完整藏文原文 · 德格版页 当前仅加载第 11 函德格 197b 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་། ལམ་གོལ་བས་འཚོ་བའི་མི་རྣམས་ཀྱིས་འདུག་པར་ཤེས་སོ། །ཇི་ཙམ་ན་དུས་གཞན་ཞིག་ན་ཆོམ་རྐུན་པ་དག་རི་བྲགས་ཀྱི་གྲོང་གཞན་ཞིག་ཏུ་འཇོམས་སུ་སོང་སྟེ་དེ་དག་དེར་བརྡེགས་ཤིང་རྣམ་པར་བརྡེགས་ཏེ་བཅོམ་ནས་དེ་རྣམས་བྲོས་ཏེ་ཕྱོགས་གཞན་ཞིག་ཏུ་ཕྱིན་
D6.011.0197b01.01ནས་དེ་རྣམས་ཤེས་ལྡན་དག་གང་དུ་འདེང་ཕྱོགས་གར་འདོང་སྨྲོས་ཤིག་ཅེས་བགྲོས་པ་དང་། དེ་ནས་གཅིག་གིས་ཁོ་བོ་ནི་རབ་ཏུ་སྣད་དེ་འགྲོ་མི་ནུས་སོ་ཞེས་སྨྲས་སོ། །ལ་ལས་ནི་ཁོ་བོ་ནི་སྐོམ་མོ་ཞེས་སྨྲས་སོ། །ལ་ལས་ནི་ཁོ་བོ་ནི་བཀྲེས་སོ་ཞེས་སྨྲས་སོ། །གཞན་ཞིག་གིས་
D6.011.0197b02.01ཤེས་ལྡན་དག་ཕྱོགས་འདི་ན་དགེ་སྦྱོང་ཤཱཀྱའི་སྲས་ཞིག་གནས་གནས་ཏེ། དགེ་སྦྱོང་ཤཱཀྱའི་སྲས་ནི་མཁས་པ། སྙིང་རྗེ་ཅན་དགོན་པ་དེ་ན་འཇིགས་པ་མེད་དེ་གལ་ཏེ་ཤེས་ལྡན་དག་དད་ན་དེར་འདོང་ངོ་། །དེར་སོང་ན་དེར་ནི་བདག་ཅག་གིས་ངེས་པར་ཅུང་ཟད་རྙེད་དོ་ཞེས་སྨྲས་
D6.011.0197b03.01སོ། །དེ་དག་གིས་ཤེས་ལྡན་དག་དེ་ལྟར་ལེགས་ཏེ། ཤེས་ལྡན་དག་ཚུར་ཤེག་དེར་འདོང་ངོ་ཞེས་སྨྲས་ནས། དེ་དག་གླང་པོ་ཆེའི་སྣ་བཞིན་འཕང་བསྟོད་དེ་རེ་བ་དང་བཅས་ནས་མཐར་གྱིས་དེའི་དྲུང་དུ་འོངས་ནས་དེས་དེ་དག་ལ་ལེགས་པར་འོངས་སམ་ཞེས་ཡང་དག་པར་རབ་ཏུ་དགའ་
D6.011.0197b04.01བའི་གཏམ་ཀུན་དུ་སྨྲས་པ་དང་། དེ་དག་རབ་ཏུ་དགའ་སྟེ་ཡིད་རབ་ཏུ་བརྟན་ནས་ཅུང་ཟད་ཅིག་བསྡད་དེ་སྨྲས་པ། འཕགས་པ་བདག་ཅག་ནི་གྲང་བས་སྦྲེབས་ནས་མེ་ཅུང་ཟད་མཆིས་སམ། དེས་སྨྲས་པ། ཁོ་བོ་ནི་དགོན་པ་པའོ། །གཞན་ཞིག་གིས་སྨྲས་པ། བདག་ཅག་ནི་
D6.011.0197b05.01སྐོམ་པར་གྱུར་ན་ཆུ་ཅུང་ཟད་མཆིས་སམ། དེས་སྨྲས་པ། ཁོ་བོ་ནི་དགོན་པ་པའོ། །དེ་དག་གིས་སྨྲས་པ། འཕགས་པ་རྨ་ཁར་གླན་པའི་ཕྱེ་ཅུང་ཟད་མཆིས་སམ། དེས་སྨྲས་པ། ཁོ་བོ་ནི་དགོན་པ་པའོ། །དེ་དག་གིས་སྨྲས་པ། འཕགས་པ་རྨ་ཁར་དཀྲིར་རུང་བའི་རས་
D6.011.0197b06.01མ་ཅུང་ཟད་མཆིས་སམ། དེས་སྨྲས་པ། ཁོ་བོ་ནི་དགོན་པ་པའོ། །དེ་དག་གིས་སྨྲས་པ། རྨ་ཁར་གླན་པའི་མར་ཅུང་ཟད་མཆིས་སམ། དེས་སྨྲས་པ། ཁོ་བོ་ནི་དགོན་པ་པའོ། །བདག་ཅག་བཀྲེས་ན་འབྲས་ཆན་དང་། ཟན་དྲོན་ཅུང་ཟད་མཆིས་སམ། དེས་སྨྲས་པ། ཁོ་བོ་ནི་དགོན་
D6.011.0197b07.01