完整藏文原文 · 德格版页 当前仅加载第 11 函德格 12a 版页；藏文 NFD、目录标记与异常页序保留在来源切片中，重复版页行以稳定序号区分。
སོ་ལེགས་སོ། །ཁྱོད་ཀྱིས་དུས་སུ་འཕགས་པ་ཀ་ཏྱའི་བུ་ཆེན་པོ་ལ་གཏད་པས་འགྲོའོ་ཞེས་ཚེ་དང་ལྡན་པ་ཀ་ཏྱའི་བུ་ག་ལ་བ་དེར་སོང་ངོ་། །དེར་སོང་སྟེ་སོང་ནས་ཚེ་དང་ལྡན་པ་ཀ་ཏྱའི་བུ་ཆེན་པོའི་རྐང་པ་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་
D6.011.0012a01.01གཅིག་ཏུ་འདུག་ནས་རྒྱལ་པོ་གཏུམ་པོ་རབ་སྣང་གིས་ཚེ་དང་ལྡན་པ་ཀ་ཏྱའི་བུ་ཆེན་པོ་ལ་འདི་སྐད་ཅེས་སྨྲས་སོ། །སློབ་དཔོན་ཀ་ཏྱའི་བུ་ཆེན་པོ་འདི་ན་བདག་མཚན་མོ་མལ་ཆེན་པོ་ཞིག་ན་ཉལ་ཞིང་མཆིས་པའི་ཚེ་རྨི་ལམ་དུ་ས་བླའི་སྒྲ་དྲུག་དང་། བར་སྣང་གི་སྒྲ་དྲུག་ནི་ཐོས། རྨི་ལམ་
D6.011.0012a02.01བརྒྱད་ནི་མཐོང་སྟེ། ས་བླའི་སྒྲ་དྲུག་གང་ཞེ་ན། འདི་ལྟ་སྟེ། དྲུག །མེད། བདག །ངན། སེམས། བདག་ཅག་འདི་རྣམས་ཞེས་བྱ་བ་སྟེ། འདི་དག་ནི་འདིར་ཚིགས་སུ་བཅད་པ་དྲུག་གི་ཡི་གེ་དང་པོ་ལགས་སོ། །དེ་ལ་དྲུག་ཅེས་བྱ་བ་ལས་ཚིགས་སུ་བཅད་པ་ནི། ལོ་ནི་སྟོང་
D6.011.0012a03.01ཕྲག་དྲུག་བཅུ་དང་། །ལོ་ནི་བརྒྱ་ཕྲག་དྲུག་བཅུ་རུ། །སེམས་ཅན་དམྱལ་བར་འཚེད་རྣམས་ཀྱི། །ནམ་ཞིག་མཐར་ནི་ཕྱིན་པར་འགྱུར། །མེད་ཅེས་བྱ་བ་ལས་ཚིགས་སུ་བཅད་པ་ནི། མཐའ་མེད་མཐའ་ལྟ་ག་ལ་ཡོད། །ང་དང་ཁྱེད་ཅག་ཉིད་ཀྱིས་ནི། །མཐའ་ཉིད་དམིགས་པར་མི་
D6.011.0012a04.01འགྱུར་བ། །དེ་ལྟར་སྡིག་པའི་ལས་བྱས་སོ། །བདག་ཅེས་བྱ་བ་ལས་ཚིགས་སུ་བཅད་པ་ནི། བདག་ཅག་གིས་ནི་ལོངས་སྤྱོད་དག །མཐུན་དང་མི་མཐུན་པས་བསྒྲུབས་པ། །གཞན་དག་བདེ་བས་དགའ་བྱེད་ཀྱི། །བདག་ཅག་སྡུག་བསྔལ་སྐལ་ཅན་གྱུར། །ངན་ཞེས་བྱ་བ་
D6.011.0012a05.01ལས་ཚིགས་སུ་བཅད་པ་ནི། འདི་ན་བདག་ཅག་འཚོ་བ་ངན། །བདག་ཅག་གང་བདོག་དེ་མ་བཏང་། །ལོངས་སྤྱོད་དག་ནི་ཡོད་པའི་ཚེ། །བདག་ཉིད་ལ་ནི་ཕན་མ་བྱས། །སེམས་ཞེས་བྱ་བ་ལས་ཚིགས་སུ་བཅད་པ་ནི། སེམས་ཀྱིས་སུ་ནི་བསླུས་གྱུར་ཅིང་། །མི་ཤེས་པས་ནི་
D6.011.0012a06.01བདས་གྱུར་པ། །སེམས་ཅན་དམྱལ་བར་སྐྱེས་རྣམས་ཀྱི། །གཉའ་ནི་སུ་ཞིག་བྱེད་པར་འགྱུར། །བདག་ཅག་འདི་རྣམས་ཞེས་བྱ་བ་ལས་ཚིགས་སུ་བཅད་པ་ནི། བདག་ཅག་འདི་རྣམས་བདེ་འགྲོ་རུ། །སོང་སྟེ་དགེ་བ་མང་བྱས་ནས། །དེ་ནས་བསོད་ནམས་བྱས་གྱུར་ཅིང་། །ཤིས་
D6.011.0012a07.01