完整藏文原文 · 德格版页 当前仅加载第 11 函德格 296a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་གྱི་གྱད་རྣམས་ལ་འདི་སྐད་ཅེས་སྨྲས་སོ། །གྲོང་ཁྱེར་རྩྭ་ཅན་གྱི་གྱད་ཀྱི་འཁོར་མང་པོ་ཚོགས་ཤིང་འདུས་པ་ཤེས་ལྡན་གནས་འཇོག་དག་ཉོན་ཅིག །བཅོམ་ལྡན་འདས་ཀྱི་སྐུ་གདུང་ཞུགས་ལ་བཞེན་པར་མ་ནུས་པ་དེ་ཅིའི་ཕྱིར་ཞེ་ན། ལྷ་རྣམས་ཀྱིས་
D6.011.0296a01.01བསམས་པ་ཡིན་ནོ། །ཚེ་དང་ལྡན་པ་ཀུན་དགའ་བོ་ལྷ་རྣམས་ཀྱིས་ཇི་ལྟར་བསམས་ལགས། དེ་ནི་ཚེ་དང་ལྡན་པ་འོད་སྲུང་ཆེན་པོ་འཁོར་ལྔ་བརྒྱ་དང་ཆས་ཏེ་ཡུལ་སྡིག་པ་ཅན་གྱི་བར་ནས་གྲོང་ཁྱེར་རྩྭ་ཅན་གྱི་བར་དུ་ལམ་དུ་ཞུགས་ཏེ་བཅོམ་ལྡན་འདས་ཀྱི་སྐུ་གདུང་མ་ཉམས་པ་
D6.011.0296a02.01ལ་ཕྱག་འཚལ་བར་འདོང་བ་ཡིན་ནོ། །དེ་དག་གིས་སྨྲས་པ། བཙུན་པ་ཀུན་དགའ་བོ་ཇི་ལྟར་ལྷ་རྣམས་ཀྱིས་བསམས་པ་དེ་བཞིན་དུ་བགྱིའོ། །དེ་ནས་ཚེ་དང་ལྡན་པ་འོད་སྲུང་ཆེན་པོ་གྲོང་ཁྱེར་རྩྭ་ཅན་དུ་ཕྱིན་པ་དང་། འཁོར་དག་གིས་ཚེ་དང་ལྡན་པ་འོད་སྲུང་ཆེན་པོ་
D6.011.0296a03.01རྒྱང་རིང་པོ་ནས་མཐོང་ངོ་། །མཐོང་ནས་ཀྱང་དྲི་དང་། ཕྲེང་བ་དང་། བདུག་པ་དང་། ཕྱེ་མ་དང་། རོལ་མོའི་ཆ་སྤྱད་དག་ཐོགས་ཏེ། ཚེ་དང་ལྡན་པ་འོད་སྲུང་ཆེན་པོ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་འོད་སྲུང་ཆེན་པོའི་རྐང་པ་ལ་མགོ་བོས་ཕྱག་
D6.011.0296a04.01འཚལ་ཏེ། ཚེ་དང་ལྡན་པ་འོད་སྲུང་ཆེན་པོའི་ཕྱི་བཞིན་དུ་རྗེས་སུ་འབྲང་ཞིང་སོང་ངོ་། །ཚེ་དང་ལྡན་པ་འོད་སྲུང་ཆེན་པོ་འཁོར་བརྒྱ་ཕྲག་དུ་མ་དང་། འཁོར་སྟོང་ཕྲག་དུ་མ་དང་། འཁོར་བརྒྱ་སྟོང་ཕྲག་དུ་མ་དང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་།
D6.011.0296a05.01དྲི་ཞིམ་པོའི་ཤིང་ཐམས་ཅད་བསལ་ཏོ། །དྲི་ཞིམ་པོའི་ཤིང་ཐམས་ཅད་བསལ་ནས་ལྕགས་ཀྱི་སྒྲོམ་ཁ་ཕྱེའོ། །ལྕགས་ཀྱི་སྒྲོམ་ཁ་ཕྱེ་ནས་རས་ཟུང་ལྔ་བརྒྱ་བཤུས་སོ། །རས་ཟུང་ལྔ་བརྒྱ་བཤུས་ནས་ཤིང་བལ་གྱི་འདའ་བ་ཡང་བཤུས་སོ། །ཤིང་བལ་གྱི་འདའ་
D6.011.0296a06.01བ་བཤུས་ནས་བཅོམ་ལྡན་འདས་ཀྱི་སྐུ་གདུང་མ་ཉམས་པ་ལ་ཕྱག་བྱས་སོ། །དེའི་ཚེ་ན་ས་ཆེན་པོ་འདིའི་སྟེང་ན་ཉན་ཐོས་ཆེན་པོ་བཞི་ཡོད་དེ། ཚེ་དང་ལྡན་པ་ཀུན་ཤེས་ཀཽཎྜི་ནྱ་དང་། ཚེ་དང་ལྡན་པ་སྐུལ་བྱེད་ཆེན་པོ་དང་། ཚེ་དང་ལྡན་པ་སྟོབས་བཅུ་འོད་སྲུང་དང་། ཚེ་
D6.011.0296a07.01