完整藏文原文 · 德格版页 当前仅加载第 11 函德格 48a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། བཀུར་སྟི་ལ་མངོན་པར་དགའ་བའི་དྲི་མའི་འདམ་གྱི་སྐྱོན་དང་བྲལ་བ། དུས་དཔག་ཏུ་མེད་པ་ནས་ཚོགས་བསགས་པའི་ཡེ་ཤེས་བླ་ན་མེད་པ་ཕུལ་དུ་ཕྱིན་པའི་རྒྱན་གྱིས་བརྒྱན་པའི་གྲགས་པ་ཅན། ལྷའི་དབང་པོའི་ཅོད་པན་རིན་པོ་ཆེའི་མྱུ་གུས་ཞབས་གཉིས་ལ་
D6.011.0048a01.01གཏུགས་པ། ལྷ་དང་། ལྷ་མ་ཡིན་དང་། མི་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། སྔགས་འཆང་དང་། བྲང་འགྲོ་མཆོད་འོས་རྣམས་ཀྱིས་རྗེད་པ། མདོར་ན་སྐུ་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་
D6.011.0048a02.01ཅུས་རྣམ་པར་སྤྲས་པ། འོད་འདོམ་གང་པས་བརྒྱན་པ། འོད་ཉི་མ་སྟོང་བས་ལྷག་པ། རིན་པོ་ཆེའི་རི་འགྲོ་བ་ལྟ་བུ་ཀུན་ནས་བཟང་བ་མཐོང་ངོ་། །ཇི་ལྟར་སེམས་ཅན་དགེ་བའི་རྩ་བ་བསགས་པའི་རྒྱུ་ཅན་གྱིས་དང་པོ་སངས་རྒྱས་མཐོང་བ་ལྟར་ལོ་བཅུ་གཉིས་སུ་ཞི་གནས་ཀྱི་སེམས་གོམས་
D6.011.0048a03.01པའམ། བུ་མེད་པས་བུ་རྙེད་པའམ། བཀྲེན་པས་གཏེར་མཐོང་བའམ། རྒྱལ་པོ་མངོན་པར་འདོད་པ་དང་པོ་རྒྱལ་པོར་དབང་བསྐུར་བ་ནི་དེ་ལྟ་མ་ཡིན་པས་དྲང་སྲོང་དེ་རྣམས་ཀྱིས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ། །བཅོམ་
D6.011.0048a04.01ལྡན་འདས་ཀྱིས་དེ་རྣམས་ཀྱི་བསམ་པ་དང་། བག་ལ་ཉལ་དང་། ཁམས་དང་། རང་བཞིན་མཁྱེན་ནས་འཕགས་པའི་བདེན་པ་བཞི་རྟོགས་པར་འགྱུར་བ་དེ་ལྟ་བུའི་ཆོས་བསྟན་པ་མཛད་པ་དང་། དེ་རྣམས་ཀྱིས་དེ་ཐོས་ནས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་
D6.011.0048a05.01རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་སོ། །དེ་རྣམས་བདེན་པ་མཐོང་ནས་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ཅག་ལེགས་པར་གསུངས་
D6.011.0048a06.01པའི་ཆོས་འདུལ་བ་ལ་རབ་ཏུ་འབྱུང་ཞིང་བསྙེན་པར་རྫོགས་པ་དགེ་སློང་གི་དངོས་པོ་འཐོབ་ན་བདག་ཅག་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱད་པ་སྤྱོད་པར་འཚལ་ལོ། །བཅོམ་ལྡན་འདས་ཀྱིས་དེ་རྣམས་རབ་ཏུ་ཕྱུང་བསྙེན་པར་རྫོགས་པར་མཛད་དེ་གདམས་ངག་ཕོག་
D6.011.0048a07.01