完整藏文原文 · 德格版页 当前仅加载第 11 函德格 57b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་གག་ཅིག་སྐད་འབྱིན་པ་ཕྱོགས་དེ་ན་བྲམ་ཟེ་ལྟས་མཁན་ཞིག་འགྲོ་བས་ཐོས་ནས་དེས་མི་གང་གིས་དེའི་ཤ་ཟོས་པ་དེ་རྒྱལ་པོར་འགྱུར་རོ་ཞེས་སྨྲས་པ་དང་། ཚིག་དེ་མདུན་ན་འདོན་གྱིས་ཐོས་ནས་དེས་བྲམ་ཟེ་དེ་ལ་ཡང་དྲིས་ཏེ། དེ་ནས་མདུན་ན་འདོན་གྱིས་བྱ་གག་བཟུང་ནས་བསད་དེ་
D6.011.0057b01.01ཆུང་མ་ལ་སྨྲས་པ། བྱ་གག་འདི་འཕྲལ་དུ་ཚོས་ཤིག་དང་། ང་རྒྱལ་པོའི་ཕོ་བྲང་ནས་སླར་འོང་ངོ་ཞེས་བྱས་ནས་དེ་རྒྱལ་པོའི་ཕོ་བྲང་དུ་སོང་ངོ་། །ཇི་ཙམ་ན་ཁྱེའུ་བཟའ་བཏུང་མང་པོ་གྲྭ་ནས་བཀྲེས་ཏེ་ཁྱིམ་དུ་འོངས་ན་མ་ཡང་མི་སྣང་ངོ་། །དེ་ནས་དེས་བདག་ཅག་གི་ཅི་དག་བཙོས།
D6.011.0057b02.01ཅི་ཞིག་བཟའ་སྙམ་ནས་རེ་ཞིག་ན་མ་ནི་མི་སྣང་གི་བལྟས་ན་རྫེའུ་ཞིག་གི་ནང་ན་བྱ་གག་ཅིག་མགོ་གྱེན་དུ་བྱུང་ཞིང་འདུག་པ་མཐོང་ངོ་། །དེ་ནས་དེས་ཀྱང་རྫེའུའི་ནང་ན་འདུག་བཞིན་དུ་མགོ་བཅད་དེ་ཟོས་སོ། །ཇི་ཙམ་ན་མ་འོངས་ནས་དེ་ལ་མགོ་སུས་ཟོས་ཞེས་དྲིས་པ་དང་། དེས་
D6.011.0057b03.01བདག་གིས་འཚལ་ཏོ་ཞེས་བྱས་པ་དང་། དེ་ནས་ཟན་བྱིན་ཏེ་གྲྭར་བཏང་ངོ་། །མདུན་ན་འདོན་ཀྱང་འོངས་ནས་བཟའ་ཞེས་བྱས་པ་དང་། བྱ་གག་གི་མགྲིན་པ་མི་སྣང་ནས་འདིའི་མགྲིན་པ་ག་རེ། ཆུང་མས་སྨྲས་པ། ཁྱེའུས་འཚལ་ཏོ་ཞེས་བྱས་པ་དང་། དེ་ནས་བྱ་གག་
D6.011.0057b04.01གི་ལྷག་མ་ཟོས་ནས་བསམས་པ། ཅི་རེ་ཞིག་བྱ་གག་རིལ་གྱིས་ཟོས་པས་རྒྱལ་པོར་འགྱུར་རམ། འོན་ཏེ་ཡན་ལག་མ་ཚང་བ་ཟོས་པས་ཀྱང་རྒྱལ་པོར་འགྱུར་སྙམ་དུ་ཐེ་ཚོམ་སྐྱེས་ནས་ཐེ་ཚོམ་གཅད་པའི་ཕྱིར་ཐབས་གཞན་ཞིག་གིས་བྲམ་ཟེ་ལྟས་མཁན་དེ་ཉིད་བོས་ཏེ་ཀྱེ་བྲམ་ཟེ་
D6.011.0057b05.01ཆེན་པོ་ཁྱོད་ཀྱིས་སྔར་གང་གིས་བྱ་གག་ཟོས་པ་དེ་རྒྱལ་པོར་འགྱུར་རོ་ཞེས་བྱ་བ་ཅི་ཡན་ལག་མ་ཚང་བ་ཟོས་པས་དེར་འགྱུར་རམ། འོན་ཏེ་རིལ་གྱིས་ཟོས་པས་འགྱུར། དེས་སྨྲས་པ། ཡན་ལག་མ་ཚང་ཡང་གང་གིས་དེའི་མགོ་ཟོས་པ་དེ་རྒྱལ་པོར་འགྱུར་རོ། །ཡང་ན་གང་
D6.011.0057b06.01གིས་དེའི་མགོ་ཟོས་པ་དེ་བསད་དེ་དེའི་མགོ་ཟོས་ན་དེ་ཉིད་རྒྱལ་པོར་འགྱུར་རོ། །དེ་ནས་མདུན་ན་འདོན་གྱི་བློ་སྐྱེས་པ་གཞོན་ནུ་འདི་བསད་ནས་འདིའི་མགོ་བཟའ་ན་མས་ཤེས་པར་མ་བྱས་ན་ནི་གསད་པའམ་བཟའ་བར་མི་ནུས་པས་རེ་ཞིག་བཏུབ་བམ་མི་བཏུབ་འདི་ཉིད་ཀྱི་མའི་ཉམ་
D6.011.0057b07.01