完整藏文原文 · 德格版页 当前仅加载第 11 函德格 7b 版页；藏文 NFD、目录标记与异常页序保留在来源切片中，重复版页行以稳定序号区分。
དེས་དེ་དག་ཟོས་སོ། །གསོས་པ་སོང་ནས། བ་ལང་སྐྱོང་གི་མ་ཞི་བ་ལ་ཇི་ལྟར་གྱུར་པ་སྨྲས་པ་དང་། དེས་སྨྲས་པ། གསོས་པ་སོང་ལ་སྟོད་ཅིག །གལ་ཏེ་སྟོད་པའི་ཚེ་མི་སྲུན་བྱེད་ན་ཁྱོད་ཀྱིས་མ་འཇིགས་པར་དཔུང་སྐྱེད་ཅིག །སེམས་སྟོབས་དང་ལྡན་པ་ལ་ནི་
D6.011.0007b01.01སུས་ཀྱང་མི་རྫིའོ། །དེ་སོང་ནས་དེ་བསྟད་པར་བརྩམས་པ་དང་། དེ་སྟོད་པའི་ཚེ་རབ་ཏུ་འཇིགས་པ་ཆེན་པོའི་གཟུགས་སུ་བདག་ཉིད་སྤྲུལ་ནས། ཀྭའི་མི་ཁྱོད་ཀྱིས་སྔོན་ཆད་འདི་ལྟ་བུའི་རྟ་མཐོང་བ་འགའ་ཡོད་དམ་ཞེས་སྨྲས་སོ། །དེས་རལ་གྲི་ཤུབས་ནས་ཕྱུང་སྟེ་བསྡིགས་
D6.011.0007b02.01ནས་ཀྭའི་རྟའི་སྲིན་པོ་ཁྱོད་ཀྱིས་སྔོན་ཆད་རྟ་ཞོན་པ་སུ་ལ་ཡང་ལྕག་འདི་ལྟ་བུ་མཐོང་བ་ཡོད་དམ་ཞེས་སྨྲས་པ་དང་། དེས་སྨྲས་པ། ཀྱེ་མི་སྔོན་མ་མཐོང་ངོ་། །དེས་ཀྱེ་རྟའི་སྲིན་པོ་གལ་ཏེ་རེ་ཞིག་མི་སྲུན་མི་བྱེད་ན་དེ་ལྟ་ན་ལེགས། ཅི་སྟེ་བྱེད་ན་མགོ་དྲུངས་ནས་བཅད་དེ་
D6.011.0007b03.01ས་ལ་དོར་བར་བྱའོ། །དེས་སྨྲས་པ། ཀྱེ་མི་ཅི་སྟེ་དེ་ལྟ་ན་གལ་ཏེ་བདག་ཕྱིར་འདིར་ཁྲིད་དེ་མི་འོང་བར་དམ་འཆའ་ན་འགྲོའོ། །དེས་སྨྲས་པ། ལེགས་ཀྱིས་དེ་བཞིན་དུས་བྱས་འདོད་དོ་ཞེས་སྨྲས་ནས། དེས་དེ་ལ་ཞོན་ཏེ་སོང་ནས་རིམ་གྱིས་རྡོ་འཇོག་ཏུ་ཕྱིན་ཏོ། །རྒྱལ་པོ་
D6.011.0007b04.01གཏུམ་པོ་རབ་སྣང་གིས་མཐོང་ནས་སྨྲས་པ། གསོས་པ་འོངས་སམ། དེས་སྨྲས་པ། ལྷ་མཆིས་སོ། །དགོས་པ་ཅི་ཞིག་གི་ཕྱིར་ཞེས་བྱས་པ་དང་། དེས་ཇི་ལྟར་གྱུར་པ་རྣམས་བརྗོད་དོ། །རྒྱལ་པོས་སྨྲས་པ། གསོས་པ་རེ་ཞིག་ཞག་བདུན་གྱི་བར་དུ་རྩེས་ལ་ཞག་
D6.011.0007b05.01བདུན་འདས་པ་དང་དུས་ཤེས་པར་བྱའོ། །ཞེས་བྱས་ནས་ཞག་བདུན་གྱི་བར་དུ་གཟུགས་ཀྱིས་འཚོ་བ་བཟང་མོ་དང་ལྷན་ཅིག་དགའ་མགུར་སྤྱད་དེ་ཞག་བདུན་འདས་ནས་སོང་ངོ་། །གཏུན་ཤིང་རིར་ཕྱིན་ནས་བདག་ཉིད་ཀྱིས་གླང་པོ་ཆེའི་གཙོ་བོ་འདམ་བུའི་རི་བསྟད་པར་
D6.011.0007b06.01བརྩམས་པ་དང་། དེས་བསྟད་པ་ན་སྐད་ཕྱུང་བ། དེ་དང་མི་རིང་བ་ཞིག་ན་བྲམ་ཟེ་ལྟས་མཁན་ལོང་བ་ཞིག་གནས་པ་དེས་ཐོས་ནས། དེས་སྨྲས་པ། གླང་པོ་ཆེའི་གཙོ་བོ་འདིའི་སྐད་དང་སྦྱར་ན། འདི་ནི་འདི་ནས་དཔག་ཚད་བརྒྱར་སོང་ནས་ལྷོ་ཕྱོགས་ཀྱི་རྒྱ་མཚོ་ཆེན་པོ་
D6.011.0007b07.01