完整藏文原文 · 德格版页 当前仅加载第 11 函德格 307a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་རང་གིས་ནུ་མ་བསྣུན་ནས་གསོས་ཤིང་བསྐྱེད་པ་དང་། གཞན་ཡང་སྔོན་གྱི་དུས་ན་ཡང་དག་པར་རྫོགས་པའི་སངས་རྒྱས་རྣམས་ལ་འཁོར་བཞི་ཡོད་པ་དེ་བཞིན་དུ་གང་བཅོམ་ལྡན་འདས་འདི་ལ་ཡང་དེ་བཞིན་དུ་འགྱུར་རོ་སྙམ་པ་དང་། བདག་གིས་བྱས་པ་གཟོ་བ་དང་།
D6.011.0307a01.01ཉེ་དུ་དང་གཉེན་པས་བུད་མེད་རབ་ཏུ་དབྱུང་བར་གསོལ་བ་བགྱིས་ཏེ་དེ་གཅིག་པུ་ནོངས་པ་ནི་བཟོད་པ་གསོལ་ལོ། །ཀུན་དགའ་བོ་ཁྱོད་ཀྱིས་དེ་ལྟར་བྱས་པ་གཟོ་བ་ནི་ཆོས་ཀྱི་སྐུ་ལ་གནོད་པ་བྱེད་པ་ཡིན་ཏེ། ཇི་ལྟར་ཁྱོད་ཀྱིས་སངས་རྒྱས་ཀྱི་ཞིང་ཕུན་སུམ་ཚོགས་པ་ལ་སེར་བ་བབ་
D6.011.0307a02.01པས་ལོ་སྟོང་ཚང་བར་གནས་པའི་ཡུན་ཐུང་ངུར་ལྷག་མ་ཙམ་དུ་བྱས་ན་ཇི་ལྟར་ཉེ་དུ་དང་གཉེན་གྱི་ཕྱིར་ཞེས་སྨྲ། གཉེན་གྱི་ཕྱིར་རབ་ཏུ་ཕྱུང་བ་ནི་ཚུལ་མ་ཡིན་ཞིང་ལེགས་པ་མ་ཡིན་ཏེ་ཉེས་པ་ཡིན་ནོ། །ཇི་ལྟར་སྔོན་གྱི་དུས་ན་ཡང་དག་པར་རྫོགས་པའི་སངས་རྒྱས་ལ་འཁོར་བཞི་ཡོད་པར་
D6.011.0307a03.01ངས་ཐོས་ཏེ། གང་བཅོམ་ལྡན་འདས་འདི་ལ་ཡང་དེ་བཞིན་དུ་འགྱུར་རོ་ཞེས་སྨྲ་བ་ཡང་དེ་སྔོན་གྱི་དུས་ན་མི་རྣམས་ནི་འདོད་པ་ཆུང་བ། ཉེས་པ་ཆུང་བ། འདོད་ཆགས་ཆུང་བ། ཞེ་སྡང་ཆུང་བ། གཏི་མུག་ཆུང་བ། ཀུན་ཏུ་སྦྱོར་བ་སྲབ་པ་ཡིན་ཏེ། དེ་དག་ནི་དེ་ལྟར་རིགས་ཀྱི་འདི་ནི་
D6.011.0307a04.01རིགས་པ་མ་ཡིན་ཏེ། འདི་ལྟར་བཅོམ་ལྡན་འདས་མི་བཞེད་བཞིན་དུ་ཇི་ལྟ་ཇི་ལྟར་ཁྱོད་ཀྱིས་གསོལ་བ་བཏབ་པ་དེ་བཞིན་དུ་གྲུབ་པར་གྱུར་ཏོ། །དེ་བས་ན་འདི་ནི་ཉེས་པ་དང་པོ་ཡིན་ཏེ། ཚུལ་ཤིང་ཞོག་ཤིག །ཁྱོད་ལ་ཉེས་པ་གཞན་ཡང་ཡོད་དེ། གང་བཅོམ་ལྡན་འདས་ཀྱིས་ཀུན་
D6.011.0307a05.01དགའ་བོ་གང་དང་གང་དུ་རྫུ་འཕྲུལ་གྱི་རྐང་པ་བཞི་པོ་ལ་བསྟེན་ཅིང་བསྒོམས་ཏེ་ལན་གྲངས་མང་དུ་བྱས་ན་འདོད་ན་བསྐལ་པའམ་བསྐལ་པ་ལས་ལྷག་པར་ཡང་གནས་པར་འགྱུར་རོ་ཞེས་གསུངས་ན། འདི་ལྟར་ཁྱོད་ཀྱིས་བཅོམ་ལྡན་འདས་ལ་བཅོམ་ལྡན་འདས་འཇིག་རྟེན་ལ་ཕན་པར་
D6.011.0307a06.01བགྱི་བའི་སླད་དུ་བསྐལ་པའི་བར་དུ་བཞུགས་སུ་གསོལ། བདེ་བར་གཤེགས་པ་བསྐལ་པ་བས་ལྷག་པར་བཞུགས་སུ་གསོལ་ཞེས་གསོལ་བ་མ་བཏབ་བོ། །དེས་སྨྲས་པ། བཙུན་པ་འོད་སྲུང་ཆེན་པོ་ངོ་ཚ་མེད་པ་དང་། འཛེམ་པ་མེད་པ་ནི་མ་ལགས་མོད་ཀྱི། འོན་ཀྱང་བདག་དེའི་ཚེ་
D6.011.0307a07.01