完整藏文原文 · 德格版页 当前仅加载第 11 函德格 121b 版页；藏文 NFD、目录标记与异常页序保留在来源切片中，重复版页行以稳定序号区分。
བྱོས་ཤིག །གླེང་གཞི་མཉན་དུ་ཡོད་པ་ན་སྟེ། དགེ་སློང་མ་རྣམས་ལས་སྡེ་བཞི་འདུས་པས་བྱ་བ་དང་། སྡེ་ལྔ་འདུས་པས་བྱ་བ་དང་། སྡེ་བཅུ་གཉིས་འདུས་པས་ལས་བྱ་བ་ཡང་ཡོད་དེ། དེ་དག་གིས་དགེ་འདུན་གཉི་ག་བསྡུས་པ་དང་བྱ་བ་མང་པོར་གྱུར་ཏོ། །བྱ་བ་མང་
D6.011.0121b01.01པོས་བཤད་པ་དང་། བཀླག་པ་དང་། བཟླས་པ་དང་། རྣལ་འབྱོར་དང་། ཡིད་ལ་བྱ་བ་རྣམས་ཀྱི་བར་ཆད་དུ་གྱུར་ཏོ། །དེ་ལྟར་གྱུར་པའི་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་དབྱུང་བ་དང་། བསྙེན་པར་རྫོགས་པ་དང་། སྤྱིས་བྱ་བའི་
D6.011.0121b02.01ལས་མ་གཏོགས་པར་དགེ་སློང་ཕའི་ལས་ཀྱང་ལོགས་ཤིག་ཏུ་བྱོས་ཤིག །དགེ་སློང་མ་རྣམས་ཀྱང་ལོགས་ཤིག་ཏུ་བྱོས་ཤིག་ཅེས་བཀའ་སྩལ་ཏོ། །གླེང་གཞི་ནི་མཉན་དུ་ཡོད་པ་ན་སྟེ། དེའི་དུས་ན་མཉན་དུ་ཡོད་པ་ན་ཁྱིམ་བདག་གཞན་ཞིག་འདུག་སྟེ་རིགས་མཉམ་པ་ལས་
D6.011.0121b03.01ཆུང་མ་ཞིག་བླངས་ཏེ་དེ་དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །དེ་ལ་རྩེ་དགའ་ཡོངས་སུ་སྤྱོད་པ་ལས་ཕྱི་ཞིག་ན་དེའི་ཆུང་མ་སེམས་ཅན་དང་ལྡན་པར་གྱུར་ཏེ་ཟླ་བ་དགུ་འདས་པ་དང་བུ་མོ་ཞིག་བཙས་ནས་དེ་བཙས་མ་ཐག་ཕ་དུས་ལས་འདས་སོ། །དེ་མས་གསོས་ཤིང་བསྐྱེད་
D6.011.0121b04.01དེ་ཆེན་པོར་གྱུར་པ་དང་། དེའི་མ་ཡང་དུས་ལས་འདས་སོ། །དེ་ནས་དུས་ཕྱི་ཞིག་ན་སྦོམ་དགའ་མོ་བསོད་སྙོམས་ཀྱི་ཕྱིར་ཞུགས་པ་དང་། དེས་དེ་སྲང་ཞིག་ཏུ་མཐོང་སྟེ་བུ་མོ་ཁྱོད་སུའི་ཡིན་ཞེས་སྨྲས་པ་དང་། དེས་འཕགས་མ་སུའི་ཡང་མ་ལགས་ཏེ་མགོན་མེད་པའོ་ཞེས་སྨྲས་
D6.011.0121b05.01པ་དང་། དེས་བུ་མོ་དེ་སྟེ་དེ་བཞིན་ན་ཅིའི་ཕྱིར་རབ་ཏུ་མི་འབྱུང་ཞེས་སྨྲས་པ་དང་། དེས་སུ་ཞིག་གིས་རབ་ཏུ་འབྱིན་ཞེས་སྨྲས་པ་དང་། དེས་བུ་མོ་ངས་རབ་ཏུ་དབྱུང་གིས་ཚུར་ཤོག །འདོང་ཞེས་སྨྲས་པ་དང་ལེགས་སོ་ཞེས་ཟེར་ཏེ་དེ་དང་ལྷན་ཅིག་ཏུ་དབྱར་མོ་ཁང་དུ་དོང་ནས་སྦོམ་དགའ་མོས་
D6.011.0121b06.01རབ་ཏུ་ཕྱུང་བ་དང་། དེ་ཉོན་མོངས་པས་གཟིར་ནས་སླར་བབས་སོ། །སྦོམ་དགའ་མོ་བསོད་སྙོམས་ལ་ཞུགས་པ་དང་། མཐོང་ནས་དེས་བུ་མོ་ཇི་ལྟར་འཚོ་ཞིང་འདུག་ཅེས་སྨྲས་པ་དང་། དེས་རྐང་པ་ལ་ཕྱག་བྱས་ཏེ་སྨྲས་པ། འཕགས་མ་སྡུག་བསྔལ་ཞིང་འཚོའོ། །བུ་མོ་དེ་
D6.011.0121b07.01