完整藏文原文 · 德格版页 当前仅加载第 11 函德格 177a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བཟོད་པ་གསོལ་ལོ། །གཞན་དག་གིས་ནི་གཅིག་ལ་གཅིག་ཡང་དག་པར་དགའ་བར་བྱོས་ལ་དགག་དབྱེ་གྱིས་ཤིག །གླེང་གཞི་ནི་མཉན་ཡོད་ནའོ། །བཅོམ་ལྡན་འདས་ཀྱིས་ལོ་ལྔ་པ་དང་། གཙུག་ཕུད་ཀྱི་དུས་སྟོན་ཆེན་པོ་བྱའོ་ཞེས་བཀའ་
D6.011.0177a01.01སྩལ་པ་དང་། བྲམ་ཟེ་དང་། ཁྱིམ་བདག་དད་པ་ཅན་རྣམས་ཕན་ཚུན་འགྲན་ཅིང་བྱེད་དོ། །དེའི་ཚེ་དགེ་སློང་དང་དགེ་སློང་མ་རྣམས་ཀྱི་འདུས་པ་ཆེན་པོར་གྱུར་པ་དང་། བཅོམ་ལྡན་འདས་ཀྱིས་རྒན་རིམས་ཇི་ལྟ་བ་བཞིན་དུ་འདུག་ཤིག་ཅེས་བཀའ་སྩལ་ཏོ། །དགེ་སློང་མ་རྣམས་
D6.011.0177a02.01རྒན་རིམས་ཇི་ལྟ་བ་བཞིན་དུ་འདུག་པ་ན་ཅ་ཅོ་འདོན་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་རྣམས་ལ་སྨྲས་སོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ་གཉིས་གསུམ་ཙམ་ཞིག་རྒན་རིམས་ཇི་ལྟ་བ་བཞིན་དུ་
D6.011.0177a03.01འཁོད་པར་བྱའོ། །ལྷག་མ་རྣམས་ནི་འཁོར་ཇི་ལྟ་བ་དང་། སྨོན་འགྲིན་ཇི་ལྟ་བ་བཞིན་དུ་འཁོད་ཅིག། །།སྡོམ་ལ། སྒོ་ཡི་དྲུང་ན་འཁོད་པ་དང་། །གཉིས་ཀྱིས་གསོ་སྦྱོང་ལུང་ནོད་དང་། །དགེ་སློང་མ་ནི་མཁས་གྱུར་ཀྱང་། །གཅིག་པུས་གསོ་སྦྱོང་མི་མནོད་པའོ། །སངས་
D6.011.0177a04.01རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་ཐུན་མོང་གི་ལས་མ་གཏོགས་པར་དགེ་སློང་དང་། དགེ་སློང་མ་རྣམས་ཀྱི་ལས་སོ་སོར་གྱིས་ཤིག་ཅེས་བཀའ་སྩལ་པ་དང་། དགེ་
D6.011.0177a05.01སློང་མ་ཐམས་ཅད་འདུས་ནས་གསོ་སྦྱོང་ལ་རྒྱལ་བུ་རྒྱལ་བྱེད་ཀྱི་ཚལ་དུ་འོངས་ནས་གསོ་སྦྱོང་བྱེད་དེ་དགེ་སློང་རྣམས་དང་། དེ་དག་རྣམས་ལྷན་ཅིག་ཏུ་སྒོ་ཁང་ན་གསོ་སྦྱོང་བྱེད་པ་དང་། བྲམ་ཟེ་དང་། ཁྱིམ་བདག་རྣམས་དེ་ལ་ལྟད་མོ་ལྟ་ཞིང་འདུག་པའི་སྐབས་དེ་གསན་ནས། བཅོམ་ལྡན་
D6.011.0177a06.01འདས་ཀྱིས་བཀའ་སྩལ་པ། དགེ་སློང་དང་། དགེ་སློང་མ་རྣམས་ལྷན་ཅིག་ཏུ་སྒོ་ཁང་དུ་གསོ་སྦྱོང་མི་བྱའོ། །བཅོམ་ལྡན་འདས་ཀྱིས་དགེ་སློང་དང་དགེ་སློང་མ་རྣམས་ལྷན་ཅིག་ཏུ་སྒོ་ཁང་དུ་གསོ་སྦྱོང་མི་བྱའོ་ཞེས་བཀའ་སྩལ་པ་དང་། དགེ་སློང་རྣམས་ནང་དུ་ཞུགས་ཏེ་དེ་དག་དང་ལྷན་
D6.011.0177a07.01