完整藏文原文 · 德格版页 当前仅加载第 11 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། དེས་བུ་མོ་སེམས་དེ་ལྟར་བསྐྱེད་པ་ལེགས་སོ། །འདོད་པ་ནི་བདེ་བ་ཆུང་ལ་སྡུག་བསྔལ་ཆེ་ཞིང་ཉེས་པ་མང་སྟེ། རབ་ཏུ་བྱུང་ན་ནི་དགེ་བའོ། །བཅོམ་ལྡན་འདས་ཀྱིས་ནི་མཁས་པས་ཉེས་པ་ལྔ་མཐོང་ན་དེས་འདོད་པ་ལྔ་ལ་བསྟེན་པའི་མི་རིགས་ཞེས་གསུངས་ཏེ། ལྔ་
D6.011.0162b01.01གང་ཞེ་ན། བདེ་བ་ཆུང་ལ་སྡུག་བསྔལ་ཆེ་ཞིང་ཉེས་པ་མང་བར་མཁས་པས་ཡང་དག་པར་མཐོང་ནས། དེས་འདོད་པ་ལ་བསྟེན་པའི་མི་རིགས་སོ། །འདོད་པ་ལ་བསྟེན་པས་ཀུན་དུ་སྦྱོར་བ་འཕེལ་བར་འགྱུར་བར་མཁས་པས་ཡང་དག་པར་མཐོང་ནས་དེས་འདོད་པ་ལ་བསྟེན་པའི་མི་རིགས་
D6.011.0162b02.01སོ། །འདོད་པ་ལ་བསྟེན་ན་ཅུང་ཟད་ཀྱང་མི་རིགས་པའམ། ངོམས་པའམ། ཆོག་པ་མེད་པར་མཁས་པས་ཡང་དག་པར་མཐོང་ནས་དེས་འདོད་པ་ལ་བསྟེན་པའི་མི་རིགས་སོ། །འདོད་པ་ལ་བསྟེན་ན་སྡིག་པ་ཅུང་ཟད་ཀྱང་མི་བྱ་བ་མེད་པར་མཁས་པས་ཡང་དག་པར་མཐོང་ནས་
D6.011.0162b03.01དེས་འདོད་པ་ལ་བསྟེན་པའི་མི་རིགས་སོ། །འདོད་པ་ནི་རྣམ་གྲངས་དེ་ལྟ་བུ་སངས་རྒྱས་དང་སངས་རྒྱས་ཀྱི་ཉན་ཐོས་རྣམས་དང་། མཁས་པ་དང་། ཡང་དག་པར་སོང་བ་སྐྱེས་བུ་དམ་པ་རྣམས་ཀྱིས་སྤངས་པར་མཁས་པས་མཐོང་ནས་འདོད་པ་ལ་བསྟེན་པའི་མི་རིགས་སོ། །མཁས་
D6.011.0162b04.01པས་ཡོན་ཏན་ལྔ་མཐོང་ནས་རབ་ཏུ་འབྱུང་བ་ལ་དད་པར་བྱ་བའི་རིགས་སོ། །ལྔ་གང་ཞེ་ན། བདག་གིས་མ་འདྲེས་པའི་དོན་རྗེས་སུ་ཐོབ་པར་འགྱུར་བར་མཐོང་ནས་མཁས་པས་རབ་ཏུ་འབྱུང་བ་ལ་དད་པར་བྱ་བའི་རིགས་སོ། །བདག་གང་དག་གི་བྲན་དང་། མངག་གཞུག་
D6.011.0162b05.01པ་དང་། བསྒོ་བ་དང་། བཀོལ་བ་དང་། ཅི་དགའ་མགུར་བྱེད་པ་དེ་དག་གིས་སླར་མཆོད་པ་དང་། བསྟོད་པར་འགྱུར་བར་མཐོང་ནས་མཁས་པས་རབ་ཏུ་འབྱུང་བ་ལ་དད་པར་བྱ་བའི་རིགས་སོ། །བླ་ན་མེད་པ་རྣལ་འབྱོར་བདེ་བ་མྱ་ངན་ལས་འདས་པ་རྗེས་སུ་འཐོབ་པར་མཐོང་
D6.011.0162b06.01ནས་མཁས་པས་བདག་ཉིད་རབ་ཏུ་འབྱུང་བ་ལ་དད་པར་བྱ་བའི་རིགས་སོ། །བླ་ན་མེད་པ་རྣལ་འབྱོར་བདེ་བ་མྱ་ངན་ལས་འདའ་བ་རྗེས་སུ་འཐོབ་པ་མ་གྲུབ་ཀྱང་བདག་ལྷར་སྐྱེ་བར་འགྱུར་བར་མཐོང་ནས་མཁས་པས་རབ་ཏུ་འབྱུང་བ་ལ་དད་པར་བྱ་བའི་རིགས་སོ། །རབ་ཏུ་བྱུང་བའི་ཡོན་
D6.011.0162b07.01