完整藏文原文 · 德格版页 当前仅加载第 11 函德格 32a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་དེར་འགྲོས་ཁྱོད་ཀྱིས་ཡོན་གནས་དག་དེ་བཞིན་དུ་བཤོས་གསོལ་ཅིག་ཅེས་བསྒོ་བ་དང་། དེས་སྨྲས་པ། རྗེའི་སྲས་ལེགས་ཀྱིས་དེ་བཞིན་དུ་བགྱིས་བཞུད་ཅིག །དེས་དགེ་སློང་རྣམས་ལ་ཡང་འཕགས་པ་བདག་ནི་རི་འོར་ཆེ་གེ་མོ་ཞིག་ཏུ་བགྱི་བ་
D6.011.0032a01.01ཞིག་བྱུང་ནས་བདག་དེར་མཆིའི་ཁྱེད་ཅག་དེ་བཞིན་དུ་བདག་གི་སྡུམ་པར་བཤོས་གསོལ་ཅིག་ཅེས་སྨྲས་པ་དང་། དེ་དག་གིས་སྨྲས་པ། ཁྱིམ་བདག་སོང་ཞིག་ནད་མེད་པར་གྱུར་ཅིག །ཟན་བཟའ་བར་བྱའོ་ཞེས་བྱས་པ་དང་། དེ་ཡང་རི་འོར་གྱི་གྲོང་དུ་སོང་ངོ་། །དགེ་སློང་དག་
D6.011.0032a02.01ཀྱང་དེ་བཞིན་དུ་དེའི་ཁྱིམ་དུ་ཟན་བཟའ་བར་བརྩམས་པ་དང་། འོད་བཟང་མ་བདག་གི་ཁྱོ་མེད་དོ་སྙམ་ནས། བུད་མེད་ཀྱི་གཡོ་དང་། བུད་མེད་ཀྱི་སྒྱུ་དང་། བུད་མེད་ཀྱི་ཚུལ་འཆོས་པ་གང་དག་ཡིན་པ་དེ་དག་དགེ་སློང་རྣམས་ལ་སྟོན་པར་རྩོམ་པ་དང་། དགེ་སློང་རྣམས་ཀྱིས་
D6.011.0032a03.01གཅིག་ལ་གཅིག་ཉེས་དམིགས་བྱུང་ན། འདི་ལ་ཇི་ལྟར་བསྒྲུབ་པར་བྱ་ཞེས་བགྲོས་པ་དང་། དེ་ན་ཁ་ཅིག་གིས་སྨྲས་པ། འདི་ལ་བསྒྲུབ་ཏུ་ཅི་ཡོད། སང་ནས་མི་འོང་དུ་ཟད་མོད། གཞན་དག་གིས་སྨྲས་པ། ཚེ་དང་ལྡན་པ་བདག་ཅག་ནི་བསོད་སྙོམས་པ་ཡིན་པས་
D6.011.0032a04.01སང་ནས་བསོད་སྙོམས་ལ་འདོང་དུ་ཟད་མོད། གཞན་དག་གིས་ཀྱེ་ལེགས་ཀྱིས་དེ་བཞིན་དུ་བྱའོ་ཞེས་སྨྲས་ནས། དེ་དག་ཕྱི་དེ་ཉིན་ནས་བསོད་སྙོམས་ལ་ཞུགས་སོ། །ཇི་ཙམ་དུས་གཞན་ཞིག་ན་ཁྱིམ་བདག་དེ་སླར་འོངས་ནས་འོད་བཟང་མ་ལ་དྲིས་པ། འོད་བཟང་མ་
D6.011.0032a05.01ཡོན་གནས་དག་བཤོས་གསོལ་ཏམ། དེས་སྨྲས་པ། ཉིན་གཅིག་བྱོན་ནས་དེ་ཕན་ཆད་ཡེ་མ་བྱོན་ཏོ། །དེས་བསམས་པ། ངེས་པར་འདིས་དེ་དག་གི་མདུན་དུ་བུད་མེད་ཀྱི་གཡོ་དག་བསྟན་ཏེ་བཀུར་སྟི་མ་བྱས་པས་འཛེམ་ནས་དེ་དག་མ་འོངས་སོ་སྙམ་སྟེ། དེས་དེ་དག་
D6.011.0032a06.01གི་དྲུང་དུ་སོང་ནས་ཡང་སྤྱན་དྲངས་པ་དང་། དེ་དག་གིས་སྨྲས་པ། ཁྱིམ་བདག་བདག་ཅག་ནི་བསོད་སྙོམས་པ་ཡིན་པས་བསོད་སྙོམས་ལ་རྒྱུའོ། །དེས་སྨྲས་པ། འཕགས་པ་བདག་གིས་འཚལ་གྱིས་གཤེགས་དང་དེ་ལྟ་བུའི་ཉེས་དམིགས་མི་མཆིའོ། །དེ་དག་གིས་ཁས་
D6.011.0032a07.01