完整藏文原文 · 德格版页 当前仅加载第 11 函德格 275a 版页；藏文 NFD、目录标记与异常页序保留在来源切片中，重复版页行以稳定序号区分。
བཙུན་པ་ཅི་ལགས། ཚེ་དང་ལྡན་པ་དཔེ་ཅན་འདིས་ལས་ཅི་ཞིག་བགྱིས་ན་དབང་ཆེ་བར་གྲགས་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དཔེ་ཅན་འདིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་
D6.011.0275a01.01ཉེ་བར་གནས་པ་གདོན་མི་ཟ་བར་འབྱུང་བར་འགྱུར་བའི་ལས་བྱས་ཤིང་བསགས་པ་དག་ནི་དགེ་སློང་དཔེ་ཅན་གྱིས་ལས་བྱས་ཤིང་བསགས་པ་གཞན་སུ་ཞིག་གིས་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་
D6.011.0275a02.01ཁམས་ལ་རྣམ་པར་སྨིན་པར་མི་འགྱུར། མེའི་ཁམས་ལ་རྣམ་པར་སྨིན་པར་མི་འགྱུར། རླུང་གི་ཁམས་ལ་རྣམ་པར་སྨིན་པར་མི་འགྱུར་ཏེ། འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང་ཁམས་དང་སྐྱེ་མཆེད་རྣམས་ལ་རྣམ་པར་སྨིན་པར་འགྱུར་ཏེ།
D6.011.0275a03.01ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཡིན། །དགེ་སློང་དག་བསྐལ་པ་བཟང་པོ་འདི་ཉིད་ལ་སྐྱེ་དགུ་རྣམས་ཀྱི་ཚེ་ལོ་ཉི་ཁྲི་ཐུབ་པ་ན་སྟོན་པ་འོད་སྲུང་ཞེས་བྱ་བ་རིག་པ་དང་ཞབས་སུ་ལྡན་པ། བདེ་
D6.011.0275a04.01བར་གཤེགས་པ། འཇིག་རྟེན་མཁྱེན་པ། བླ་ན་མེད་པ། སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་སྟེ། ཡུལ་བཱ་རཱ་ཎ་སཱི་གྲོང་ཁྱེར་དྲང་སྲོང་སྨྲ་བ་{རི་དགས་,རི་དྭགས་}ཀྱི་ནགས་ན་ཉེ་བར་རྟེན་ཅིང་བཞུགས་པ་དེའི་ཚེ་དེ་དེའི་གསུང་
D6.011.0275a05.01རབ་ལ་རབ་ཏུ་བྱུང་བར་གྱུར་ཏེ། ཇི་ཙམ་དུས་གཞན་ཞིག་ན་དེ་དགེ་སྐོས་ཀྱི་རེས་བབ་པ་དང་། དགེ་སློང་རྣམས་སྔ་དྲོའི་དུས་ཀྱི་ཚེ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་ཡུལ་བཱ་རཱ་ཎ་སཱིར་བསོད་སྙོམས་ཀྱི་ཕྱིར་ཞུགས་པ་དང་། དགུན་གྱི་དུས་སུ་དུས་མ་ཡིན་པར་སྤྲིན་ཆེན་པོ་ལས་
D6.011.0275a06.01ཆར་བབ་པར་གྱུར་པ་དང་། དེས་བསམས་པ། ཚངས་པ་མཚུངས་པར་སྤྱོད་པ་རྣམས་དུས་མ་ཡིན་པའི་ཆར་བབ་པས་གཤེར་ནས་གྲང་བས་ཉེན་ཏེ་འོང་བས་མེ་བུད་པར་བྱའོ་སྙམ་སྟེ། དེས་བསྲོ་གང་དུ་ཞུགས་ནས་མེ་བུས་ཏེ། ཁྱམས་ཁོ་ར་ཁོར་ཡུག་ཏུ་གཟར་ཐག་བྲེས་ནས་གཙུག་ལག་ཁང་
D6.011.0275a07.01