完整藏文原文 · 德格版页 当前仅加载第 11 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་ཤིའོ་ཞེས་ཐོས་ཏེ། དེ་དག་གིས་དེར་ཕོ་ཉ་བཏང་ནས་ཡང་ན་ནི་དཔྱ་གཅོལ་ཅིག །ཡང་ན་ནི་གྲོང་ཁྱེར་གྱི་སྒོར་མ་འབྱུང་ཤིག །གཞན་དུ་ན་ངེས་པར་སྐྱེ་ནས་བཏགས་ལ་འདིར་དགུག་གོ་ཞེས་བསྒོ་བ་དང་། དེར་དཔྱ་ཡང་མ་གཅལ། གྲོང་ཁྱེར་གྱི་སྒོར་ཡང་མ་བྱུང་མོད་ཀྱི།
D6.011.0284b01.01འོན་ཀྱང་གྲོང་ཁྱེར་ཉིད་ན་གནས་ཤིང་རྟ་ཅང་ཤེས་ཚོལ་ལོ། །དེ་དུས་གཞན་ཞིག་ན་རྟ་ཅང་ཤེས་རྙེད་ནས། དེ་དེ་བཞོན་ཏེ། དཔྱིད་ཀྱི་དུས་ལ་བབ་པ་དང་། ཤིང་རྣམས་མེ་ཏོག་གིས་རྒྱས་ཤིང་། ངང་པ་དང་། ཁྲུང་ཁྲུང་དང་། རྨ་བྱ་དང་། ནེ་ཙོ་དང་། རི་སྐེགས་དང་། ཁུ་བྱུག་དང་།
D6.011.0284b02.01ཤང་ཤང་ཏེའུའི་སྒྲ་འབྱིན་པའི་ནགས་ཚལ་སྐྱེད་མོས་ཚལ་གྱི་གནས་སུ་བཙུན་མོའི་འཁོར་གྱིས་ཡོངས་སུ་བསྐོར་ཏེ་དོང་ནས། དེ་དེ་ན་རྩེ་ཞིང་དགའ་ལ་དགའ་མགུར་ཆ་བའི་སྦྱོར་བས་བག་མེད་པར་གནས་ཏེ། གྲོང་ཁྱེར་དུ་ཡང་མ་ཞུགས་པ་ན། ཇི་ལྟར་རྒྱལ་པོ་ཚངས་སྦྱིན། སྐྱེད་མོས་ཚལ་ན་
D6.011.0284b03.01བག་མེད་པར་གནས་ཏེ་གྲོང་ཁྱེར་དུ་ཡང་མ་ཞུགས་སོ་ཞེས་ཁམས་ཀྱི་རྒྱལ་ཕྲན་དག་གིས་ཐོས་ཏེ། དེ་དག་གིས་གྲོས་བྱས་ནས་དཔུང་གི་ཚོགས་ཡན་ལག་བཞི་དང་ཆས་ཏེ། ཡུལ་བཱ་རཱ་ཎ་སཱིའི་སྒོ་བསྐོར་བ་དང་། བློན་པོས་རྒྱལ་པོ་ཚངས་སྦྱིན་ལ་སྨྲས་པ། ལྷ་ཁམས་ཀྱི་རྒྱལ་ཕྲན་རྣམས་ཀྱིས་
D6.011.0284b04.01གྲོང་ཁྱེར་སྒོ་བསྐོར་ལགས་ན་བདེ་བར་བགྱི་བ་དགོངས་སུ་གསོལ། རྒྱལ་པོས་ཐོས་ནས་ཤེས་ལྡན་རྟ་ཅང་ཤེས་གང་ན་འདུག་པ་ཡང་ལོང་ཤིག །དཔུང་གི་ཚོགས་ཡན་ལག་བཞི་ཡང་གོ་སྐོན་ཅིག །དེ་དག་དང་ལྷན་ཅིག་གཡུལ་འགྱེད་པར་བྱའོ་ཞེས་བསྒོའོ། །དེས་རྟ་ཅང་ཤེས་
D6.011.0284b05.01ཀྱང་བསྙེན། དཔུང་གི་ཚོགས་ཡན་ལག་བཞི་པ་ཡང་གོ་བསྐོན་ཏེ། དེ་དེ་དག་དང་ལྷན་ཅིག་གཡུལ་བཤམས་ཏེ་གཡུལ་འགྱེད་པར་བརྩམས་པ་དང་། ཁམས་ཀྱི་རྒྱལ་ཕྲན་གཞན་ཞིག་གིས་རྒྱལ་པོ་ཚངས་སྦྱིན་གྱི་རྟ་ཅང་ཤེས་ཀྱི་གློར་མདུང་གཅིག་བསྣུན་ནས་དེའི་རྒྱུ་མ་དག་བྱུང་
D6.011.0284b06.01སྟེ། སྡུག་བསྔལ་གྱི་ཚོར་བས་གཟེར་ནས། གནད་རྣམས་ཀྱང་ཆད། ཚིགས་རྣམས་ཀྱང་འབྱེ་བའི་ཚོར་བ་གནད་དུ་བབ་པ་བྱུང་བཞིན་དུ་དེས་སེམས་སྲན་བསྐྱེད་པ་མ་ལ་འདི་ལྟར་རྒྱལ་པོ་ནི་སྡུག་བསྔལ་དོག་པ་ཉམ་ང་བར་ཕྱིན་ལ་བདག་གིས་དོར་བར་བྱ་བ་ནི་བདག་གི་ཚུལ་མ་ཡིན་
D6.011.0284b07.01