完整藏文原文 · 德格版页 当前仅加载第 11 函德格 320b 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་པ་གཏད་ནས་ཡོངས་སུ་མྱ་ངན་ལས་འདས་སོ། །དེས་ཀྱང་ང་ལ་གཏད་དེ་ད་ནི་ངས་བསྟན་པ་ཁྱོད་ལ་གཏད་ནས་ང་ཡོངས་སུ་མྱ་ངན་ལས་འདས། ཁྱོད་ཀྱིས་ཀུན་དུ་སྐྱོངས་ཤིག་དང་། གྲོང་ཁྱེར་བཅོམ་བརླག་རི་མུ་རུན་ད་ཞེས་བྱ་བ་དེར་ཡུལ་བཅོམ་བརླག་གི་ཚོང་དཔོན་གྱི་བུ་ན་ཏ་དང་།
D6.011.0320b01.01ཕ་ཏ་ཞེས་བྱ་བས་གཙུག་ལག་ཁང་བརྩིགས་ནས། གཙུག་ལག་ཁང་གི་ཡོན་བདག་ཏུ་འགྱུར་བར་བཅོམ་ལྡན་འདས་ཀྱིས་ལུང་བསྟན་ཏེ་རི་མུ་རུན་དར་གཙུག་ལག་ཁང་བརྩིགས་ཟིན་ནས། ཡུལ་བཅོམ་བརླག་ན་སྤོས་འཚོང་སྦས་པ་ཞེས་བྱ་བ་དེའི་བུ་ཉེ་སྦས་ཞེས་བྱ་བ་ཞིག་ཡོད་པར་
D6.011.0320b02.01འགྱུར་ཏེ། དེ་རབ་ཏུ་ཕྱུང་ཤིག་དང་། དེ་ནི་བཅོམ་ལྡན་འདས་ཀྱིས་ང་མྱ་ངན་ལས་འདས་ནས་ལོ་བརྒྱ་ལོན་པ་དང་མཚན་མེད་པའི་སངས་རྒྱས་སུ་འགྱུར་ཏེ། དེས་སངས་རྒྱས་ཀྱི་བྱ་བ་ཐམས་ཅད་བྱེད་པར་འགྱུར་རོ་ཞེས་ལུང་བསྟན་ཏོ། །ཤ་ནའི་གོས་ཅན་གྱིས་མཁན་པོས་ཇི་སྐད་
D6.011.0320b03.01བཀའ་སྩལ་པ་བཞིན་བྱའོ་ཞེས་སྨྲས་པ་དང་། ཇི་ཙམ་ན་ཚེ་དང་ལྡན་པ་ཀུན་དགའ་བོས་ང་ནི་ཡོངས་སུ་མྱ་ངན་ལས་འདའ་སྟེ་ཁྱོད་ལ་སྦྲན་ཏོ་ཞེས་སྨྲས་སོ། །དེ་ནས་གནས་བརྟན་ཀུན་དགའ་བོས་བསམས་པ། བདག་འདིར་ཡོངས་སུ་མྱ་ངན་ལས་འདས་ན། རྒྱལ་པོ་མ་སྐྱེས་དགྲ་
D6.011.0320b04.01དང་། ཡུལ་སྤོང་བྱེད་པ་གཉིས་ཕན་ཚུན་རྩོད་པར་འགྱུར་ཏེ། ཡུལ་ཡངས་པ་ཅན་པ་དག་ལ་ཡང་ཤ་རི་རམ་གྱི་སྐལ་བ་མི་བྱིན། གལ་ཏེ་ཡངས་པ་ཅན་དུ་མྱ་ངན་ལས་འདས་ན་ནི་དེ་དག་གིས་ཀྱང་མི་བྱིན་ཏེ། མ་ལ་བདག་ནི་ཆུ་བོ་གང་གཱའི་དབུས་སུ་ཡོངས་སུ་མྱ་ངན་ལས་འདའ་བར་
D6.011.0320b05.01བྱའོ་སྙམ་ནས་དེ་དེར་སོང་ངོ་། །དེ་ནས་ཡང་རྒྱལ་པོ་མ་སྐྱེས་དགྲའི་རྨི་ལམ་དུ་རྒྱལ་པོའི་སྟེང་དུ་གདུགས་འཛིན་པ་དེའི་ཡུ་བ་ཆགས་པར་མཐོང་ངོ་། །མཐོང་ནས་སྐྲག་སྟེ་སད་པ་དང་སྒོ་སྲུང་གིས་ལྷ་གནས་བརྟན་ཀུན་དགའ་བོ་ནི་ཡོངས་སུ་མྱ་ངན་ལས་འདའ་བར་སྦྲོན་ཏོ་ཞེས་སྨྲས་སོ། །
D6.011.0320b06.01དེ་ཐོས་ནས་རྒྱལ་པོ་བརྒྱལ་ཏེ་འགྱེལ་བ་དང་། ཇི་ཙམ་ན་ཆུས་གཏོར་ཏེ་བསླང་ནས་སེམས་ཀྱི་འདུ་ཤེས་རྙེད་པ་དང་། རྒྱལ་པོས་སྨྲས་པ། ཚེ་དང་ལྡན་པ་ཀུན་དགའ་བོ་གང་དུ་ཡོངས་སུ་མྱ་ངན་ལས་འདས། ཚེ་དང་ལྡན་པ་ཤ་ནའི་གོས་ཅན་གྱིས་སྨྲས་པ། རྒྱལ་པོ་ཆེན་པོ་
D6.011.0320b07.01