完整藏文原文 · 德格版页 当前仅加载第 11 函德格 97a 版页；藏文 NFD、目录标记与异常页序保留在来源切片中，重复版页行以稳定序号区分。
བང་དེའི་རྒྱུད་ལྟག་མ་ལ་མ་རེག་ནས་ཚོང་པ་དེ་དག་གིས་མྱུར་འགྲོ་རྒྱུད་ལྟག་མ་འདི་ལ་ཅིའི་ཕྱིར་མི་རེག་ཅེས་སྨྲས་པ་དང་། ཀྱེ་དེ་སྟེ་འདི་ལ་རེག་ན་ནི་ཉེས་པའི་དམིགས་སུ་འགྱུར་རོ། །དེ་དག་གིས་བྲམ་ཟེའི་བུ་ཉེས་པའི་དམིགས་སུ་འགྱུར་བ་ཅི་ཤིག་ཡོད་རེག་ཞིག་ཅེས་སྨྲས་པ་དང་།
D6.011.0097a01.01དེས་རེག་པ་དང་གྲུ་བོ་ཆེ་འཕར་ཏེ་གྲུ་བུབ་ཅིང་ཞིག་པས་ཚོང་པ་དེ་དག་དུས་ལས་འདས་སོ། །དེ་ནི་སྔོན་གྱི་ལས་ཀྱི་མཐུས་ཤིང་ལེབ་ཅིག་ཟིན་ཏེ་མྱུར་བའི་རླུང་གིས་གླིང་ཀ་ཤེར་ཕུལ་ལོ། །དེ་དེ་ན་སྐྱེད་མོས་ཚལ་གཞན་ཞིག་ན་འདུག་སྟེ་དེ་ནས་མི་གཞན་ནི་མེད་ཀྱི་དེས་ཤོ་ཤུམ་པ་དེ་མཐོང་བ་དང་དེ་དང་དེ་
D6.011.0097a02.01ལྷན་ཅིག་ཏུ་ཉལ་ལོ། །དེ་ཉིན་པར་ནི་མྱུར་འགྲོ་དང་ཡོངས་སུ་སྤྱོད། མཚན་མོ་ནི་རྒྱལ་པོ་ཚངས་སྦྱིན་དང་སྤྱོད་དོ། །དེས་བཟང་མོ་ཁྱོད་མཚན་མོ་གང་དུ་འགྲོ་ཞེས་སྨྲས་པ་དང་། དེ་དེ་དང་མཛའ་བར་གྱུར་པས་ཐམས་ཅད་སྨྲས་ནས། དེས་སྨྲས་པ། བཟང་མོ་དེ་སྟེ་དེ་བཞིན་བདག་ཀྱང་འཁོར་
D6.011.0097a03.01མོ་འཇིག་ཏུ་ཁྲིད་ཅིག །དེས་སྨྲས་པ། ཇོ་བོ་ལེགས་ཀྱིས་བཀྲིའོ། །ཁྱོད་ཀྱི་མིང་ཅི་སྨྲོས་ཤིག །དེས་སྨྲས་པ། བཟང་མོ་བདག་གི་མིང་ནི་མྱུར་འགྲོ་ཞེས་བྱའོ། །ཁྱོད་ཀྱི་མིང་ཅི་ཞེས་བྱ་སྨྲོས་ཤིག །ཇོ་བོ་བདག་གི་མིང་ནི་ཤོ་ཤུམ་པ་ཞེས་བགྱིའོ། །དེས་རྡོ་བ་ལས་ཐབས་སུ་སྦྱར་བར་
D6.011.0097a04.01བརྩམས་ཏེ་ཉིན་གཅིག་ནི་རྡོ་ཆུང་ངུ་ཞིག་བླངས་ཏེ་བྱ་གཤོག་{བཟངས་,བཟང་}ལ་ཞོན། ཉི་མ་གཉིས་ན་རྡོ་དེ་ཙམ་གཉིས་སོ། །ཉི་མ་གསུམ་ན་རྡོ་དེ་ཙམ་གསུམ་པོ་ནས་དེ་བཞིན་དུ་མིའི་ཚད་དང་མཉམ་པའི་བར་དུ་ཁྱེར་རོ། །དེ་ནས་མྱུར་འགྲོ་དང་ལྷན་ཅིག་ཏུ་བྱ་གཤོག་{བཟངས་,བཟང་}ལ་ཞོན་ཏེ་དོང་ནས། ཤོ་
D6.011.0097a05.01ཤུམ་པ་ན་རེ་ཇོ་བོ་མིག་མ་དབྱེ་ཉེས་པ་བྱུང་ཏ་རེ་ཞེས་སྨྲས་པ་དང་། དེས་མིག་བཙུམས་ནས་ནམ་འཁོར་མོ་འཇིག་དང་ཉེ་བར་ཕྱིན་ན་དེས་སྐྱེ་བོ་མང་པོ་དག་གི་སྒྲ་ཅ་ཅོ་ཐོས་པ་དང་། དེས་བསམས་པ། ད་ནི་ཕྱིན་གྱིས་བལྟའོ། །དེས་མིག་ཕྱེ་བ་དང་མིག་བྱུང་སྟེ་ལོང་བར་གྱུར་ཏོ། །ཤོ་ཤུམ་
D6.011.0097a06.01པས་དེ་སྐྱེད་མོས་ཚལ་དུ་བཞག་སྟེ་རྒྱལ་པོ་ཚངས་སྦྱིན་གྱི་བཙུན་མོ་རྣམས་ཀྱི་ནང་དུ་སོང་ངོ་། །དེ་ནས་དུས་ཕྱི་ཞིག་ན་དཔྱིད་ཀྱི་དུས་ལ་བབ་སྟེ། ཤིང་དག་ནི་ཁ་འབུས། ངང་པ་དང་། ཁྲུང་ཁྲུང་དང་། རྨ་བྱ་དང་། ནེ་ཙོ་དང་། ཤ་རི་ཀ་དང་། ཀོ་ཀི་ལ་དང་། འཚོ་བ་འཚོ་བྱེད་རྣམས་སྒྲ་འབྱིན་
D6.011.0097a07.01