完整藏文原文 · 德格版页 当前仅加载第 11 函德格 178b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཀྱིས་གསོལ་བ་བཏབ་པའི་དགེ་སློང་གང་ཡིན་པའི་མདུན་དུ་དགེ་སློང་མ་དེ་དག་ཡོངས་སུ་དག་པ་རྗོད་ཅིག་ཅེས་བཀའ་སྩལ་ནས། གསོལ་བ་བཏབ་པའི་དགེ་སློང་དེ་སྒོ་ཁང་ན་སྡོད་དོ། །ཇི་ཙམ་ན་དགེ་སློང་མ་དག་དེའི་དྲུང་དུ་ཉེ་བར་འོང་བར་བརྩམས་པ་དང་། དེས་མ་
D6.011.0178b01.01རེག་མ་རེག་ཤིག་ཅེས་སྨྲས་ནས་འབྲོས་པར་བརྩམས་སོ། །དེ་དག་གིས་དེའི་རྗེས་སུ་སྐད་ཅིག་ཙམ་ཞིག་འབྲངས་ཏེ། སླར་ལོག་ནས་དགེ་སློང་མའི་དབྱར་མོ་ཁང་དུ་འོངས་ཏེ། དགེ་སློང་མ་རྣམས་ཀྱིས་དེ་བཞིན་དུ་གསོ་སྦྱོང་མ་བྱས་པའི་སྐབས་དེ་དགེ་སློང་མ་རྣམས་ཀྱིས་དགེ་
D6.011.0178b02.01སློང་རྣམས་ལ་སྨྲས་སོ། །དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། གསོལ་བ་བཏབ་པའི་དགེ་སློང་གིས་དེ་ཁོ་ན་བཞིན་དུ་མ་འབྲོས་པར་སྲིང་མོ་མ་རེག་པར་འདུག་ཤིག་ཅེས་བསྒོ་བར་བྱའོ། །དགེ་སློང་གིས་དགེ་སློང་མ་དེ་
D6.011.0178b03.01དག་ལ་མ་བསྒོ་བར་དེ་ཁོ་ན་བཞིན་དུ་རིང་དུ་བྲོས་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་མ་ལ་གདམས་ངག་འབོགས་པའི་དགེ་སློང་ལ་གསོལ་བ་གདབ་པར་བྱའོ། །དེས་ཀྱང་ནན་ཏན་གྱིས་བསྡད་པར་བྱའོ་ཞེས་གསུངས་སོ། །ཇི་ཙམ་ན་གཞན་
D6.011.0178b04.01ཞིག་ལ་གསོལ་བ་བཏབ་པ་དེ་མྱུར་བར་སྒོ་ཁང་དུ་མ་སོང་བ་དང་། དེར་འཚོ་བ་པ་ཞིག་དགོས་པ་ཞིག་གི་ཕྱིར་འོངས་ཏེ་སྒོ་ཁང་ན་འཁོར་བའི་འཁོར་ལོ་ཆ་ལྔ་པ་ལ་རྟོག་ཅིང་འདུག་གོ། །དགེ་སློང་མ་དེ་དག་གིས་བསམས་པ། འདི་ནི་བདག་ཅག་གི་གདམས་ངག་འབོགས་
D6.011.0178b05.01པ་ཡིན་ནོ་སྙམ་སྟེ་དེ་དག་དེའི་རྐང་པ་ལ་གཏུགས་ཏེ་འདུག་ནས་སྨྲས་པ། འཕགས་པ་དགོངས་སུ་གསོལ་དེས་བསམས་པ་རེ་ཞིག་དགེ་སྦྱོང་མགོ་རེག་མ་འདི་དག་ཅི་སྨྲ་བ་ལྟའོ་སྙམ་སྟེ་ཅང་མ་སྨྲས་པ་དང་། དེ་དག་གིས་ཡང་སྨྲས་པ། འཕགས་པ་དགོངས་སུ་གསོལ། རྒྱལ་
D6.011.0178b06.01པོའི་ཀུན་དགའ་ར་བའི་དགེ་སློང་མའི་དགེ་འདུན་མ་རྒྱལ་བུ་རྒྱལ་བྱེད་ཀྱི་ཚལ་གྱི་དགེ་སློང་གི་དགེ་འདུན་གྱི་ཞབས་ལ་མགོ་བོས་ཕྱག་འཚལ་ཏེ་གནོད་པ་ཆུང་ངམ། ཉམ་ང་བ་ཆུང་ངམ། བསྐྱོད་པ་ཡང་ངམ། འཚོའམ། སྟོབས་དང་། བདེ་བ་དང་། ཁ་ན་མ་ཐོ་བ་མ་མཆིས་པར་
D6.011.0178b07.01