完整藏文原文 · 德格版页 当前仅加载第 11 函德格 254a 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཤེས་པར་བྱས་ལ་དོར་བར་བྱའོ། །གཞན་ཡང་ཀུན་དགའ་བོ་དགེ་སློང་ཞིག་འོངས་ནས་དེ་འདི་སྐད་དུ་སྨྲའོ། །ཚེ་དང་ལྡན་པ་གནས་ཆེ་གེ་མོ་ཞིག་ན་གནས་བརྟན་དུ་བཅས། སོ་སོར་ཐར་པར་བཅས་པའི་དགེ་སློང་གི་དགེ་འདུན་མང་པོ་གནས་ཏེ། ཚེ་དང་ལྡན་
D6.011.0254a01.01པ་བདག་གིས་དགེ་སློང་གི་དགེ་འདུན་མང་པོ་དེ་དག་ལས་བདག་གི་མངོན་དུ་ཐོས་ཏེ། མངོན་དུ་བཟུང་བ་ནི་འདི་ལྟ་སྟེ། འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ་ཞེ་ན། དགེ་སློང་དེས་སྨྲས་པ། དེ་ལ་བསྟོད་པར་མི་བྱ། སྨད་པར་མི་བྱ་སྟེ། མི་བསྟོད། མི་
D6.011.0254a02.01སྨད་པར་རྣ་བ་བྱོས་ནས། ཆོས་ཀྱི་ཚིག་དང་འབྲུ་བཟུང་ལ་མདོ་སྡེ་དང་བསྟུན། འདུལ་བ་ལ་ཡང་དག་པར་བལྟ་བར་བྱའོ། །དེ་སྟེ་མདོ་སྡེ་དང་བསྟུན། འདུལ་བ་ལ་བལྟས་ཀྱང་མདོ་སྡེ་དང་མི་མཐུན། འདུལ་བ་ལ་མི་སྣང་། ཆོས་ཉིད་དང་ཡང་འགལ་ན་དགེ་སློང་དེ་ལ་འདི་སྐད་སྨྲོས་ཤིག །ཚེ་
D6.011.0254a03.01དང་ལྡན་པ་དགེ་སློང་གི་དགེ་འདུན་མང་པོ་དེ་དག་གིས་འདི་ལྟར་ཆོས་སུ་འདུ་ཤེས། འདུལ་བར་འདུ་ཤེས་ཀྱིས་ཆོས་མ་ཡིན། འདུལ་བ་མ་ཡིན་པར་སྨྲས་ན། ཚེ་དང་ལྡན་པ་ཉིད་ཀྱིས་ཆོས་འདི་གཟུང་བར་བྱ་བ་ཉེས་སོ། །དེ་འདི་ལྟར་ཆོས་འདི་མདོ་སྡེ་དང་བསྟུན། འདུལ་བ་ལ་ཡང་དག་པར་
D6.011.0254a04.01བལྟས་ན། མདོ་སྡེ་དང་མི་མཐུན། འདུལ་བ་ལ་མི་སྣང་སྟེ། ཆོས་ཉིད་དང་ཡང་འགལ་བས་ན་འདི་ནི་ཆོས་མ་ཡིན། འདི་ནི་འདུལ་བ་མ་ཡིན། འདི་ནི་སྟོན་པས་བསྟན་པ་མ་ཡིན་པར་ཤེས་པར་བྱས་ལ་དོར་བར་བྱའོ། །གཞན་ཡང་ཀུན་དགའ་བོ་དགེ་སློང་ཞིག་འོངས་ཏེ་དེ་འདི་སྐད་དུ་
D6.011.0254a05.01སྨྲའོ། །ཚེ་དང་ལྡན་པ་གནས་ཆེ་གེ་མོ་ཞིག་ན་དགེ་སློང་མདོ་སྡེ་འཛིན་པ། འདུལ་བ་འཛིན་པ། མ་ལྟ་བུ་འཛིན་པ་མང་ཞིག་གནས་ཏེ། ཚེ་དང་ལྡན་པ་བདག་གིས་དགེ་སློང་མང་པོ་དེ་དག་ལས་མངོན་སུམ་དུ་ཐོས་ནས་མངོན་དུ་བཟུང་བ་ནི་འདི་ལྟ་སྟེ། འདི་ནི་ཆོས་སོ། །འདི་ནི་འདུལ་བའོ། །འདི་ནི་
D6.011.0254a06.01སྟོན་པས་བསྟན་པའོ་ཞེ་ན། དགེ་སློང་དེས་སྨྲས་པ་དེ་ལ་བསྟོད་པར་ཡང་མི་བྱ། སྨད་པར་ཡང་མི་བྱ་སྟེ། མི་བསྟོད། མི་སྨད་པར་རྣ་བ་བྱོ་ནས་ཆོས་ཀྱི་ཚིག་དང་འབྲུ་བཟུང་ལ་མདོ་སྡེ་དང་བསྟུན། འདུལ་བ་ལ་ཡང་དག་པར་བལྟ་བར་བྱའོ། །དེ་སྟེ་མདོ་སྡེ་དང་བསྟུན། འདུལ་བ་དང་བསྟུན་
D6.011.0254a07.01