་ས་བོན་གྱི་ཕྱིར་མཆིས་སོ། །བུ་མོ་ངའི་ཆུང་མ་བྱའམ། བུ་མོས་སྨྲས་པ། གལ་ཏེ་གྲོང་གི་བདག་པོ་བཏུབ་ནའོ། །དེས་སྨྲས་པ། ནགས་ཀྱི་ཚང་ཚིང་ཅན་དུ་ལམ་གང་ནས་འགྲོ་ན་བདེ་བ་དང་མི་འཁྱོག་པ་དེ་སྟོན་ཅིག །ཡང་སྨྲས་པ། ནགས་ཀྱི་ཚང་
D6.011.0072a03.01ཚིང་ཅན་གྱི་ལམ། །ཚེར་མ་མེད་ཅིང་ཐིབས་པོ་མེད། །བདེ་ཞིང་མི་འཁྱོག་འཇམ་པ་ནི། །གང་ནས་བདག་འགྲོ་དྲིས་པ་སྟོན། །དེས་དེ་ལ་ལམ་འཁྱོག་པ་ཞིག་བསྟན་ནས། ལམ་གཞན་ནས་མདུན་དུ་རྒྱུགས་ཏེ། རྫིང་བུ་ཞིག་ཏུ་གོས་རྣམས་ཕུད་ནས་མིག་ཡ་གཅིག་བཙུམས་ཏེ་ཅི་ངོ་
D6.011.0072a04.01ཤེས་སམ། འོན་ཏེ་མ་ཡིན་ཞེས་གློ་གཅིག་གིས་སྙེས་ཏེ་འདུག་གོ། །ཡང་སྨྲས་པ། གང་གིས་ཟ་བགྱིད་དེ་ནས་བཞུད། །གང་གིས་ཟ་བར་མི་བགྱིད་པ། །དེ་ནི་དོར་བར་བགྱིས་ནས་སུ། །ཟན་གྱི་ནགས་སུ་བཞུད་པར་མཛོད། །དེ་ནས་སྨན་ཆེན་པོས་ཇི་སྐད་བསྟན་པའི་ལམ་ནས་
D6.011.0072a05.01སོང་བ་དང་། ཅི་ཙམ་ན་རྒྱང་རིང་པོ་ནས་དེ་ངོ་ཤེས་ནས་སྨྲས་པ། རས་བལ་ཐགས་སུ་བཏགས་པ་མི་བདོག་པས། །མ་བཀལ་ཐགས་སུ་མ་བཏགས་གྱོན་བྱེད་པ། །མཛེས་ལྡན་གཡོན་པའི་མིག་ཅན་གང་ནས་ནི། །མེ་ཏོག་གྲོང་དུ་འགྲོ་བ་བདག་ལ་སྟོན། །དེ་ནས་བུ་མོས་ཅུང་ཞིག་
D6.011.0072a06.01བགད་ནས་སྨྲས་པ། འདིར་ནི་གཡོན་པའི་ལམ་འོར་ལ། །གང་ན་ཡོས་ནི་ཡོད་པ་དང་། །པ་ལ་ཤ་ཡི་མེ་ཏོག་རྒྱས། །དེ་ནས་བྲམ་ཟེ་བཞུད་དུ་གསོལ། །དེ་སོང་སོང་སྟེ་ཕྱིན་ནས་སྨྲས་ཏེ་ས་གའི་ཕའི་ཁྱིམ་དུ་སོང་ན་དེའི་ཕ་མ་མི་སྣང་ངོ་། །དེ་ནས་གྲོང་གི་བདག་པོ་རྣམས་ལ་སྨྲས་
D6.011.0072a07.01