完整藏文原文 · 德格版页 当前仅加载第 11 函德格 115a 版页；藏文 NFD、目录标记与异常页序保留在来源切片中，重复版页行以稳定序号区分。
པར་སྤྱོད་པ་འཁྲིག་པའི་ཆོས་སུ་སྤྱད་པ་ལྟ་ཅི་སྨོས། བཅོམ་ལྡན་འདས་ཀྱིས་གསུངས་པ་ཡང་དགེ་སློང་མ་དགེ་སློང་མ་དང་ལྷན་ཅིག་ཏུ་བསླབ་པ་མཚུངས་པ་མཉམ་པར་གྱུར་པ་ལས་བསླབ་པ་མ་ཕུལ་ལམ། བསླབ་པ་སྟོབས་ཆུང་ངམ། མ་བཤམས་པར་མི་ཚངས་
D6.011.0115a01.01པར་སྤྱོད་པ་འཁྲིག་པའི་ཆོས་བྱས་ན་ཆུང་ངུ་ན་བྱོལ་སོང་གི་སྐྱེ་གནས་སུ་གཏོགས་པ་དང་ལྷན་ཅིག་པ་ཡང་རུང་སྟེ། དེ་ལྟ་བུའི་གནས་གང་དུ་ཡང་རུང་། དགེ་སློང་མས་བརྟུན་ཅིང་བྱས་ན། བརྟུན་ཅིང་བྱས་མ་ཐག་ཏུ་དགེ་སློང་མ་མ་ཡིན། དགེ་སྦྱོང་མ་མ་ཡིན། ཤཱཀྱའི་སྲས་མོ་མ་
D6.011.0115a02.01ཡིན། །དགེ་སློང་མའི་དངོས་པོ་མེད་པར་འགྱུར། དགེ་སྦྱོང་མའི་དངོས་པོ་ཡང་མེད་པར་འགྱུར་ཏེ། མེད་པའོ། །བསྲུབས་པའོ། །ལྟུང་བའོ། །ཕས་ཕམ་པ་སྟེ། དགེ་སློང་མར་སླར་དབྱུང་དུ་མེད་དོ། །འདི་ལྟ་སྟེ་ཤིང་ཏ་ལའི་མགོ་བཅད་པ་བཞིན་སྔོན་པོར་མི་རུང་། སྐྱེར་མི་
D6.011.0115a03.01རུང་། །འཕེལ་ཞིང་རྒྱས་པར་མི་རུང་སྟེ། དེ་བཞིན་དུ་དགེ་སློང་མས་འདི་འདྲ་བའི་གནས་ལ་བརྟུན་ཅིང་བྱས་ན། དེ་བརྟུན་དེ་བྱས་མ་ཐག་ཏུ་དགེ་སློང་མ་མ་ཡིན། དགེ་སྦྱོང་མ་མ་ཡིན། ཤཱཀྱའི་སྲས་མོ་མ་ཡིན། དགེ་སློང་མའི་དངོས་པོ་མེད་པར་འགྱུར། དགེ་སྦྱོང་
D6.011.0115a04.01མའི་དངོས་པོ་ཡང་མེད་པར་འགྱུར་ཏེ། མེད་པའོ། །བསྲུབས་པའོ། །ལྟུང་བའོ། །ཕས་ཕམ་པ་སྟེ། དགེ་སྦྱོང་མར་སླར་དབྱུང་དུ་མེད་དོ། །དེ་ལ་ཁྱོད་ཀྱིས་དེང་ཕན་ཆད་མི་སྤྱོད་པ་དང་། བརྟུན་ཅིང་མི་འཇུག་པ་དང་། མི་སྤྱོད་པར་སྤོང་བ་ལ་སྨྱུར་ཏེ་སེམས་སྲུངས་ལ། དྲན་
D6.011.0115a05.01པ་དང་། བག་ཡོད་པ་དང་། བརྩོན་པར་གྱིས་ཤིག །ཅི་གནས་འདི་ལྟ་བུ་ལ་མི་སྤྱོད་དམ། དེས་མི་སྤྱོད་དོ་ཞེས་སྨྲོས་ཤིག །མིང་འདི་ཞེས་བྱ་བ་ཁྱོད་ཉོན་ཅིག །བཅོམ་ལྡན་འདས་ཀྱིས་རྣམ་གྲངས་དུ་མ་ལས་ཀྱང་མ་བྱིན་པར་ལེན་པ་ནི་རྣམ་པར་སྨད་དོ། །མ་བྱིན་པར་ལེན་པ་
D6.011.0115a06.01སྤངས་པ་ནི་བསྟོད་དོ། །བསྟོད་དུ་འཇུག་གོ། །བསྔགས་སོ། །བསྒྲགས་པ་ཡིན་གྱིས་དེང་ཕན་ཆད་མིང་འདི་ཞེས་བྱ་བ་ཁྱོད་རྐུ་བའི་སེམས་ཀྱིས་ཕ་རོལ་པོའི་མ་བྱིན་པར་ཏིལ་གྱི་ཕུབ་མ་ན་ཡང་མི་བླངས་ན། མཱ་ཤ་ལྔའམ། མཱ་ཤ་ལྔ་ལས་འདས་པ་ལྟ་ཅི་སྨོས་བཅོམ་ལྡན་
D6.011.0115a07.01