完整藏文原文 · 德格版页 当前仅加载第 11 函德格 291b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་མེ་ཏོག་འཐོར་བའི་དྲུང་དུ་བཅོམ་ལྡན་འདས་སེང་གེ་ལྟ་བུར་གཟིམས་པ་དང་། དེའི་ཚེ་དགེ་སློང་གཞན་ཞིག་གིས་ཚིགས་སུ་བཅད་དེ་སྨྲས་པ། སཱ་ལ་ཟུང་ནི་རབ་མཛེས་པའི། །ལྗོན་ཤིང་མཆོག་གི་ཚལ་བུ་འདིར། །སྟོན་པ་མྱ་ངན་འདས་པ་ལ། །མེ་ཏོག་དག་གིས་རབ་ཏུ་གཏོར། །སངས་རྒྱས་
D6.011.0291b01.01བཅོམ་ལྡན་འདས་མྱ་ངན་ལས་འདས་མ་ཐག་ཏུ་ལྷའི་དབང་པོ་བརྒྱ་བྱིན་གྱིས་ཚིགས་སུ་བཅད་དེ་སྨྲས་པ། ཀྱེ་མ་འདུ་བྱེད་མི་རྟག་སྟེ། །སྐྱེ་ཞིང་འཇིག་པའི་ཆོས་ཅན་ཡིན། །སྐྱེས་ནས་འཇིག་པར་འགྱུར་བ་སྟེ། །དེ་དག་ཉེ་བར་ཞི་བ་བདེ། །སངས་རྒྱས་བཅོམ་ལྡན་འདས་མྱ་ངན་ལས་འདས་མ་ཐག་ཏུ་མི་མཇེད་ཀྱི་
D6.011.0291b02.01བདག་པོ་ཚངས་པས་ཚིགས་སུ་བཅད་དེ་སྨྲས་པ། འབྱུང་པོ་ཀུན་གྱིས་འཇིག་རྟེན་འདིར་ནི་བསགས་པའི་མཐའ། །འདོད་འགྱུར་འཇིག་རྟེན་འདི་ན་གང་ཟག་ཟླ་མེད་ཅིང་། །དེ་བཞིན་གཤེགས་པ་སྟོབས་རྣམས་བརྙེས་པ་སྤྱན་ལྡན་པ། །སྟོན་པ་འདི་ལྟ་བུ་ཡང་ཡོངས་སུ་མྱ་ངན་འདས། །སངས་རྒྱས་བཅོམ་ལྡན་
D6.011.0291b03.01འདས་ཡོངས་སུ་མྱ་ངན་ལས་འདས་མ་ཐག་ཏུ་ཚེ་དང་ལྡན་པ་མ་འགགས་པས་ཚིགས་སུ་བཅད་དེ་སྨྲས་པ། བརྟན་པའི་ཐུགས་ཀྱིས་སྐྱོབ་མཛད་ཅིང་། །མི་གཡོ་ཞི་བ་བརྙེས་གྱུར་པ། །དབུགས་དབྱུང་བ་དང་རྔུབ་འགགས་ནས། །སྤྱན་ལྡན་ཡོངས་སུ་མྱ་ངན་འདས། །རྣམ་པ་ཐམས་ཅད་མཆོག་ལྡན་
D6.011.0291b04.01པ། །གང་ཚེ་སྟོན་པ་དུས་མཛད་དེ། །དེ་ཚེ་རབ་ཏུ་སྔངས་གྱུར་ཅིང་། །དེ་ཚེ་སྤུ་ཡང་ལངས་པར་གྱུར། །ཞུམ་པ་མེད་པའི་ཐུགས་ཀྱིས་ནི། །ཚོར་བ་དག་ལ་ལྷག་པར་གནས། །དེ་ཡི་ཐུགས་ནི་རྣམ་གྲོལ་བ། །སྒྲོན་མ་དེ་འདྲ་མྱ་ངན་འདས། །སངས་རྒྱས་བཅོམ་ལྡན་འདས་ཡོངས་སུ་མྱ་ངན་
D6.011.0291b05.01ལས་འདས་མ་ཐག་ཏུ་དགེ་སློང་ཁ་ཅིག་ནི་ས་ལ་འགྲེ་ལྡོག །ཁ་ཅིག་ནི་དཔུང་པ་ལ་བཟུང་ནས་ཀུ་ཆོ་འདོན། །ཁ་ཅིག་ནི་སྡུག་བསྔལ་གྱིས་སེམས་གཟེར་ཅིང་འདུག །ཁ་ཅིག་ནི་ཆོས་ཉིད་ལ་བརྟེན་ནས་གང་འདི་ལྟར་བདག་ཅག་ལ་བཅོམ་ལྡན་འདས་ཀྱིས་ཞིབ་ཏུ་བསྟན་ཏེ་ཐམས་ཅད་ཀྱི་སྙིང་དུ་སྡུག་ཅིང་ཕངས་
D6.011.0291b06.01པ། དགའ་བ། ཡིད་དུ་འོང་བ་དང་བྲལ་ནས་མེད་པ་དང་། ཞིག་པ་དང་། བྱེ་བར་གྱུར་ཏོ། །དེ་ནས་ཚེ་དང་ལྡན་པ་མ་འགགས་པས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཀྱེ་ཚེ་དང་ལྡན་པ་ཀུན་དགའ་བོ་དགེ་སློང་རྣམས་རིམ་གྱིས་དལ་བུ་དལ་བུས་ཟིལ་གྱིས་མ་མནན་ན། ཚེ་བསྐལ་པ་བརྒྱ་ཕྲག་མང་པོ་
D6.011.0291b07.01