完整藏文原文 · 德格版页 当前仅加载第 11 函德格 184a 版页；藏文 NFD、目录标记与异常页序保留在来源切片中，重复版页行以稳定序号区分。
འཚོ་བ་འཕྲོག་པའོ་ཞེས་འཕྱ་བར་བྱེད། སྨོད་པར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་ཐོས་ཏེ་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་དགོངས་པ། དགེ་སློང་མ་སྦོམ་དགའ་མོའི་སྤྱོད་པ་ནི་དགེ་སྦྱོང་གི་ཚུལ་མ་
D6.011.0184a01.01ཡིན་པ་བྱེད་དོ། །དེ་ལྟ་བས་ན་དགེ་སློང་མས་ཆང་གི་ལས་མི་བྱའོ་སྙམ་དུ་མཁྱེན་ནས་བཀའ་སྩལ་པ། དགེ་སློང་དག་དགེ་སློང་མ་སྦོམ་དགའ་མོའི་སྤྱོད་པ་ནི་དགེ་སྦྱོང་གི་ཚུལ་མ་ཡིན་ཏེ། དེ་ལྟ་བས་ན་དགེ་སློང་མ་དག་གིས་ཆང་གི་ལས་མི་བྱའོ། །དགེ་སློང་མས་ཆང་གི་ལས་
D6.011.0184a02.01བྱེད་ན་ལྟུང་བ་སྦོམ་པོར་འགྱུར་རོ། །གླེང་གཞི་ནི་མཉན་ཡོད་ནའོ། །མཉན་ཡོད་ན་ཁྱིམ་བདག་སྦྱིན་པ་ལ་དགའ་བ་ཞིག་གནས་པ་དེ་དུས་གཞན་ཞིག་ན་ནད་ཀྱིས་ཐེབས་པར་གྱུར་ཏེ། དེའི་ལུས་ཀྱི་ཚེ་ཡོངས་སུ་འཆད་ཅིང་ཇི་ལྟར་བདག་ནི་འཆིའོ་སྙམ་སྟེ། དེས་གང་ཅུང་ཟད་
D6.011.0184a03.01བདག་དབང་ཞིང་ཁྱིམ་ན་ཡོད་པ་དེ་ཐམས་ཅད་དགེ་སྦྱོང་དང་། བྲམ་ཟེ་དང་། གཞན་ཡང་གྲོགས་པོ་དང་། མཛའ་བཤེས་དང་། ཉེ་དུ་དག་ལ་བྱིན་ཏེ། ཁྱིམ་གཅིག་པུ་ལུས་པ་སྦོམ་དགའ་མོས་ཐོས་ནས་དེ་རིངས་པར་སོང་སྟེ་བརྒྱུགས་ནས་དེར་འོངས་ཏེ་ཕྱིན་པ་དང་། དེས་ཁྱིམ་
D6.011.0184a04.01བདག་ལ་ཁྱིམ་བདག་བུད་མེད་ནི་རྙེད་པ་ཉུང་བའོ་ཞེས་མཚན་མ་ཞིག་ཉེ་བར་བསྟན་པ་དང་། ཁྱིམ་བདག་དེས་ཀྱང་རིག་ནས་སྨྲས་པ། འཕགས་མ་ཁྱོད་འཕྱི་སྟེ་འོངས་པས་གང་ཅུང་ཟད་ཅི་ཡོད་པ་དེ་ཐམས་ཅད་ངས་བྱིན་ཏེ། ཁྱིམ་གཅིག་པུ་ལས་མ་ལུས་པར་ཅུང་ཟད་སྦྱིན་དུ་ཡང་མེད་
D6.011.0184a05.01དོ། །དེས་སྨྲས་པ། ཁྱིམ་བདག་གླང་པོ་ཆེའི་སྣ་ལྟར་འཕང་བསྟོད་དེ། ཁྱོད་ཀྱི་དྲུང་དུ་འོངས་ན་ཇི་ལྟར་རེ་ཐག་ཆད་དེ་འགྲོ། དེས་སྨྲས་པ། འཕགས་མ་ཁྱིམ་གཅིག་པུ་ལས་མ་ལུས་ཞེས་མ་སྨྲས་སམ། གལ་ཏེ་དེ་བཞེད་ན་ཁྱིམ་དེ་སྣོམས་ཤིག །དེས་སྨྲས་པ། ཁྱིམ་བདག་
D6.011.0184a06.01དེ་བཞིན་དུ་བླང་བར་བྱའོ། །ནད་མེད་པར་གྱུར་ཅིག་ཅེས་སྨྲས་ནས་བྱུང་སྟེ་སོང་ངོ་། །ཇི་ཙམ་དུས་གཞན་ཞིག་ན་ཁྱིམ་བདག་དེ་དུས་ལས་འདས་ཏེ་དེའི་ཉེ་དུ་དག་གིས་རས་སྔོན་པོ་དང་། སེར་པོ་དང་། དམར་པོ་དང་། དཀར་པོ་དག་གིས་ཁྱོགས་བརྒྱན་ནས་དུར་ཁྲོད་དུ་ཁྱེར་ཏེ་སོང་
D6.011.0184a07.01