完整藏文原文 · 德格版页 当前仅加载第 11 函德格 226b 版页；藏文 NFD、目录标记与异常页序保留在来源切片中，重复版页行以稳定序号区分。
བར་བྱའོ། །གལ་ཏེ་ལམ་མི་བདེ་བར་གྱུར་ན་སྔོན་དུ་འགྲོ་བར་བྱ་ཞིང་། ཇི་སྟེ་བདེ་བ་ཞིག་ན་ཕྱི་བཞིན་འགྲོ་བར་བྱའོ། །གལ་ཏེ་ཆུ་རྒལ་བར་གྱུར་ན་མཁན་པོའི་ལག་པ་ནས་གཟུང་བར་བྱའོ། །སྤྱོད་ཡུལ་དུ་འགྲོ་ན་མཁན་པོ་ལ་མཁན་པོ་བསོད་སྙོམས་ལ་ལྷན་ཅིག་གཤེགས་སམ། འོན་
D6.011.0226b01.01ཏེ་སོ་སོར་ཞེས་དྲིས་ཤིག །གལ་ཏེ་ལྷན་ཅིག་གོ་ཞེས་ཟེར་ན་དེ་བཞིན་ལྷན་ཅིག་ཏུ་འགྲོ་བར་བྱ་ཞིང་སོང་བ་ལས་གལ་ཏེ་ཕྱེ་ཞིག་རྙེད་ན་བདག་གི་ལྷུང་བཟེད་དུ་བླང་བར་བྱའོ། །ཇི་སྟེ་འབྲས་ཅན་ཞིག་ན་ནི་མཁན་པོའི་ལྷུང་བཟེད་དུ་ལུགས་ཤིག་ཅེས་སྨྲ་བར་བྱའོ། །མོན་སྲན་གྲེའུ་ལས་བྱས་
D6.011.0226b02.01པའམ། འབྲས་ཕྱེ་ལས་བྱས་པའི་བཟའ་བ་རྙེད་ན་བདག་གི་ལྷུང་བཟེད་དུ་བླང་བར་བྱའོ། །ཇི་སྟེ་བཟའ་བ་ཁན་ད་ཞིག་ན་མཁན་པོའི་ལྷུང་བཟེད་དུ་ལུགས་ཤིག་ཅེས་སྨྲ་བར་བྱའོ། །གལ་ཏེ་དར་བ་བསྐོལ་བའམ། རྩབ་མོའི་ཁུ་བ་ཞིག་རྙེད་ན་བདག་གི་ལྷུང་བཟེད་དུ་བླང་བར་བྱའོ། །ཇི་སྟེ་འོ་
D6.011.0226b03.01མའམ། ཞོའམ། ཁུར་བ་སྦྱར་བ་ཞིག་ན་མཁན་པོའི་ལྷུང་བཟེད་དུ་ལུགས་ཤིག་ཅེས་སྨྲ་བར་བྱའོ། །དེ་ནས་གནས་ཁང་དུ་ཕྱིན་ནས་དཀྱིལ་འཁོར་གཉིས་བྱ་ཞིང་ལོ་མ་ལྷགས་པ་དག་བླངས་ནས་སྟན་གཉིས་གཞག་པར་བྱའོ། །དེ་ནས་འདུག་ནས་ཟས་ཀྱི་བྱ་བ་བྱའོ། །ཇི་སྟེ་བསོད་སྙོམས་
D6.011.0226b04.01ལ་སོ་སོར་སོང་ན་བསོད་སྙོམས་བླངས་པ་དག་མཁན་པོ་ལ་མཁན་པོ་བསོད་སྙོམས་འདི་ནི་བདག་གིས་རྙེད་དོ། །དེ་ལས་གང་བཞེད་པ་དེ་བླང་དུ་གསོལ་ཞེས་སྨྲ་བར་བྱའོ། །དེས་ཀྱང་དེ་ལ་ཚོད་རིག་པར་བྱོས་ཤིག །ཇི་སྟེ་དགེ་འདུན་ལས་འཐོབ་པར་འགྱུར་བ་ཞིག་ན་སྣོད་དག་བཀྲུས་ལ་ཚང་མང་
D6.011.0226b05.01དུ་སོང་སྟེ། གཙང་སྦྱོར་ལ་དྲི་བར་བྱ་སྟེ། ཚེ་དང་ལྡན་པ་དག་དེང་དགེ་འདུན་གྱི་སྐྱུ་རུམ་ཅི་ཞིག་བྱས། དེས་ཀྱང་གུས་པར་གྱིས་ལ་དེ་ལ་སྨྲ་བར་བྱའོ། །དེ་ནས་དེས་མཁན་པོ་ལ་མཁན་པོ་དགེ་འདུན་གྱིས་སྐྱུ་རུམ་འདི་དང་འདི་ལྟ་བུ་ཞིག་བགྱིས་ན། དེ་ལས་གང་བཞེད་པ་དེ་བླང་དུ་གསོལ་ཞེས་
D6.011.0226b06.01སྨྲོས་ཤིག །དེས་ཀྱང་ཚོད་རིག་པར་བྱོས་ཤིག །དེ་ནས་ཕྱོགས་གང་དུ་མཁན་པོས་ལག་པ་བཀྲུས་པའི་ས་ཕྱོགས་དེར་དཀྱིལ་འཁོར་བྱས་ལ་སྟན་དང་། རིལ་བ་སྤྱི་བླུགས་དང་། འདག་ཆལ་དང་། སོ་ཤིང་དག་ཉེ་བར་གཞག་པར་བྱ་ཞིང་མཁན་པོའི་རྐང་པ་ཡང་བཀྲུ་བར་བྱའོ། །རྐང་
D6.011.0226b07.01