完整藏文原文 · 德格版页 当前仅加载第 11 函德格 47a 版页；藏文 NFD、目录标记与异常页序保留在来源切片中，重复版页行以稳定序号区分。
བགྱི་སྟེ། ལྷ་སྐྱེ་བོའི་ཚོགས་ཆེན་པོ་འདིར་འདུས་ལགས་ན་ཆོ་འཕྲུལ་ཆེན་པོ་འདི་ཅི་དགེ་སྦྱོང་གཽ་ཏ་མའི་ལགས་སམ། འོན་ཏེ་བདག་ཅག་གི་ལགས་སམ། སུའི་ལགས་སུས་འཚལ། དེ་ནས་བཅོམ་ལྡན་འདས་ཀྱི་ཆོ་འཕྲུལ་ཆེན་པོ་ལྟ་བར་སྤྲོ་བའི་སྲོག་
D6.011.0047a01.01ཆགས་བརྒྱ་སྟོང་དུ་མ་ཡང་འདུས། ལྷ་བརྒྱ་སྟོང་དུ་མ་ཡང་ནམ་མཁའི་དཀྱིལ་དུ་འདུས་པར་གྱུར་པ་དང་། བཅོམ་ལྡན་འདས་ཀྱིས་གཙུག་ལག་ཁང་གི་ཕྱི་རོལ་དུ་ཞབས་བཀྲུས་ཏེ་གཙུག་ལག་ཁང་དུ་གཤེགས་ནས་གདན་བཤམས་པ་ཉིད་ལ་བཞུགས་ཏེ་མེའི་ཁམས་ལ་སྙོམས་པར་
D6.011.0047a02.01ཞུགས་སོ། །དེ་ནས་སྒོ་འཕར་གྱི་གསེབ་ནས་འོད་ཟེར་བྱུང་བས་ཆོ་འཕྲུལ་ཆེན་པོའི་འདུན་ཁང་ཐམས་ཅད་བསྲེག་པར་བརྩམས་པ་དང་། མུ་སྟེགས་ཅན་རྣམས་ཀྱིས་སྨྲས་པ། ལྷ་ད་ནི་དགེ་སྦྱོང་གཽ་ཏ་མ་ཆོ་འཕྲུལ་ཆེན་པོའི་ཁང་པ་ཚིག་ཅིང་མཆིས་ན་གལ་ཏེ་དགེ་སྦྱོང་
D6.011.0047a03.01གཽ་ཏ་མས་རྔོ་ཐོག་ན་འདིར་མཆིས་ལ་ཞི་བར་བགྱིད་གྲང་ཞེས་བྱས་པ་དང་། རྒྱལ་པོ་ཅང་མི་ཟེར་བར་སེམས་ཁོང་དུ་ཆུད་ཅིང་འདུག་གོ། །དེ་བཞིན་དུ་བཙུན་མོ་ཕྲེང་ལྡན་མ་དང་། རྒྱལ་རིགས་དབྱར་ཚུལ་མ་དང་། ཕྱ་མཁན་དྲང་སྲོང་བྱིན་དང་། རྙིང་པ་དང་། ཁྱིམ་བདག་
D6.011.0047a04.01མགོན་མེད་ཟས་སྦྱིན་དང་། {རི་དགས་,རི་དྭགས་}དགྲའི་མ་ས་ག་དང་། གཞན་ཡང་དད་པ་ཅན་མང་པོ་དང་། བར་མར་གནས་པ་ཁ་ཅིག་ཀྱང་ཅང་མི་ཟེར་བར་འདུག་གོ། །མུ་སྟེགས་ཅན་རྣམས་དང་། དེའི་སློབ་མ་རྣམས་ནི་རབ་ཏུ་དགའ་བར་གྱུར་ཏོ། །དེ་ནས་མེ་དེས་ཆོ་འཕྲུལ་
D6.011.0047a05.01ཆེན་པོའི་འདུན་ཁང་གི་དྲི་མ་ཐམས་ཅད་བསྲེགས་ནས་རང་ཉིད་ཞི་བར་གྱུར་ཏེ། འདི་ལྟར་སངས་རྒྱས་རྣམས་ཀྱི་སངས་རྒྱས་ཀྱི་མཐུ་དང་། ལྷ་རྣམས་ཀྱི་ལྷའི་མཐུས་ཆོ་འཕྲུལ་ཆེན་པོའི་འདུན་ཁང་དྲི་མ་མེད་ཅིང་གསལ་ལ་མཛེས་པར་གྱུར་ཅིང་འདུག་གོ། །དེ་ནས་ཡང་
D6.011.0047a06.01རྒྱལ་པོ་སྲོག་ཤོར་བ་ལས་རྙེད་པ་ལྟ་བུར་དགའ་བ་དང་། ཡིད་བདེ་བ་སྐྱེས་ནས་མུ་སྟེགས་ཅན་རྣམས་ལ་འདི་སྐད་ཅེས་སྨྲས་སོ། །ཀྱེ་བཅོམ་ལྡན་འདས་ཀྱིས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་ཟིན་ཏེ། ད་ནི་ཁྱེད་ཀྱི་རེས་ལ་བབ་ཀྱིས་ཁྱེད་ཀྱིས་སྟོན་ཅིག་ཅེས་
D6.011.0047a07.01