完整藏文原文 · 德格版页 当前仅加载第 11 函德格 252a 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་པའི་ཚལ་དུ་མྱ་ངན་ལས་འདའ་བའི་ཕྱིར་གཤེགས་སོ། །དེ་ནས་དགེ་སློང་གཞན་ཞིག་གིས་ཀྱང་དེའི་ཚེ་ཚིགས་སུ་བཅད་དེ་སྨྲས་པ། ཐུབ་པ་ཁྱོད་ཀྱིས་ཡངས་པ་ཅན། །གཟིགས་པའི་ཐ་མ་དེང་འདིར་ཏེ། །ཡང་དག་རྫོགས་པའི་སངས་རྒྱས་ནི །ཡངས་
D6.011.0252a01.01པ་ཅན་དུ་སླར་མི་གཤེགས། །མལ་ལྱ་རྣམས་ཀྱི་ཉེན་འཁོར་ན། །སཱ་ལ་ཟུང་གཅིག་འཚལ་དྲུང་དུ། །མྱ་ངན་འདའ་ཕྱིར་དེང་གཤེགས་སོ། །དེ་ནས་བཅོམ་ལྡན་འདས་ཡུལ་བྲྀ་ཛི་ནས་ལྗོངས་རྒྱུ་ཞིང་གྲོང་རུ་རྟར་བྱོན་ཏེ། གྲོང་རུ་རྟ་ན་གྲོང་གི་བྱང་གི་ཕྱོགས་ན་ཤིང་ཤ་པའི་ཚལ་ན་བཞུགས་
D6.011.0252a02.01སོ། །དེ་ནས་བཅོམ་ལྡན་འདས་ཀྱིས་དགེ་སློང་དག་ལ་བཀའ་སྩལ་པ། འདི་ནི་ཚུལ་ཁྲིམས་སོ། །འདི་ནི་ཏིང་ངེ་འཛིན་ཏོ། །འདི་ནི་ཤེས་རབ་སྟེ། ཚུལ་ཁྲིམས་ཀུན་དུ་བསྒོམས་པས་ན་ཏིང་ངེ་འཛིན་རིང་དུ་གནས་པར་འགྱུར། ཏིང་ངེ་འཛིན་རིང་དུ་གནས་པས་ན། ཤེས་རབ་
D6.011.0252a03.01ཀུན་དུ་བསྒོམས་པར་འགྱུར། ཤེས་རབ་ཀུན་དུ་བསྒོམས་ན་འདི་ལྟ་སྟེ། སེམས་ཡང་དག་པར་འདོད་ཆགས་དང་། ཞེ་སྡང་དང་། གཏི་མུག་ལས་ཡོངས་སུ་འགྲོལ་ལོ། །དགེ་སློང་དག་དེ་བཞིན་དུ་ཡང་དག་པར་ཤིན་ཏུ་རྣམ་པར་གྲོལ་བའི་སེམས་དང་ལྡན་པའི་འཕགས་པའི་
D6.011.0252a04.01ཉན་ཐོས་རྣམས་ནི་ངའི་སྐྱེ་བ་ནི་ཟད། ངའི་ཚངས་པར་སྤྱོད་པ་ནི་སྤྱད་ཟིན། བྱ་བ་ནི་བྱས་ཟིན། འདི་ལས་སྲིད་པ་གཞན་མེད་པར་ནི་ཡང་དག་པར་རབ་ཏུ་ཤེས་སོ།། །།སྡོམ་བར་མ་སྟེ། རུ་རྟ་དུམ་པ་ཨ་མྲ་དང་། །འཛམ་བུ་ཤུར་བ་བལ་གླང་དང་། །གྲོང་གཉིས་བྲྀ་ཛི་མལ་ལྱ་རྣམས། །ལོངས་
D6.011.0252a05.01སྤྱོད་གྲོང་ཁྱེར་དེ་བཞིན་ནོ། །ཇི་ལྟར་རུ་རྟའི་གྲོང་ཅི་འདྲ་བ་དེ་བཞིན་དུམ་པའི་གྲོང་དང་། ཨ་མྲའི་གྲོང་དང་། འཛམ་བུའི་གྲོང་དང་། ཛི་གྲོང་དང་། ཤུར་བའི་གྲོང་དང་། བལ་གླང་གི་གྲོང་དང་། བྲྀ་ཛིའི་གྲོང་དང་། མལ་ལྱའི་གྲོང་ནས་ལོངས་སྤྱོད་གྲོང་དུ་གཤེགས་ཏེ།
D6.011.0252a06.01ལོངས་སྤྱོད་གྲོང་ནས་གྲོང་གི་བྱང་ཕྱོགས་ཤིང་ཤ་པའི་ཚལ་ན་བཞུགས་སོ། །དེའི་དུས་ན་ས་ཆེན་པོ་གཡོས་པར་གྱུར། སྐར་མདའ་ལྷུང་། ཕྱོགས་ཚིག །བར་སྣང་ན་ལྷ་རྣམས་རྔ་རྡུང་བར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོ་ཕྱི་དྲོ་ནང་དུ་ཡང་དག་འཇོག་ལས་ལངས་
D6.011.0252a07.01