完整藏文原文 · 德格版页 当前仅加载第 11 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
མིག་མི་འཛུམས་ཀྱི་བུ་རྣམས་དེ་ལས་སྐྱེས་པས་མགོ་འཛུགས་པ་དེ་ཡིན་པ་དང་། དེ་དག་གི་རིགས་རྒྱུད་དེ་ཡིན་པར་ཅུང་ཟད་ཐོས་སམ། དེ་སྐད་ཅེས་བཀའ་སྩལ་པ་དང་། བྲམ་ཟེའི་ཁྱེའུ་མ་སྡུག་ཅང་མི་སྨྲའོ། །ལན་གཉིས་ལན་གསུམ་དུ་ཡང་བཅོམ་ལྡན་འདས་
D6.011.0203a01.01ཀྱིས་བྲམ་ཟེའི་ཁྱེའུ་མ་སྡུག་ལ་འདི་སྐད་ཅེས་བཀའ་སྩལ་ཏོ། །བྲམ་ཟེའི་ཁྱེའུ་ཁྱོད་ཀྱིས་མིག་མི་འཛུམས་ཀྱི་བུ་རྣམས་སུ་དེ་ལས་སྐྱེས་པ་སྐྱེ་མགོ་འཛུགས་པ་དེ་ཡིན་པ་དང་། དེ་དག་གི་རིགས་རྒྱུད་དེ་ཡིན་པར་ཅུང་ཟད་ཐོས་སམ། ལན་གཉིས་ལན་གསུམ་དུ་ཡང་བྲམ་ཟེའི་ཁྱེའུ་མ་སྡུག་
D6.011.0203a02.01ཅང་མི་སྨྲའོ། །དེ་ནས་གནོད་སྦྱིན་ལག་ན་རྡོ་རྗེས་རྡོ་རྗེ་འབར་བ། རབ་ཏུ་འབར་བ། ཀུན་དུ་རབ་ཏུ་འབར་བ། མེ་ལྕེ་གཅིག་ཏུ་གྱུར་ཅིང་འབར་བ། བྲམ་ཟེའི་ཁྱེའུ་མ་སྡུག་གི་མགོ་བོའི་སྟེང་ན་འཛིན་ཅིང་གལ་ཏེ་བྲམ་ཟེའི་ཁྱེའུ་མ་སྡུག་ལ། བཅོམ་ལྡན་འདས་ཀྱིས་ལན་གསུམ་གྱི་བར་དུ་རྨ་བ་རྨས་
D6.011.0203a03.01པ་ལས། རྣ་ལ་གཟོན་ཅིང་ལན་མ་གསོལ་བར་གྱུར་ན། རྡོ་རྗེ་འབར་བ། རབ་ཏུ་འབར་བ། ཀུན་དུ་རབ་ཏུ་འབར་བ། མེ་ལྕེ་གཅིག་ཏུ་གྱུར་ཅིང་འབར་བ་འདིས་སྤྱི་བོ་ཚལ་པ་བདུན་དུ་དགས་པར་བྱའོ་སྙམ་པ་དང་། གནོད་སྦྱིན་ལག་ན་རྡོ་རྗེ་དེ་བཅོམ་ལྡན་འདས་ཀྱིས་གཟིགས་ནས་སངས་རྒྱས་
D6.011.0203a04.01ཀྱི་མཐུས་བྲམ་ཟེའི་ཁྱེའུ་མ་སྡུག་གིས་ཀྱང་མཐོང་ངོ་། །དེ་ནས་བྲམ་ཟེའི་ཁྱེའུ་མ་སྡུག་སྔངས་སྐྲག་བྱེད་ཅིང་སྤུ་ཟིང་ཞེས་བྱས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གཽ་ཏ་མ་མིག་མི་འཛུམས་ཀྱི་བུ་རྣམས་དེ་ལས་སྐྱེས་པས་མགོ་འཛུགས་པ་དེ་ལགས་པ་དང་། དེ་
D6.011.0203a05.01དག་གི་རིགས་རྒྱུད་དེ་ལགས་པར་བདག་གིས་ཐོས་ལགས་སོ། །དེ་ནས་ཤས་ཆེ་བའི་བྲམ་ཟེ་རྒན་རབས་རྒན་རབས་རྣམས་དང་། ཁྱིམ་བདག་རྣམས་འདི་སྙམ་དུ་བསམས་ཏེ། བཙུན་པ་གཽ་ཏ་མས་འདི་སྐད་ཅེས་བྲམ་ཟེའི་ཁྱེའུ་མ་སྡུག་ནི་ཤཱཀྱ་རྣམས་ཀྱི་བྲན་མོའི་བུ་ཉིད་ཡིན་ལ། ཤཱཀྱ་
D6.011.0203a06.01རྣམས་ནི་དེའི་ཇོ་བོའི་བུ་ཡིན་ནོ་ཞེས་གསུངས་པ་གང་ཡིན་པ་བདེན་ན། བདག་ཅག་ཤེས་ལྡན་གཽ་ཏ་མས་གསུངས་པ་ལ་ཡིད་མ་ཆེས་པར་ཟད་དོ་སྙམ་མོ། །དེ་ནས་བཅོམ་ལྡན་འདས་ཀྱིས་ཤས་ཆེ་བའི་བྲམ་ཟེ་རྣམས་དང་། ཁྱིམ་བདག་རྣམས་ལ་འདི་སྐད་ཅེས་བཀའ་སྩལ་ཏོ། །ཁྱེད་ཅག་བྲམ་
D6.011.0203a07.01