完整藏文原文 · 德格版页 当前仅加载第 11 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཆོས་ངས་བཅའ་བར་བྱ་སྟེ། དགེ་སློང་གློ་བུར་དུ་འོངས་པས་རྒན་པ་བཞི་ལ་ཕྱག་བྱོས་ལ་དེའི་མདུན་དུ་འདུག་པར་བྱའོ། །དེ་དག་གིས་ཀྱང་དེ་ལ་གུས་པར་གྱིས་ལ་ངལ་སོར་གཞུག་པར་བྱ་ཞིང་གནས་ཁང་དང་མལ་སྟན་གྱི་ཞལ་ཏ་བས་ཀྱང་མལ་སྟན་སྦྱིན་
D6.011.0225a01.01པར་བྱའོ། །བཅོམ་ལྡན་འདས་ཀྱིས་གློ་བུར་དུ་འོངས་པའི་དགེ་སློང་གིས་རྒན་པ་བཞི་ལ་ཕྱག་བྱས་ཏེ་མདུན་དུ་འདུག་པར་བྱའོ་ཞེས་གསུངས་པ་དང་། ཇི་ཙམ་ན་དགེ་སློང་གཞན་ཞིག་ལྗོངས་རྒྱུ་ཞིང་འགྲོ་བ་ལས་རྒྱལ་པོའི་ཁབ་ཏུ་ཕྱིན་ཏེ། དེས་དགེ་སློང་དག་ལ་ཚེ་དང་ལྡན་པ་གནས་བརྟན་ཀུན་ཤེས་
D6.011.0225a02.01ཀཽཎྜི་ནྱས་གང་ན་ཞེས་དྲིས་པ་དང་། དེ་དག་གིས་སྨྲས་པ། འོད་མའི་ཚལ་ནའོ། །དེ་འོད་མའི་ཚལ་དུ་སོང་སྟེ། དེའི་གནས་ཁང་གི་སྒོ་དལ་ནས་དལ་ནས་བརྡུངས་པ་དང་། ཚེ་དང་ལྡན་པ་ཀུན་ཤེས་ཀཽཎྜི་ནྱས་སྒོ་རྡུང་བ་འདི་སུ་ཡིན་ཞེས་སྨྲས་སོ། །དེས་སྨྲས་པ། གནས་བརྟན་བདག་ནི་གློ་
D6.011.0225a03.01བུར་དུ་མཆིས་པ་མིང་འདི་ཞེས་བགྱི་བ་ལགས་སོ། །དེས་ཚེ་དང་ལྡན་པ་ནང་དུ་ཞུགས་ལ་ངལ་སོས་ཤིག་ཅེས་སྨྲས་པ་དང་། དེས་སྨྲས་པ། གནས་བརྟན་འོད་སྲུང་ཆེན་པོ་ལ་ཕྱག་འཚལ་ན། དེ་གང་ན་བཞུགས་པ་གསུངས་ཤིག །དེས་སྨྲས་པ། ཚེ་དང་ལྡན་པ་ཤིང་པིབ་པ་ལའི་ཕུག་ན་འདུག་
D6.011.0225a04.01གིས་སོང་ཤིག་ཅེས་སྨྲས་པ་དང་། ཤིང་པིབ་པ་ལའི་ཕུག་ཏུ་སོང་སྟེ་བགས་ཀྱིས་དལ་ནས་དལ་ནས་སྒོ་བརྡུངས་པ་དང་། ཚེ་དང་ལྡན་པ་འོད་སྲུང་ཆེན་པོས་སྒོ་རྡུང་བ་འདི་སུ་ཡིན་ཞེས་སྨྲས་སོ། །དེས་སྨྲས་པ། འཕགས་པ་བདག་ནི་གློ་བུར་དུ་མཆིས་པ་མིང་འདི་ཞེས་བགྱི་བ་ལགས་སོ། །ཚེ་དང་
D6.011.0225a05.01ལྡན་པ་ནང་དུ་ཞུགས་ལ་ངལ་སོས་ཤིག་ཅེས་སྨྲས་པ་དང་། དེས་སྨྲས་པ། གནས་བརྟན་ཆེན་པོ་སྐུལ་བྱེད་ལ་ཡང་ཕྱག་འཚལ་ན། དེ་གང་ན་བཞུགས་གསུངས་ཤིག་དེས་སྨྲས་པ། ཚེ་དང་ལྡན་པ་བྱ་རྒོད་ཕུང་པོའི་རི་ལ་འདུག་གིས་དེར་སོང་ཤིག །དེ་བྱ་རྒོད་ཕུང་པོའི་རི་ལ་སོང་སྟེ་དེའི་གནས་
D6.011.0225a06.01ཁང་ལ་བགས་ཀྱིས་དལ་ནས་དལ་ནས་སྒོ་བརྡུངས་པ་དང་། ཚེ་དང་ལྡན་པ་སྐུལ་བྱེད་ཆེན་པོས་སྒོ་རྡུང་བ་དེ་སུ་ཡིན་ཞེས་སྨྲས་པ་དང་། དེས་སྨྲས་པ། གནས་བརྟན་བདག་ནི་གློ་བུར་དུ་མཆིས་པ་མིང་འདི་ཞེས་བགྱི་བ་ལགས་སོ། །དེས་ཀྱང་ཚེ་དང་ལྡན་པ་ནང་དུ་ཞུགས་ལ་ངལ་སོས་ཤིག་ཅེས་སྨྲས་པ་དང་།
D6.011.0225a07.01