完整藏文原文 · 德格版页 当前仅加载第 11 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ཀྱང་དེ་ལྟ་བུ་བྱུང་ན། བུད་མེད་ནི་སྐྱེས་པ་ལ་སེམས་ཏེ། བདག་གིས་ཀྱང་བྱ་བ་ཞིག་ན་རབ་ཏུ་བྱུང་བས་མི་རུང་ངོ་ཞེས་ཟེར་ཞིང་དེ་དེས་བསླུས་པ་དང་། འཕགས་མ་དེ་ལྟར་ན་ལོགས་ཤིག་ན་སྨད་འཚོང་ཇི་ལྟར་བྱ། དེ་ལ་ཡོ་བྱད་མང་པོ་དག་དགོས་སོ། །དང་པོར་ནི་གོས་
D6.011.0158b01.01དང་རྒྱན་དགོས་སོ། །དེའི་འོག་ཏུ་སྦྲ་དང་། དྲ་བ་ཆེན་པོ་དང་། ཞལ་ཏ་བྱེད་པའི་སྐྱེས་པ་ཡང་གཞན་ལ། ཀྱལ་ཀ་བྱེད་པ་འོངས་ན་ཡང་གྲོགས་བྱ་དགོས། བདག་དང་སྐྱེས་པ་མང་པོ་དག་བསྡུ་ཞིང་མགུ་བར་བྱ་བའི་ཕྱིར་ཆང་དང་། དྲི་དང་། བྱུག་པ་དག་དགོས་སོ་ཞེས་སྨྲས་པ་
D6.011.0158b02.01དང་། སྦོམ་དགའ་མོས་དེ་ལྟར་ན་བདག་གིས་གོས་དང་ཟས་ལ་སོགས་ཏེ་ཐམས་ཅད་སྦྱར་གྱིས། ཁྱོད་ཀྱིས་རྙེད་པ་དེ་ཐམས་ཅད་ང་ལ་བྱིན་ཅིག་ཅེས་སྨྲས་པ་དང་། ལེགས་ཀྱིས་དེ་བཞིན་དུ་སྦྱིན་ནོ་ཞེས་སྨྲས་པ་དང་། སྦོམ་དགའ་མོས་དེ་ཕྱིས་ནས་ཁྲུས་བྱས་ཏེ། གོས་དང་། རྒྱན་
D6.011.0158b03.01དང་དགོན་པ་ལ་གནས་པའི་ཡོ་བྱད་ལ་སོགས་པ་བྱིན་ནས་ཞག་ཉུང་ཟད་ཅིག་གི་བར་དུ་གསོས་ནས་སྦྲ་ཡང་བྱིན། ཞལ་ཏ་བྱེད་པའི་སྐྱེས་པ་བྱིན་ནས་ཞལ་ཏ་བྱེད་པའི་མི་དང་འགྲོགས་ཏེ། དགོན་པ་ལ་སོང་ནས་ལོགས་ཤིག་ན་སྨད་འཚོང་བ་ལ་ཞུགས་པ་དང་། ཇི་ཙམ་
D6.011.0158b04.01ཞིག་ནས་བསེལ་པས་བཟུང་སྟེ་ཁྲིད་པ་དང་། སྦོམ་དགའ་མོ་ལ་སྦྲན་ཏོ། །དེ་ནས་སྦོམ་དགའ་མོས་རིངས་པར་མྱུར་བར་སོང་ནས་བརྒྱུགས་ཏེ། བུ་ཟན་མོའི་བུ་དག་བདག་གི་བུ་མོ་གར་བཀྲི་ཞེས་སྨྲས་པ་དང་། དེ་དག་གིས་འཕགས་མ་ཅི་ཁྱོད་ཀྱང་ལོགས་ཤིག་ན་སྨད་
D6.011.0158b05.01འཚོང་བ་བྱེད་དམ་ཞེས་སྨྲས་པ་དང་། དགྲའི་གཉའ་བར་རྡོག་པས་མནན་ལ་བྱེད་དུ་གཞུག་གོ། །འཕགས་མ་ཅི་ཁྱོད་ལ་ཡང་དགྲ་ཡོད་དམ། བདག་གི་བུ་མོ་ཁྱོད་ཀྱིས་ཁྲིད་པས་ན་བདག་གི་དགྲ་ཆེན་པོ་ཁྱོད་ཉིད་ཡིན་ནོ། །དེ་དག་འཐབ་མོ་བྱེད་པ་བྲམ་ཟེ་དང་། ཁྱིམ་
D6.011.0158b06.01བདག་དག་གིས་མཐོང་ནས། ཀྱེ་འདི་ཅི་ཞིག་ཅེས་དྲིས་པ་དང་། དེ་དག་གིས་ཇི་ལྟ་བུར་གྱུར་པ་ཞིབ་ཏུ་སྨྲས་པ་དང་། དེ་དག་འཕྱ་ཞིང་སྨོད་ངན་དུ་འཛེར་ཏེ། དགེ་སྦྱོང་ཤཱཀྱའི་བུ་རྣམས་ཀྱི་དགེ་སྦྱོང་རབ་ཏུ་ཚིག་པའོ། །དགེ་སྦྱོང་དང་ཚངས་པ་ཡང་རབ་ཏུ་ཚིག་པའོ། །
D6.011.0158b07.01