完整藏文原文 · 德格版页 当前仅加载第 11 函德格 53b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་དེ་རྣམས་ཀྱིས་དེ་ལ་ཚིགས་སུ་བཅད་པས་དྲིས་པ། ཆོས་ཀྱི་གོས་ནི་གྱོན་པ་པོ། །དཀའ་ཐུབ་ནལ་ཟེ་གང་ཟ་བ། །རྫོགས་བྱེད་འདི་ནས་སོང་གྱུར་པ། །བཟང་མོ་ཁྱོད་ཀྱིས་མ་མཐོང་ངམ། །དེས་ཀྱང་ཚིགས་སུ་བཅད་པས་སྨྲས་པ། ངན་སོང་སེམས་ཅན་དམྱལ་བ་པ། །
D6.011.0053b01.01ལག་པ་བརྐྱང་ནས་འགྲོ་བ་ཡི། །རྫོགས་བྱེད་དེ་ནི་ཆུས་གཡེངས་ནས། །རྐང་ལག་སྐྱ་བོར་གྱུར་ཅིང་འདུག །དེ་རྣམས་ཀྱིས་ཀྱང་ཚིགས་སུ་བཅད་པས་སྨྲས་པ། ཆོས་ཀྱི་གོས་ནི་གྱོན་པ་པོ། །ཆོས་སྤྱོད་ཐུབ་པ་དེ་ལ་ནི། །ཁྱོད་ཀྱིས་སྨྲས་དེ་ལེགས་མིན་གྱིས། །བཟང་
D6.011.0053b02.01མོ་དེ་སྐད་མ་ཟེར་ཅིག །དེས་ཀྱང་ཚིགས་སུ་བཅད་དེ་སྨྲས་པ། ཕོ་མཚན་གྱི་ནི་རྟགས་སྐྱེས་པ། །བློ་ལྡན་དེས་སུ་འཇིག་རྟེན་ན། །རྟག་ཏུ་འཇིག་རྟེན་གྱིས་མཐོང་བར། །གཅེར་བུར་གྲོང་དུ་རྒྱུ་བར་བྱེད། །ཕོ་མཚན་མདུན་ནས་དཔྱོད་བྱེད་པ། །གང་གི་ཆོས་ནི་འདི་འདྲ་བ། །
D6.011.0053b03.01དེ་ནི་རྒྱལ་པོ་རྣམ་ཐོས་བུས། །མདའ་ནི་སྟེའུ་ཀས་གཅོད་འདོང་ཤིག །ཅེས་བྱས་པ་དང་། དེ་དག་ཅང་མི་ཟེར་བར་དོང་ནས་དེ་དག་རྫིང་བུར་ཕྱིན་པ་དང་། རེ་ཞིག་ན་རྫོགས་བྱེད་བུམ་པ་བྱེ་མས་བཀང་བ་མགུལ་དུ་བཏགས་ནས་དུས་ལས་འདས་པ་མཐོང་ནས། དེ་རྣམས་ལས་གང་
D6.011.0053b04.01དག་བསླབ་པ་འདོད་པ་དེ་རྣམས་ཀྱིས་ཤེས་ལྡན་དག་འདི་ནི་བདེན་གྱི་གཞན་ནི་རྨོངས་པ་ཡིན་ནོ་ཞེས་སྨྲས་ནས། དེ་དག་ཀྱང་བུམ་པ་བྱེ་མས་བཀང་བ་མགུལ་དུ་བཏགས་ནས་དེ་ཉིད་དུ་དུས་ལས་འདས་སོ། །ལྷག་མ་རྣམས་ནི་སླར་ལོག་ནས་མཐའ་འཁོབ་ཏུ་དོང་ནས་འདུག་གོ། །གང་
D6.011.0053b05.01གི་ཚེ་བཅོམ་ལྡན་འདས་སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ་ཐོགས་པ་མེད་པའི་སྟོབས་ཀྱི་འཁོར་ལོས་སྒྱུར་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་ཆོས་ཀྱི་འཁོར་ལོ་བསྐོར་བ་དེའི་ཚེ་མུ་སྟེགས་ཅན་ཐམས་ཅད་ཀྱིས་མིའི་
D6.011.0053b06.01ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་སྤྱན་དྲངས་པ་ལས་མུ་སྟེགས་ཅན་ཐམས་ཅད་ཐག་སྩལ་ཕམ་པར་མཛད་རྒྱབ་ཀྱིས་ཕྱོགས་པར་མཛད། སྤོབས་པ་མེད་པར་མཛད་དེ། དེ་ནས་མཐའ་འཁོབ་ཀྱི་ལྗོངས་རྣམས་སུ་རྟེན་པར་གྱུར་ཏོ། །དེ་ན་དགེ་སློང་རྣམས་ཐེ་ཚོམ་སྐྱེས་ནས། བཙུན་
D6.011.0053b07.01