完整藏文原文 · 德格版页 当前仅加载第 11 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱ་བ་ནས། དགེ་སྦྱོང་གཽ་ཏ་མས་ནི་ཆོས་གོས་དང་། བསོད་སྙོམས་དང་། མལ་སྟན་དང་། ནད་གསོས་ཀྱི་རྐྱེན་སྨན་དང་། ཡོ་བྱད་རྣམས་ཀྱང་རྙེད་དོ་ཞེས་བྱ་བའི་བར་སྔ་མ་བཞིན་ནོ། །ཤེས་ལྡན་དག་དེ་ལྟ་བས་ན་བདག་ཅག་གིས་དགེ་སྦྱོང་གཽ་ཏ་མ་
D6.011.0041a01.01མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་དགུག་པར་བྱ་ཞིང་། གལ་ཏེ་དགེ་སྦྱོང་གཽ་ཏ་མས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་གཅིག་བསྟན་ན་བདག་ཅག་གིས་གཉིས། དགེ་སྦྱོང་གཽ་ཏ་མས་གཉིས་ན་བདག་ཅག་གིས་བཞི། དགེ་སྦྱོང་གཽ་ཏ་མས་བཞི་ན་བདག་ཅག་
D6.011.0041a02.01གིས་བརྒྱད། དགེ་སྦྱོང་གཽ་ཏ་མས་བརྒྱད་ན་བདག་ཅག་གིས་བཅུ་དྲུག །དགེ་སྦྱོང་གཽ་ཏ་མས་བཅུ་དྲུག་ན་བདག་ཅག་གིས་སུམ་བཅུ་རྩ་གཉིས་ཏེ། དགེ་སྦྱོང་གཽ་ཏ་མས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ཇི་སྙེད་བསྟན་པ་ལས་བདག་ཅག་གིས་མིའི་ཆོས་བླ་མའི་རྫུ་འཕྲུལ་
D6.011.0041a03.01གྱི་ཆོ་འཕྲུལ་ཉིས་གྱུར་སུམ་གྱུར་དུ་བསྟན་པར་བྱའོ། །དེ་ནས་རྫོགས་བྱེད་ལ་སོགས་པ་སྟོན་པ་དྲུག་པོ་རྣམས་རྒྱལ་པོ་གཟུགས་ཅན་སྙིང་པོ་གང་ན་བ་དེར་སོང་སྟེ་ཕྱིན་ནས་རྒྱལ་པོ་གཟུགས་ཅན་སྙིང་པོ་ལ་རྒྱལ་བ་དང་ཚེ་སྤེལ་བ་བྱས་ནས་འདི་སྐད་ཅེས་སྨྲས་སོ། །ལྷ་བདག་ཅག་
D6.011.0041a04.01ནི་རྫུ་འཕྲུལ་དང་ལྡན་པ། ཡེ་ཤེས་ཅན་དུ་སྨྲ་བ་ལགས། དགེ་སྦྱོང་གཽ་ཏ་མ་ཡང་བདག་ཉིད་རྫུ་འཕྲུལ་དང་ལྡན་པ། ཡེ་ཤེས་ཅན་དུ་སྨྲ་བ་ལགས་པར་སེམས་ན་དེའི་སླད་དུ་ཡེ་ཤེས་དང་ལྡན་པར་སྨྲ་བ་དང་། ཡེ་ཤེས་དང་ལྡན་པར་སྨྲ་བ་ལྷན་ཅིག་ཏུ་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་
D6.011.0041a05.01སྟོན་དུ་སྩལ་བའི་རིགས་སོ། །གལ་ཏེ་དགེ་སྦྱོང་གཽ་ཏ་མས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་གཅིག་བསྟན་ན་བདག་ཅག་གིས་གཉིས་ཞེས་བྱ་བ་ནས་བདག་ཅག་གིས་མིའི་ཆོས་བླ་མའི་ཆོ་འཕྲུལ་ཉིས་གྱུར་སུམ་གྱུར་དུ་བསྟན་པར་བགྱིའོ་ཞེས་བྱ་བའི་བར་སྔ་མ་བཞིན་ནོ། །དགེ་སྦྱོང་
D6.011.0041a06.01གཽ་ཏ་མ་ཡང་ཤུལ་གྱི་ཕྱེད་དུ་དགུག་ཏུ་གསོལ། བདག་ཅག་ཀྱང་ཤུལ་གྱི་ཕྱེད་དུ་མཆིའོ། །དེ་ནས་མ་ག་དྷཱའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་རྫོགས་བྱེད་ལ་སོགས་པ་སྟོན་པ་དྲུག་པོ་རྣམས་ལ་འདི་སྐད་ཅེས་སྨྲས་སོ། །ཀྱེ་རོ་དང་འདྲ་བ་ཁྱེད་ཀྱིས་ཀྱང་བཅོམ་ལྡན་འདས་མིའི་ཆོས་བླ་
D6.011.0041a07.01