完整藏文原文 · 德格版页 当前仅加载第 11 函德格 175a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པར་བྱ་བའི་ཕྱིར་གཤེ་བ་ཡིན་པས་བཟོད་པ་གསོལ་དུ་ཟད་མོད། དེ་ལ་ཅི་ཞིག་ཤེས་པར་བྱར་ཡོད། ལེགས་ཀྱིས་བཟོད་པར་གསོལ་དུ་མཆིའོ། །དེ་རྒྱལ་བྱེད་ཀྱི་ཚལ་དུ་སོང་ནས་དགེ་སློང་དེའི་རྐང་པ་གཉིས་ལ་གཏུགས་པ་དང་། དགེ་
D6.011.0175a01.01སློང་དེས་དེ་ལ་འགོངས་ཏེ་སོང་ངོ་། །དགེ་སློང་མ་དེ་སྤོབས་པ་མེད་པར་གྱུར་ནས་དགེ་སློང་མའི་དབྱར་ཁང་དུ་འོངས་པ་དང་། དགེ་སློང་མ་རྣམས་ཀྱིས་སྨྲས་པ། ཕུ་ནུ་མོ་ཁྱོད་ཀྱིས་སློབ་དཔོན་ལ་བཟོད་པ་གསོལ་ན་དེ་བཟོད་པར་གྱུར་ཏམ། དེས་སྨྲས་པ། དེ་ལྟ་བུ་ནི་
D6.011.0175a02.01ནམས་ཀྱང་སློབ་དཔོན་དུ་མ་གྱུར་ཅིག །སྨྲས་པ། ཅི་ཉེས་དེས་ཇི་ལྟར་གྱུར་པ་རྣམས་བསྙད་པ་དང་། དགེ་སློང་མ་རྣམས་ཕུ་ནུ་མོ་དག་བུ་མོ་དག་བུད་མེད་ལ་བརྙས་པའི་ཕྱིར་རེ་ཞིག་བཟོད་པ་གསོལ་ཡང་ཇི་ལྟར་བཟོད་པ་མི་བྱེད་པ་དང་། གཉིས་སུ་ན་རྐང་པ་ལ་
D6.011.0175a03.01ཕྱག་བྱས་ཀྱང་འགོངས་ཏེ། འགྲོ་བར་བྱེད་པ་ལ་ལྟོས་ཞེས་འཕྱ་བའི་སྐབས་དེ་དགེ་སློང་མ་རྣམས་ཀྱིས་དགེ་སློང་ཕ་ལ་སྨྲས་སོ། །དགེ་སློང་ཕས་ཀྱང་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་མ་རྣམས་འཕྱ་བ་ནི་ཐོག་
D6.011.0175a04.01ཏུ་བབ་པོ། །དེའི་ཕྱིར་དགེ་སློང་གི་རྐང་པ་གཉིས་ལ་ཕྱག་འཚལ་ནས་བཟོད་པ་གསོལ་བ་ན་འགོངས་ཏེ་འགྲོ་བར་མི་བྱའོ། །དགེ་སློང་གི་རྐང་པ་ལ་དགེ་སློང་མས་ཕྱག་འཚལ་ནས་བཟོད་པ་གསོལ་བ་ན་འགོངས་ཏེ་འགྲོ་བར་བྱེད་ན་འགལ་ཚབས་ཅན་དུ་འགྱུར་རོ། །དགེ་སློང་
D6.011.0175a05.01མས་མོད་ཁོ་ན་ལ་བཟོད་པ་མི་གསོལ་ཏོ། །འོན་ཀྱང་བགས་ཀྱིས་བྱའོ། །བཅོམ་ལྡན་འདས་ཀྱིས་བགས་ཀྱིས་བྱའོ་ཞེས་བཀའ་སྩལ་པ་དང་། ཇི་ལྟར་བགས་ཀྱིས་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དང་པོར་དགེ་སློང་ངམ། དགེ་སློང་མའམ་
D6.011.0175a06.01དགེ་བསྙེན་ནམ། དགེ་བསྙེན་མ་གཞན་གྱིས་མང་དུ་སྦྱང་བ་བྱས་ལ། དེ་མཐུན་པར་བྱེད་ན་དེའི་འོག་ཏུ་བཟོད་པ་གསོལ་བར་བྱའོ། །གླེང་གཞི་ནི་མཉན་ཡོད་ནའོ། །བཅོམ་ལྡན་འདས་ཀྱིས་དབྱར་གནས་པའི་དགེ་སློང་གིས་དགེ་འདུན་ལ་མཐོང་བ་དང་། ཐོས་པ་དང་།
D6.011.0175a07.01